2 SIANGPAHRANG 24:3 - Lai (Hakha) Common Language Bible 2006

^3-4 Manasseh nih a tuahmi vialte ruangah le a sual lomi thisen a chuahmi ruangah, Bawipa nawl in hi thil cu Judah mi cungah, annih kha a mithmuh phak lo i ṭhial awkah, a tlung hrimhrim ko; zeitintiah Jerusalem khua kha a sual lomi thi in a khahter i Bawipa nih a ngaithiam duh lo.

2 SIANGPAHRANG 24:3 ပူးပေါင်းရင်းမြစ်များ

GENESIS 50:20

Ka cung i ṭhat lonak tuah awkah khua nan khan, sihmanhsehlaw cu nan khuakhannak cu Pathian nih thil ṭha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.

2 SIANGPAHRANG 17:18

Cucaah Bawipa cu Israel cungah a thin a hung ngaingai i a mithmuh phak lonak ah a dawi hna; Judah phun dah ti lo cu ahohmanh an tang lo.

2 SIANGPAHRANG 17:20

Cun Israel tefa vialte cu Bawipa nih a hlawt hna i a hrem hna, a mithmuh phak lo ah a hlonh hna hlantiang, hrawktu hna kut chungah khan a chanh hna.

2 SIANGPAHRANG 17:23

Bawipa nih a sal profet vialte hna in a chim bantuk khan Israel cu a mithmuh phak lonak ah a ṭhial hlantiang, annih nih mah cucu an kaltak hna lo. Cucaah Israel mi cu anmah ram in Assiria ram ah nihin tiang sal ah an tang.

2 SIANGPAHRANG 18:25

Cu hleiah hi hmun hi hrawh awk i ka hunhnawh tikah hin Bawipa hnatla loin maw a si? Bawipa nih cun pei a ka thawh i, “Hi ram hi hung kalhnawh law hung hrawk,” a ka ti cu, a ti,’ tiah va chim u,” tiah a ti hna.

2 SIANGPAHRANG 21:16

Cu hleiah Manasseh nih Judah mi kha a sualter hna caah Bawipa mithmuh i ṭhat lonak kha an tuah i, kha a sualternak hna a sualnak hleiah khan, a sual lomi thisen tampi a chuah fawn, Jerusalem cu khattelei deng in khattelei deng tiang a khat.

2 SIANGPAHRANG 24:20

Hi thil Jerusalem le Judah i a tlun cu Bawipa a thin a hun tuk caah khan a si, a donghnak ah cun a sinin a hlonh ko hna. Cun Zedekiah nih Babilon siangpahrang a doh.

2 CHANRELNAK 24:24

Siria ralkapbu cu mi tlawmte he an ra ko na in, annih kut chungah khan Bawipa nih ralkapbu nganpi cu a pek hna, zeicahtiah annih nih Bawipa, an pupa hna Pathian kha an hlawt. Cuticun Joash cungah biaceihnak kha an tlunter.

2 CHANRELNAK 25:16

Sihmanhsehlaw bia a chim lioah cun siangpahrang nih khan a thawh i, “Nangmah cu siangpahrang fimchimtu ah maw kan in ser? Ngol ko! Zeicahdah thah na si lai?” tiah a ti. Cucaah profet nih cun a ngol, sihmanhsehlaw, “Mah hihi na tuah i kan chimhmi na ngaih lo caah, Pathian nih nangmah hrawk awk cu a ruah cang tiah ka hngalh,” tiah a ti.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

ISAIAH 45:7

Keimah nih ceunak zong ka ser i muihnak zong ka ser; thluachuahnak zong ka tlunter i vanchiatnak zong ka tlunter, Bawipa nih hi thil vialte hi ka tuah dih hna.

JEREMIAH 32:31

Hi khua nih hin tlak a si ka in atu tiang ka thinhunnak kha a tuah lengmang i ka thin kha a ka phawh lengmang, cucaah ka hlonh ko lai;

JEREMIAH 52:28

Mah hna hi Nebukhadnezzar nih kum sawm sarih kum ah sal ah a kalpimi hna cu an si: Judah mi thong thum le kul le thum;

EZEKIEL 22:3

Anih cu thawh law hihi Bawipa bia a si tiah chim tuah: A ralhau chungah thisen a chuah i a cungah amah lila nih vanchiatnak aa tluntertu khualipi, siasal aa ser riangmang hna i cu aa sernak thawngin aa thurhhnawmhmi khualipi cu a caah ngaihchiat awk a va si dah!

EZEKIEL 24:6

Maw thisen in a luangmi khuapi, A thian in a thiang kho lomi cirik nih a eimi um! Cucaah Bawipa Pathian bia cu hihi a si: A chung i sazam kha, An caah camcawh fung zuh si hna hlah hmanh seh law zam khat hnu zam khat in thur hna.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

MIKAH 2:10

Tho u law kal u, hihi dinhnak hmun a si lo. Sualnak ruangah ṭih a nungmi rawhralnak he nan i tong lai.

DEUTERONOMI 28:63

Cun Bawipa nih nan ca i ṭhatnak tuah le nanmah karhter kha a rak duh tawn bangin, nanmah cung i rawknak tlunter le nanmah hrawh ah Bawipa cu aa lawm lai i; co awkah nan va luhhnawhmi ram chungin phawi nan si lai.

DEUTERONOMI 29:28

Cun Bawipa nih a thinhunnak, a thinphawhnak le a thinlinhnak in an ram in a phawi hna i nihin ah a si bang hin ram dang ah a hlonh hna,’ an ti lai.

JOSHUA 23:15

Sihmanhsehlaw Bawipa nan Pathian nih nannih kongah biakamnak a tuahmi thilṭha vialte kha nan caah a tlin bantukte khan, Bawipa nan Pathian nih hi ram ṭha an pekmi hna chung hin an hrawh hna hlantiang Bawipa nih nan cungah thilṭhalo vialte kha a tlunter lai,