2 SIANGPAHRANG 24:2 - Lai (Hakha) Common Language Bible 2006

² Cun Bawipa nih a sal profet hna in a rak chimmi bia ning khan, Bawipa nih Khaldi mibu hna le Siria mibu hna le Moab mibu hna le Ammon mibu hna kha a thlahhnawh hna i Judah hrawh awkah khan a thlah hna.

2 SIANGPAHRANG 24:2 ပူးပေါင်းရင်းမြစ်များ

2 SIANGPAHRANG 20:17

Zohhmanh, na inn chung i a ummi thil vialte le nihin tiangin na pupa hna nih an khonmi thil hna cu Babilon i kalpi lai caan ni a ra lio; nganhtami thil zeihmanh a um lai lo, tiah Bawipa nih a ti.

2 SIANGPAHRANG 22:16

Hi bangin Bawipa nih a ti, zohhmanh, Judah siangpahrang nih cauk chung bia a relmi vialte kha, hi hmun cung le a chung i a ummi cungah ṭhat lonak ka tlunter lai,

2 SIANGPAHRANG 23:27

Cun Bawipa nih, “Israel ka ṭhial bantuk khan Judah zong hi ka mithmuh phak lonak ah ka ṭhial lai, cun ka thimmi khuapi Jerusalem hi le “Hi chungah ka min a um lai,” ti in ka rak timi inn zong hi ka hlonh hna lai,” tiah a ti.

2 SIANGPAHRANG 6:23

Cucaah an caah puai nganpi pakhat a timh i an ei an din dih in a kalter hna i an bawipa sinah khan an kal. Cun Siria mi cu ralhranh awkah Israel ram chungah an lut ti lo.

2 CHANRELNAK 33:11

Cucaah Bawipa nih an cungah Assiria siangpahrang ralkapbu ralbawi kha a ratpi hna i annih nih Manasseh cu sio in an sio i dar hreng an khenh i Babilon ah an kalpi.

JOB 1:17

Cun bia a chim lengmang lioah cun a dang pakhat a ra ṭhan i, “Khaldi mi hna cu bu thum in an i ser riangmang i kalauk kha an nam hna i an lak hna i sinum hna kha vainam in an thah hna; cun keimah lawnglawng hi nangmah chimtu dingah ka luat,” tiah a ti.

ISAIAH 13:5

Lamhlatpi i a ummi ram vanhramdeng in a rami an si. A thinhun in ram cu a pumpi in Bawipa nih a hrawh lai.

ISAIAH 28:19

Zing khat hnu zing khat an den chih lengmang hna lai i chun he zan he nan in a hau lai. Pathian sinin a rami bia thar paohpaoh nih ṭihnak thar an rak i ratpi lai.

ISAIAH 7:17

“Israel pennak le Judah pennak an i ṭhennak in atu tiangah harnak a tlungmi vialte hna nakin a har deuhmi harnak cu nangmah le na mi hna le siangpahrang innchungkhar dihlak cungah Bawipa nih a tlunter lai — cu a tlunter dingmi cu Assiria siangpahrang kha a si!

JEREMIAH 12:9

Ka thimmi ka mi hna hi mupi, a ka kip in mupi dang nih an sanhmi bantuk a si. Ra u, nannih sahrang hna, ra u nan dihlak in, Rawl danghnak ah hin ra ei cio u.

JEREMIAH 25:1

Josiah fapa Jehoiakim, Judah siangpahrang, a bawi kum linak ah Judah mi vialte kong i Jeremiah sin i a phanmi bia cu hihi a si, (cucu Babilon siangpahrang Nebukhadnezzar a bawi kum khatnak a si ve),

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 26:20

Bawipa min in bia a rak chim vemi midang pakhat a rak um ve, amah cu Kiriath Jearim khuami Shemaiah fapa Uriah a si. Jeremiah nih a chim bantuk hin amah zong nih hi khua le hi ram a rawhnak ding kha a rak chim ve.

JEREMIAH 26:6

hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti.

JEREMIAH 32:28

Cucaah hi khuapi cu Babilon siangpahrang Nebukhadnezzar le a ralkap hna sinah ka pek lai i annih nih an lak lai.

JEREMIAH 35:11

Sihmanhsehlaw Babilon siangpahrang Nebukhadnezzar nih hi ram a ra doh tikah, “Ra u law Khaldi mi ralkapbu hna le Aramean mi ralkapbu a ra liomi hna hlanah hin Jerusalem ah kal u si,” a kan ti i cucaah Jerusalem ah hin kan um,’ an ti.

JEREMIAH 52:28

Mah hna hi Nebukhadnezzar nih kum sawm sarih kum ah sal ah a kalpimi hna cu an si: Judah mi thong thum le kul le thum;

ṬAHNAK HLA 1:17

Zion nih a za a zao, Sihmanhsehlaw a hnemtu ahohmanh an um lo; Bawipa nih Jakob innpa hna cu, Amah ral ah nan cang lai, tiah nawl a pek hna; Jerusalem cu an lakah Puanchia fihnung ah a cang cang.

EZEKIEL 19:8

Cu ram velchum i a ummi ram vialte hna nih khan an hawhawthnawh i an dawi ciammam i Sur in an vorh i khor chungah an thlak.

EZEKIEL 23:23

Babilon mi hna le hi Khaldi mi vialte hna le Pekod, Shoa le Koa phun mi hna le an sin i a ummi Assiria mi vialte hna hi, na cungah an thin ka hunter hna lai. Annih cu tlangval dawhdawh, bawi nganngan le uktu bawi hna le ralbawi hna, bawi min thangthang, rangcung i aa citmi an si.

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.

HABAKKUK 1:6

Mah cucu hihi a si: Khaldi mi cu ka thawhter hna lai, Annih cu mipuar, mithintawi an si; Anmah inn a si lomi lak awkah khan vawlei cung khuazakip ah an kal.