2 SIANGPAHRANG 22:8 - Lai (Hakha) Common Language Bible 2006

⁸ Cun tlangbawi ngan Hilkiah nih caṭialtu Shafan kha, “Bawipa inn chungah phungbia cauk kha ka hmuh,” tiah a rak chimh. Cun Hilkiah nih cauk cu Shafan kha a pek i a rel.

2 SIANGPAHRANG 22:8 ပူးပေါင်းရင်းမြစ်များ

2 SIANGPAHRANG 22:9

Cun caṭialtu Shafan cu siangpahrang sinah a ra i siangpahrang cu, “Inn chung i a ummi tangka cu na sal hna nih an bungh i Bawipa inn a zohkhenhtu rianṭuantu hna kut chungah khan an chanh cang,” tiah a chimh.

2 SIANGPAHRANG 23:2

Cun siangpahrang cu Bawipa inn ah khan a hung kal i a sinah cun Judah ram mi vialte le Jerusalem khuami vialte le tlangbawi hna le profet hna le, mi vialte, a hme siseh a ngan siseh, an kal ve; cun Bawipa inn chung i hmuhmi biakamnak cauk chung bia vialte kha an theihhngan ah a rel dih.

2 SIANGPAHRANG 23:24

Cu hleiah tlangbawi Hilkiah nih Bawipa inn chungah a hmuhmi cauk chung i aa ṭialmi phungbia hna kha a fehter nakhnga, Josiah nih khan litin thiam hna le hnamngei hna le milem tete hna le siasal hna le Judah ram chung le Jerusalem khua chung i fihnung a simi thil an hmuhmi vialte hna kha a hloh dih hna.