2 SIANGPAHRANG 22:3 - Lai (Hakha) Common Language Bible 2006

³ Siangpahrang Josiah a bawi kum hleiriatnak ah Meshullam fapa Azaliah i fapa Shafan, caṭialtu kha, Bawipa inn ah a hei thlah i,

2 SIANGPAHRANG 22:3 ပူးပေါင်းရင်းမြစ်များ

2 SIANGPAHRANG 12:10

Cun thingkuang chungah tangka tampi a um ti an hngalh fate, siangpahrang Caṭialtu le tlangbawi ngan kha an hung i Bawipa inn chungah an hmuhmi tangka cu an rel i sawngkhoi in an beo hna.

2 SIANGPAHRANG 23:23

Sihmanhsehlaw Josiah Siangpahrang a bawi kum hleiriatnak ah hi lanhtak puai cu Bawipa sinah Jerusalem ah an ulh.

JEREMIAH 1:2

Amah sinah cun Bawipa bia cu Judah siangpahrang Amon fapa Josiah a bawi kum hleithum kum ah a phan;

JEREMIAH 36:10

Khi tikah Bawipa inn chungah cun mi vialte theih ah, Baruk nih Jeremiah bia cu cazual chung khan a rel; cu a relnak cu biakinn chung, caṭialtu Safan fapa Gemariah khaan chungah khan a si. Cu Khaan a umnak cu biakinn i a ummi Kutka Thar an timi cunglei tual ah khan a si.

JEREMIAH 36:11

Safan fapa Gemariah i fapa Mikaiah nih cazual chungin relmi Bawipa bia vialte cu a theih tikah,

JEREMIAH 36:12

siangpahrang inn ah cun a vung kal i caṭialtu khaan ah cun a lut; khika ah bawi vialte kha an rak ṭhu: caṭialtu Elishama, Shemaiah fapa Delaiah, Akhbor fapa Elnathan, Safan fapa Gemariah, Hananiah fapa Zedekiah le bawi dang vialte hna cu.