2 SIANGPAHRANG 22:4 - Lai (Hakha) Common Language Bible 2006

⁴ “Tlangbawi ngan Hilkiah sinah khan hung kal law innleng cawngtu hna nih mi zapi sinin an lakmi tangka Bawipa inn chung i luhpi a simi kha zeizat dah a si tiah rak rel seh;

2 SIANGPAHRANG 22:4 ပူးပေါင်းရင်းမြစ်များ

2 SIANGPAHRANG 12:4

Joash nih tlangbawi kha a thawh hna i, “Bawipa inn chungah rak putmi thil thiang man tangka vialte, ahohmanh cu zat cio na thawh awk a si tiin tuahpiakmi — cu zat cu nang na thawh awk a si ti i tuakpiak ciomi tangka — le lungtho tein Bawipa inn chungah ratpimi tangka kha,

2 SIANGPAHRANG 12:5

tlangbawi nih anmah le an hngalhtheihmi hna cio sin khan la hna seh; cun inn kha remh awk a herhnak zawn paoh remh hna seh,” tiah a ti.

2 SIANGPAHRANG 18:18

Cun siangpahrang kha an auh tikah inn zohkhenhtu Hilkiah i a fapa Eliakim le caṭialtu Shebnah le cazin tlaitu Joah, Asaf fapa kha an ra chuak.

1 CHANRELNAK 6:13

Shallum cu Hilkiah pa a si, Hilkiah cu Azariah pa a si,

1 CHANRELNAK 9:11

le Azariah Hilkiah fapa, Hilkiah cu Meshullam fapa, Meshullam cu Zadok fapa, Zadok cu Meraioth fapa, Meraioth cu Ahitub fapa, Ahitub cu Pathian inn i bawi ngan bik a si;

1 CHANRELNAK 9:19

Shallum, amah cu Kore fapa, Kore cu Ebiasaf fapa, Ebiasaf cu Korah fapa, cun a pa innchungkhar a rualchan hna, Korah mi hna nih biaknak rian zohkhenhtu le thlam innkahram zohkhenhtu an si, an pupa hna cu Bawipa riahhmun zohkhenhtu le luhnak zohkhenhtu an rak si bang khan.

2 CHANRELNAK 8:14

A pa David nih a rak chiahmi phunglam ning khan, tlangbawi hna cu an rian cio caah khan a bubu in a thiah hna i ni fate rian nih a hlam cio ning khan Levi mi hna cu tlangbawi hna hmai i thangṭhatnak rian le rianṭuannak an tuah awk a simi ah khan a thiah fawn hna, cun kutka cawngtu pawl zong kha kutka hna caah khan an bubu in a thiah hna; zeitintiah cuticun Pathian mi David nawl pekning cu a si.

NEHEMIAH 11:19

Kutka cawngtu Akkub le Talmon le kutka a cawngtu an unau hna cu za khat sawm sarih le pahnih an si.

SALM 84:10

Na biakinn chungah ni khat um cu hmun dang i ni thong khat um nakin a ṭha deuh. Miṭhalo mi hna inn chung i um nakcun ka Pathian inn kutka hram dir hmanh ka duh deuh.