2 SIANGPAHRANG 23:2 - Lai (Hakha) Common Language Bible 2006

² Cun siangpahrang cu Bawipa inn ah khan a hung kal i a sinah cun Judah ram mi vialte le Jerusalem khuami vialte le tlangbawi hna le profet hna le, mi vialte, a hme siseh a ngan siseh, an kal ve; cun Bawipa inn chung i hmuhmi biakamnak cauk chung bia vialte kha an theihhngan ah a rel dih.

2 SIANGPAHRANG 23:2 ပူးပေါင်းရင်းမြစ်များ

GENESIS 19:11

Cun lenglei i a ummi vialte kha an mit an cawtter hna i cucaah innka kha an hmu kho lo.

1 SIANGPAHRANG 8:9

Israel mi nih Izipt ram in an chuah tikah Bawipa nih annih he biakamnak a tuahnak Horeb tlang i Moses nih a khumhmi lung tlap pahnih hna dah ti lo kha cu, kuang chungah zeihmanh a um lo.

2 SIANGPAHRANG 22:8

Cun tlangbawi ngan Hilkiah nih caṭialtu Shafan kha, “Bawipa inn chungah phungbia cauk kha ka hmuh,” tiah a rak chimh. Cun Hilkiah nih cauk cu Shafan kha a pek i a rel.

2 CHANRELNAK 15:13

cun Bawipa, Israel Pathian a kawl duh lomi paoh cu mino a si ah, mitar a si ah, pa a si ah, nu a si ah, thah a si lai.

2 CHANRELNAK 17:9

Cun Judah ram chungah khan Bawipa phungbia cauk kha an i put i an cawnpiak hna; Judah ram chung khua vialte kha an ṭol i mi kha an cawnpiak hna.

NEHEMIAH 13:1

Khi ni ah khan mi zapi hmaiah cun Moses cauk chung khan an rel tikah Ammon mi hna le Moab mi hna cu ahohmanh, Pathian mi aa pummi hna chungah an luh awk a si lai lo, tiah aa ṭial kha an hmuh;

NEHEMIAH 9:3

Cun an hmun cio ah khan an dir i Bawipa an Pathian phungbia cauk chung khan ni cheu li cheu khat chung cu an rel i a dang cheu li cheu khat chung cu sual phuannak le Bawipa an Pathian biaknak caah an hman.

ESTHER 1:5

Cun hi ni hna an dih tikah Susa khuapi chung i a ummi mi vialte hna caah, a ngan he a hme he, rawl danghnak pakhat, ni sarih chung, siangpahrang inn dum chung tual ah cun a serpiak hna.

JOB 3:19

Khika ah mihme mingan an um ṭi i sal cu a bawipa sinin a luat cang.

SALM 115:13

Amah a ṭihmi vialte cu thluachuah a pek hna lai, a hme a ngan thleidang loin a pek hna lai.

JEREMIAH 34:8

Siangpahrang Zedekiah nih Jerusalem khuami vialte he an sal hna luatter awkah biakamnak a ser hnuah Bawipa sinin Jeremiah sinah a rami bia cu hihi a si.

LAMKALTU 26:22

Sihmanhsehlaw nihin ni tiangah hin Pathian nih a ka bawmh i cucaah cun hika zongah hin a hme sin he a ngan sin he ka hngalhnak bia ka chim khawhnak hi a si. Ka chimmi hi profet hna le Moses nih a si te lai tiah an rak chimmi hrimhrim kha a si:

DEUTERONOMI 31:26

“Hi phungbia cauk hi la u law, Bawipa nan Pathian biakamnak kuang pawngah khan va chia tuah u, nanmah kong ah biahngaltu a si nakhnga.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

1 SAMUEL 30:2

nu hna le a chung i a ummi vialte, a hme a ngan in, an rak tlaih dih hna; pakhat hmanh an that hna lo, sihmanhsehlaw an rak kalpi diam hna i an rak kal cang.

1 SAMUEL 5:9

Sihmanhsehlaw an ratpi hnuah, Bawipa kut nih cu khua cu a ralchanh i launak nganpi a chuahter i cu khuami hna cu a tar a no in a hrem hna i an cungah tak bonak kha a chuak.