2 SIANGPAHRANG 21:3 - Lai (Hakha) Common Language Bible 2006

³ Zeitintiah a pa Hezekiah nih a rak hrawhmi khuahrum bo kha a remh ṭhan hna i Israel siangpahrang Ahab nih a tuah bantuk khan Baal le Asherah caah biakṭheng a ser hna i van i a ummi thil vialte khi a biak hna i an rian a ṭuan hna.

2 SIANGPAHRANG 21:3 ပူးပေါင်းရင်းမြစ်များ

1 SIANGPAHRANG 18:21

Cun Elijah cu mi vialte pawngah khan a ra i, “Zei can dah bei lengmang in ruahnak pahnih he nan kal lai? Bawipa cu Pathian a si ahcun, amah cu zul u; sihmanhsehlaw Baal cu Pathian a si ahcun, amah cu zul fawn ko u,” tiah a ti hna. Mi zapi nih cun bia kaa khat hmanh an let lo.

1 SIANGPAHRANG 18:26

Cun annih nih an pekmi hna cawtum cu an i lak i an can i Baal min cu zingka in chun tiang an auh i, “Maw Baal, kan let tuah!” tiah an ti. Sihmanhsehlaw zei aw hmanh a um lo i zeihmanh nih a let hna lo. Cun an sermi biakṭheng a velchum ah cun heh tiah an i hlok.

2 SIANGPAHRANG 13:6

Sihmanhsehlaw Jeroboam nih Israel mi a sualternak hna Jeroboam innchungkhar sualnak kha an kaltak hna lo i an zulh hna; cun Asherah zong kha Samaria khua ah a um ko).

2 SIANGPAHRANG 17:16

Annih nih Bawipa an Pathian nawlbia vialte kha an hlawt i thletmi siasal cawfa pahnih kha an i ser i, Asherah kha an i ser fawn; van i a ummi thil vialte khi an biak hna i Baal kha a rian an ṭuan.

2 SIANGPAHRANG 18:22

Sihmanhsehlaw, “Bawipa kan Pathian kan i bochan” nan ka ti ahcun, amah cu Hezekiah nih a khuahrum bo hna le a biakṭheng hna a hrawhpiak i Judah le Jerusalem cu, “Jerusalem i a ummi biakṭheng hmaiah hin nan biak lai,” a timi kha a si lo maw?

2 SIANGPAHRANG 18:4

Khuahrum bo kha a hrawh hna i lungphun kha a chimh hna i Asherah kha a hau. Cun Moses nih a rak sermi dar rul kha a den cikcek, zeicaahdah tiah, Israel mi nih cu caan tiang cun zihmui kha an khanghhnawh; Nehushtan tiah an ti.

2 SIANGPAHRANG 8:18

Ahab innchungkhar nih an tuah bantuk khan, Israel siangpahrang hna lam kha a zul ve, zeitintiah a nupi cu Ahab fanu kha a si. Cun Bawipa mithmuh i thil ṭhalo kha a tuah.

2 SIANGPAHRANG 8:27

Amah zong cu Ahab innchungkhar lam kha a zul ve i amah cu Ahab inn chungkhar tu a si caah Ahab innchungkhar nih an tuah bang khan Bawipa mithmuh i thil ṭhalo kha a tuah.

2 CHANRELNAK 32:12

Hi Hezekiah ṭhiamṭhiam nih hin a si lo mei a khuahrum bo hna le a biakṭheng hna kha a hlonh hna i Judah le Jerusalem cu, “Biakṭheng pakhat hmaiah nan biak lai i cu cungah cun nan raithawinak hna kha nan khangh lai,” a ti kha.

2 CHANRELNAK 34:3

Zeitintiah a bawi kum riatnak kum, tlangval note a si lioah khan, a pa David i Pathian kha kawl hram a thawk; cun a kum hleihnih kum ah Judah le Jerusalem chung i khuahrum bo hna le Asherim hna le suaimi milem hna le thletmi milem hna kha thianh hram a thawk hna.

JOB 31:26

Ni cu a tlan tikah ka zoh i thlapa cu a sunparnak in a kal tikah ka zoh i,

ISAIAH 65:11

“Sihmanhsehlaw keimah a ka hlaw i Zion ka tlang thiang kha zeirello in a um i Gad le Meni a biami nan caah cun thil dang a si lai.

JEREMIAH 7:30

Zeicahtiah Judah mi nih ka mit hmuh ah ṭhat lonak an tuah, tiah Bawipa nih a ti. Ka min in kawhmi inn kha fih a nungmi an siasal in an thurhhnawmh cang,

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

DEUTERONOMI 16:21

“Bawipa nan Pathian biakṭheng nan ser laimi pawngah cun zei thing hmanh Asherah si awkah nan phun lai lo,

DEUTERONOMI 17:2

“Nanmah lakah, Bawipa nih an pekmi hna nan khua hna chungah, a biakamnak buarnak in Bawipa mithmuh ah thil ṭhalo kha a tuah i

DEUTERONOMI 17:3

pathian dang kha a zulh hna i an rian a ṭuan i a biak hna i, ni siseh, thla siseh, van i a ummi arfi zeihmanh siseh kan thlauhmi hna kha a biak hna i

DEUTERONOMI 20:18

zeicahtiah, annih nih an pathian hna biaknak ah an tuah tawnmi thil fihnung hna cu an in cawnpiak sual hna hnga i Bawipa nan Pathian cungah nan sual sual hnga.

DEUTERONOMI 4:19

Cun van khi nan hun zoh i nika le thlapa le arfi hna, van i a ummi thil vialte cu, nan hmuh tik hna ah, annih biak awk le an hmai i kun awkah hnuh nan si sual nakhnga lo i ralring tuah u. Mah hna hi cu Bawipa nan Pathian nih vanrang toi miphun dang vialte tu kha a pek hna,