2 SIANGPAHRANG 2:6 - Lai (Hakha) Common Language Bible 2006

⁶ Khi tikah Elijah nih cun a thawh i, “Hika ah hin rak um tuah, tiah kan nawl; zeitintiah Bawipa nih Jordan tiang kal a ka fial,” tiah a ti. Sihmanhsehlaw anih nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah an pahnih in an va kal.

2 SIANGPAHRANG 2:6 ပူးပေါင်းရင်းမြစ်များ

GENESIS 22:6

Cun Abraham nih khanghthawinak ca ding thing cu Isak kha a phorhter i amah nih mei le nam kha a put hna. Cuticun hmunkhat ah an pahnih cun an kal.

GENESIS 22:8

Abraham nih cun, “Pathian nih a khan te ko lai, ka fapa,” tiah a leh i cuticun an pahnih cun hmunkhat ah an kal lengmang.

2 SIANGPAHRANG 2:2

Cun Elijah nih Elisha cu a thawh i, “Hika ah hin rak um tuah, tiah kan nawl; zeitintiah Bawipa nih Bethel tiang kal a ka fial,” tiah a ti. Sihmanhsehlaw Elisha nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah Bethel ah an vung kal.

2 SIANGPAHRANG 4:30

Khi tikah ngakchia a nu nih khan, “Bawipa a nun bangin le nangmah hrimhrim na nun bangin, kan kaltak lai lo,” tiah a ti. Cucaah a tho i a zulh.

JOSHUA 3:15

kuang a putu hna nih Jordan tiva kha an phak i kuang a putu tlangbawi hna ke cu ti chungah aa hnei tikah (rawl ṭuan caan chung cu Jordan tiva hi a kuang a liam ko),

JOSHUA 3:8

Cun biakamnak kuang a putu tlangbawi hna cu, ‘Jordan ti kam nan phak tikah Jordan tiva chungah cun nan dir peng lai,’ tiin nawl na pek hna lai,” tiah a ti.

RUTH 1:16

Sihmanhsehlaw Ruth nih, “Nangmah he i ṭhen awk le nangmah zul lo i kir ṭhan awkah ka lem len hlah; zeicahtiah na kalnak ah ka kal ve lai i na riahnak ah ka riak ve lai; na miphun cu ka miphun an si ve lai i na Pathian cu ka Pathian a si ve lai;

1 SAMUEL 1:26

Cun amah nih, “Maw ka bawipa! Na nun bangin, ka bawipa, keimah hi hika na hmai i Bawipa sin i thla a rak cam minu kha ka si.

1 SAMUEL 20:3

Sihmanhsehlaw David nih a leh i, “Ka cung i dawtnak na ngeih kha na pa nih fiang tein a hngalh i, ‘Jonathan nih mah hi cu thei theng duh hlah seh, a lung lam a fak ai hnga,’ tiin a ruah lai. Sihmanhsehlaw biangai tein, Bawipa a nun bantuk le nangmah nunnak a nun bantukin, keimah le thihnak karlakah hin kar khat lawnglawng a um,” tiah a ti.