2 SIANGPAHRANG 3:11 - Lai (Hakha) Common Language Bible 2006

¹¹ Cun Jehoshafat nih a thawh i, “Hika ah hin Bawipa a kan halpiaktu ding Bawipa profet aho tal an um lo maw?” tiah a ti. Cu tikah Israel siangpahrang sinum pakhat nih a leh i, “Elijah kut i ti a rak toihtu Elisha, Shafat fapa kha hika ah hin a um ko,” tiah a ti.

2 SIANGPAHRANG 3:11 ပူးပေါင်းရင်းမြစ်များ

GENESIS 18:4

Ti in cahpiak hna ning law nan ke i ṭawl u law thing toiah hin i din ta u.

1 SIANGPAHRANG 19:21

Cun amah zulhnak cun a kir i cawtum tuah khat cu aa lak i a thah hna i an sa cu caw lei thuannak thing cun a chuan i mi cu a pek hna i an ei. Cun a tho i Elijah kha a zulh i amah cu a rian kha a ṭuanpiak.

1 SIANGPAHRANG 22:7

Sihmanhsehlaw Jehoshafat nih, “Hika ah hin kan hal khawh ding Bawipa profet a dang pakhat tal an um ti lo maw?” tiah a ti.

2 SIANGPAHRANG 2:25

Khika cun Karmel Tlang ah a va kal i cuka cun Samaria ah a kir.

2 SIANGPAHRANG 3:10

Cu tikah Israel siangpahrang nih a thawh i, “Aize! Bawipa nih kannih siangpahrang pathum hna hi Moab kut chung i pek awkah a kan kawh ko hi ta,” tiah a ti.

2 SIANGPAHRANG 3:12

Cun Jehoshafat nih cun, “Bawipa bia cu amah sinah cun a um,” tiah a ti. Cucaah Israel siangpahrang le Jehoshafat le Edom siangpahrang cu amah sinah cun an vung kal.

2 SIANGPAHRANG 3:3

Sihmanhsehlaw Nebat fapa Jeroboam nih Israel mi a sualter hnanak a sualnak kha aa tlaih i a kaltak lo.

1 CHANRELNAK 10:13

Cuticun zumhawktlak a si lo ruangah Saul cu a thi; Bawipa sinah zumh tlak a si lonak cu Bawipa nawlbia a zulh lonak kha le

1 CHANRELNAK 14:10

Cun David nih Pathian kha a hal i, “Filistin mi hna doh awkah ka hung kal lai maw? Annih cu ka kut chungah na ka pe hna hnga maw?” tiah a ti. Cun Bawipa nih amah cu. “Hung kal ko, annih cu na kut chungah kan pek hna lai,” tiah a ti.

1 CHANRELNAK 14:14

Cun David nih Pathian kha a hal ṭhan tikah, Pathian nih amah cu, “Na hung dawi hna hnga lo; i vel law balsam kung hna zawn khin chuahhnawh hna.

1 CHANRELNAK 15:13

A voi hmasa bik ah khan nannih nih nan put lo caah Bawipa kan Pathian nih kan cungah a thinhunnak a langhter; zeicahtiah kannih nih hitin tuah awk a si lai ti i fehter ciami ning khan kan rak zohkhenh lo,” tiah a ti hna.

2 CHANRELNAK 18:6

Sihmanhsehlaw Jehoshafat nih, “Hika ah hin kan hal khawh ding Bawipa profet a dang pakhat tal an um ti lo maw?” tiah a ti.

SALM 74:9

Kan thil thiang kha an lo dih, profet an um ti lo, hi bantukin thil kha zei can dah a um ti kha ahohmanh nih an hngal lo.

JEREMIAH 37:17

Zedekiah Siangpahrang nih Jeremiah cu a hei cah i a sinah a hunter. Siangpahrang nih cun a inn ah a thli tein bia a hal i, “Bawipa sinin zei bia a um maw?” tiah a ti. Cun Jeremiah nih a leh i, “A um ko. Nang cu Babilon siangpahrang kut chungah chanh na si lai,” tiah a ti.

AMOS 3:7

Bawipa Pathian nih aa tinhmi kha, a sal profet hna theihter hmasa loin zeihmanh a tuah bal lo.

FILIPI 2:22

Cu bantuk mi a si taktak ti cu nanmah hrimhrim nih nan hngalh ko i zeitindah keimah le amah cu pa le fa bantukin Thawngṭha rian kan ṭuan ti kha nan hmuh.

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

JOSHUA 1:1

Bawipa sal Moses thih hnuah, Moses rianṭuantu Joshua, Nun fapa cu, Bawipa nih a chawnh i,

JOSHUA 9:14

Cucaah mi hna nih cun an hun phorhmi riahcaw cu an ei pi hna i Bawipa awka zeihmanh an ngai lo.

BIACEIHTU 20:18

Israel mi cu an tho i Bethel ah an hung kal i Pathian kha an hal, “Kannih lakah hin ahodah Benjamin doh awkah a kal hmasa bik lai?” an ti. Cun Bawipa nih, “Judah a hung kal hmasa bik lai,” a ti.

BIACEIHTU 20:23

Cun Israel mi nih an hung kal i Bawipa hmaiah zanlei tiang an ṭap; “Kan unau Benjamin mi hna he i doh awkah kan hung kal ṭhan lai maw?” ti in Bawipa kha an hal. Cun Bawipa nih, “Hung doh ṭhan hna u,” a ti.