2 SIANGPAHRANG 23:3 - Lai (Hakha) Common Language Bible 2006

³ Cun siangpahrang cu tungpi hram ah khan a dir i, Bawipa kha zulh i a nawlbia hna le a hngalhternak bia hna le a phungbia hna kha a lungthin dihlak le a nunnak dihlak in zulh awk le hi cauk chungah aa ṭialmi biakamnak bia hna kha tuah awkah Bawipa hmaiah khan bia aa kam; cun mi vialte nih khan a tuahmi biakamnak cu an tuahpi ve.

2 SIANGPAHRANG 23:3 ပူးပေါင်းရင်းမြစ်များ

2 SIANGPAHRANG 11:14

cun a hei zoh tikah, a phung ningin siangpahrang cu tungpi hram i a dir i siangpahrang pawng i ralkapbu haotu hna le muko tumtu hna an um i cu rammi vialte an lung aa lawmh i muko an tum kha a hmuh. Cun Athaliah nih cun a puan kha a thleh hna i, “Rawinak a si! rawinak a si!” tiah a au.

2 SIANGPAHRANG 11:17

Cun Jehoiada nih Bawipa le siangpahrang le mi zapi karlak ah cun, annih cu Bawipa mi an si nakhnga biakamnak a ser i siangpahrang le mizapi karlak zongah khan a ser fawn.

2 CHANRELNAK 15:15

Cun Judah mi vialte cu an biakam chiatsernak ah cun an i lawm; zeicahtiah an lungtak tein chiatsernak cu an tuah i an duhnak dihlak in amah cu an kawl i amah cu an hmuh i an velchum ah Bawipa nih dinhnak a pek hna.

2 CHANRELNAK 23:13

cun a hei zoh tikah luhnak ka ah khan siangpahrang cu a tungpi pawng i a dir i siangpahrang pawngah cun haotu pawl le muko tumtu hna an um le ramchung mi vialte cu an i lawm i muko an tum i an hlasatu pawl hna nih an awdawh tumnak thilri hna he conglawmh tuahnak cu an hrui hna kha a hmuh. Cun Athaliah nih a puan kha a thleh hna i, “Rawinak a si! Rawinak a si!” tiah a au.

2 CHANRELNAK 23:16

Cun Jehoiada nih amah le mizapi hna le siangpahrang karlak ah khan, annih cu Bawipa mi si awkah biakamnak a ser.

2 CHANRELNAK 29:10

Ṭih a nungmi thinhunnak cu kan sinin aa mer nakhnga, Bawipa, Israel Pathian sin i biakamnak ser cu atu cu ka lung i a ummi a si.

EZRA 10:3

Cucaah ka bawipa ruahnak cheuhning in le kan Pathian nawlbia ah a thermi hna ruahnak cheuhnak bangin, hi kan nupi vialte hna le an fale hna hi hlawt awkah kan Pathian sinah biakamnak ser u sih; cun phungbia ningin tuah si seh.

NEHEMIAH 10:1

An cakhenhnak in a khenhtu hna cu hi hna hi an si: Hakaliah fapa Nehemiah, ram uktu bawi le Zedekiah,

NEHEMIAH 5:13

Ka puan zong kha ka thin i. “Hi biakamnak a tuah lomi paoh cu hi bantukin an inn cio le an rian cio in Pathian nih thing ko hna seh. Cu bang cun thin si ko hna seh law, lawngkarao in chiah si ko hna seh,” ka ti. Cun aa pummi vialte nih, “Amen,” an ti i Bawipa kha an thangṭhat. Cun mi nih bia an i kam bangkhan an tuah.

NEHEMIAH 9:38

Hi thil vialte hna ruangah hin a fekmi biakamnak kha caṭial in kan ser i kan bawi hna le kan Levi mi hna le kan tlangbawi hna nih an cakhenhnak in an khenh.

EXODUS 24:3

Moses kha a va kal i mi zapi cu Bawipa nawlbia le phunglam vialte kha a va chimh hna. Mi zapi nih khan, “Bawipa nih a chimmi vialte cu kan tuah dih lai,” an ti.

PHUNGCHIMTU 8:2

Siangpahrang nih a chimmi kha tuah tuah, Pathian sinah hnawhnam in biakamnak ser hlah.

JEREMIAH 34:15

Nan pupa hna nih cun ka bia cu ngaih an duh lo i ka nawl zong zulh an duh lo. Sihmanhsehlaw nannih tu nih cun tunaite ah sal luatnak ding caah thawng nan thanh i ka hmaika ah, ka min a pumi inn chungah biakamnak nan ser i cucaah ka mithmuh ah a ṭhami thil kha nan tuah.

JEREMIAH 34:8

Siangpahrang Zedekiah nih Jerusalem khuami vialte he an sal hna luatter awkah biakamnak a ser hnuah Bawipa sinin Jeremiah sinah a rami bia cu hihi a si.

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

JEREMIAH 50:5

Zion lei hoih in cuka kalnak ding lam cu an hal hna lai i, “Ra tuah u, zungzal hmunmi, philh khawh lo ding biakamnak in Bawipa sinah i peh u sih,” an ti lai, tiah Bawipa nih a ti.

DEUTERONOMI 10:12

“Kha! Israel, Bawipa na Pathian nih an fialmi cu zeidang si loin, Bawipa na Pathian ṭih le, a lam vialte kha zulh le, amah kha dawt le, Bawipa na Pathian cu na lung dihlak le na ruahnak dihlak in a rian ṭuan le,

DEUTERONOMI 11:13

“Cun nihin ah nawl kan pekmi hna ka nawlbia, Bawipa nan Pathian dawt le, a rian nan lung dihlak le nan ruahnak dihlak in ṭuan cu, nan zulh hna ahcun,

DEUTERONOMI 13:4

Bawipa nan Pathian cu nan zulh lai i nan ṭih lai, a nawlbia kha nan zulh hna lai i a aw kha nan ngaih lai, amah kha nan biak lai i amah sinah khan nan i bek lai.

DEUTERONOMI 29:1

Horeb tlang i annih he biakamnak a rak tuahmi hleiah khan, Moab ram chungah Bawipa nih Israel mi hna sinah Moses cu biakamnak a sertermi chung i bia hna cu mah hi an si.

DEUTERONOMI 4:45

Izipt ram in Israel fale hna nih an chuah tikah mah hna hi Moses nih a chimhmi hna hngalhternak bia hna le nawlbia hna le phunglam hna cu an si;

DEUTERONOMI 6:1

“Nannih nih co awkah nan kalhnawhmi ram chungah cun nan tuah hna nakhnga, nangmah le na fapa le na fapa fapa nih nan nunchung vialte, nawl kan pekmi hna amah nawlbia vialte le a phungbia vialte hna ulhnak thawngin

DEUTERONOMI 6:5

Bawipa na Pathian cu na lungthin dihlak le na ruahnak dihlak le na ṭhawnnak dihlak in na dawt lai.

DEUTERONOMI 8:19

Cun Bawipa nan Pathian nan philh i pathian dang kha nan zulh hna i an rian nan ṭuan i nan biak hna ahcun, nan rawk hrimhrim lai, tiah nihin ah hin ralrin kan pek hna.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.