2 SIANGPAHRANG 2:19 - Lai (Hakha) Common Language Bible 2006

¹⁹ Cu khuami nih cun Elisha cu, “Zohhmanh, hi khua a umnak hmun hi a nuam ko, ka bawipa nih a hmuh bang hin; sihmanhsehlaw a ti a ṭha lo i a ram cu rawl a vui lo,” tiah an ti.

2 SIANGPAHRANG 2:19 ပူးပေါင်းရင်းမြစ်များ

1 SIANGPAHRANG 16:34

Amah chan ah cun Bethel khuami Hiel nih Jeriko khua kha a ser; a hramlung phum ah cun fapa a hrin hmasa bik Abiram nunnak a hloh phah i a kutka ser ah cun a fapa hniang bik Segub nunnak a hloh phah, mah cucu Bawipa nih Nun fapa Joshua in a rak chimmi bia ning khan a si.

1 SIANGPAHRANG 18:13

Jezebel nih Bawipa profet hna a rak thah hna ah khan, zeitindah Bawipa profet za khat hna kha sawm nga sawm nga in lungkua ah ka thuh hna i ti le rawl in ka cawm hna kha ka bawipa hi an in chim lo maw?

1 SIANGPAHRANG 18:7

Cun Obadiah cu lam i a kal lioah khin, zohhmanh, Elijah nih a rak ton; cun Obadiah nih cun a hngalh i a bawk i, “Ka bawipa Elijah, nangmah na si maw?” tiah a ti.

2 SIANGPAHRANG 2:18

Cun Jeriko i a cam lioah khan a sinah an ra ṭhan i annih cu, “ ‘Kal hlah u,’ tiah kan ti hna lo mei kha?” tiah a ti hna.

2 SIANGPAHRANG 2:20

Anih nih, “Khengkuar a tharmi pakhat in rak ka pe u law a chungah cite rawn u,” tiah a ti. Cucaah amah sinah cun an rak put.

EXODUS 15:23

Cerh Khaa kha an va phan i a ti kha a rak khaat tuk caah an ding kho lo. Cucaah cun a min ah Cerh Khaa tiah an sak.

EXODUS 23:26

Nan ram chungah ahohmanh nau rawk nan um lai lo i fa ngei loin a ummi nan um lai lo, chan sau pipi kan nunter hna lai.

EXODUS 7:19

Bawipa nih Moses cu a thawh i, “Aaron kha, ‘Na ṭhiangṭhunh cu Izipt ram chung ti vialte cungah hler tuah, tiva si hna seh, tilak si hna seh, tidil si hna seh, an cungah hler tuah. Ti cu thisen ah an i cang dih lai i ram chungah khan a dihlak in thisen a um lai, thing tikuang le lung tikuang hmanh ah thisen cu a um lai,’ tiah chim,” a ti.

HOSEA 9:14

Pe ko hna, maw Bawipa, zei cu dah pe hna tiah kan nawl lai? Fa a hrulhter lengmangmi nau-inn le a carmi hnuk kha pe ko hna.

NAMBAR 12:11

Cun Aaron nih Moses sinah, “Maw, ka bawipa, dan kan tat sawh hlah, zeicahtiah hruh bu piin kan tuah i kan sual cang.

DEUTERONOMI 28:11

Bawipa nih nanmah pek awkah nan pupa hna sinah chiat a rak sermi ram chungah khan Bawipa nih nan pum theitlai le nan saṭil theitlai le nan vawlei theitlai ah tam piin an rumter hna lai.

1TIMOTE 5:17

Khrihfabu ṭha tein a hruaitu Khrihfa upa hna cu, an hmuh awk a simi kha a let hnih in hmuh awkah an i tlak; cu hna lak zongah cun phungchim le cawnpiak i a ṭangmi kha hmuh awkah an i tlak khun.

JOSHUA 6:17

“Cun khua cu le a chung i a ummi thil vialte cu hrawh awkah Bawipa sinah pekchanh an si lai; kannih nih kan thlahmi lamkaltu hna kha a rak thuh hna caah Rahab le amah he a inn chungah a ummi vialte cu an nung lai.

JOSHUA 6:26

Khi tikah Joshua nih chiatser in, “A tho i hi Jeriko khua a sa ṭhanmi cu Bawipa hmaiah chiatserh si seh. A fater luhloh in a hram lung cu a phum lai i A fapa hniang bik luhloh in a kutka cu a bunh hna lai,” tiah a ti hna.