2 SIANGPAHRANG 20:1 - Lai (Hakha) Common Language Bible 2006

¹ Khi caan ah Hezekiah cu a zaw i a thi dengmang. Cun Amoz fapa profet Isaiah kha a sinah a ra i, “Hi bangin Bawipa nih, ‘Na innchungkhar kha a ningcang tein chia tuah; zeicahtiah na thi ko lai, na dam ṭhan lai lo,’ tiah a ti.

2 SIANGPAHRANG 20:1 ပူးပေါင်းရင်းမြစ်များ

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

2 SIANGPAHRANG 1:16

cun anih nih a thawh i, “Bawipa nih hi bangin, ‘Nangmah nih Ekron khua pathian Baal-zebub cu va hal awkah lamkal na thlah hna caah, — mah cucu Israel ram ah hin hal awk Pathian a um lo caah maw a si? — cucaah na hung kainak ihkhun khan na ṭum ti lai lo, sihmanhsehlaw na thi hrimhrim lai,’ a ti,” tiah a ti.

2 SIANGPAHRANG 1:4

Cucaah Bawipa nih hi bangin, ‘Na hung kainak ihkhun khan na ṭum ṭhan lai lo, na thi hrimhrim lai,’ a ti,” tiah a ti. Cucaah Elijah cu a kal.

2 SIANGPAHRANG 19:2

Cun inn zohkhenhtu Eliakim le caṭialtu Shebnah le tlangbawi upa hna, khumpuan aa aih ciomi hna kha, profet Isaiah, Amoz fapa, sinah a thlah hna.

2 SIANGPAHRANG 19:20

Cun Amoz fapa Isaiah nih Hezekiah sinah bia a cah i, “Hi bangin, Bawipa, Israel Pathian nih, ‘Assiria siangpahrang Sennakherib kong i na thlacamnak kha ka rak theih,’ a ti.

2 SIANGPAHRANG 20:2

Cun Hezekiah nih vampang leiah aa mer i Bawipa sinah thla a cam i,

DEUTERONOMI 31:14

Cun Bawipa nih Moses sinah, “Zohhmanh, na thihnak caan a nai cang; Joshua kha ko law tonnak thlam chungah ratpi tuah, amah cu rian ka pek nakhnga,” tiah a ti. Cun Moses le Joshua cu an kal i tonnak thlam chungah cun an va lut.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

FILIPI 2:27

A zaw taktak i a thih zong a thi dengmang, sihmanhsehlaw Pathian nih a zaangfah, amah lawng kha a zaangfah si loin keimah hrimhrim zong kha a ka zaangfah i ka cung i ngaihchiatnak ngan chinchin a tlung dingmi khan a ka luatter.

FILIPI 2:30

nanmah nih nan ka pek khawh lomi bawmhnak kha keimah cu hung pek awkah Khrih rian caah cun thih le thih ti in a ṭuan i a nunnak zong a sung dengmang.