2 SIANGPAHRANG 18:8 - Lai (Hakha) Common Language Bible 2006

⁸ Filistin mi cu Gaza le a peng tiangin, a tuk hna i ralvennak innsang in kulhmi khua tiang, a tei hna.

2 SIANGPAHRANG 18:8 ပူးပေါင်းရင်းမြစ်များ

1 SIANGPAHRANG 5:4

Sihmanhsehlaw atu cu Bawipa ka Pathian nih a kenkip ah daihnak a ka pek i ral siseh, vanchiatnak siseh a um lo.

2 SIANGPAHRANG 17:9

Cun Israel mi nih khan a thli tein a dik lomi thil kha Bawipa an Pathian cungah an tuah. An khua kip ah khan, ralvennak innsang thawk in kulhmi khua tiang, khuahrumbo kha an i ser.

1 CHANRELNAK 4:41

Hi an min in ṭialmi hna hi, Judah siangpahrang Hezekiah chan ah khan an ra i, an thlam hna le khika i khua a rak sami Meunim mi hna kha an hrawh hna i nihin ni tiang hin an hloh cikcek hna i an umnak ah khan anmah an um, zeicahtiah khika ah khan an saṭil run hna caah ram a um.

2 CHANRELNAK 26:10

Cun chimram le nelrawn ah khan saṭil run tampi a ngeih caah ramlak ah khan innsang a sak hna i tikhor tampi a cawh hna, cun lothlawh a duh ngaingaimi a si caah tlangram le vawlei ṭhatnak hmun ah khan lothlo le mitsur nengtu kha a chiah hna.

2 CHANRELNAK 28:18

Cun Filistin mi hna nih Judah ram chung chimram le Negeb i a ummi khua hna kha an hranh hna i Beth-shemesh, Aijalon, Gederoth, Soko le a khuate hna, Timnah le a khuate hna, Gimzo le a khuate hna kha an lak hna i khika ah cun an um colh.

ISAIAH 14:29

Filistia ram mi hna, nanmah an tutu hna fungfek cu a kiak cang, sihmanhsehlaw i lawm hlei hlah u. Rul cu pakhat a thih tikah a ṭha lo deuh chinmi kha a airawltu ah a hung um tawn. Rul ti chungin, a zuangmi rul kha a keuh.

ISAIAH 5:2

Vawlei kha a cawh i lung kha a hlonh hna; mitsur kung ṭha bik phun kha a cin hna. Mitsur ruang cawnghnak caah cun parthlam pakhat a sak i mitsur thei nennak caah cun khor pakhat a cawh. Mitsur thei an hmin lai cu a hngah, sihmanhsehlaw an thor dih ai.

DEUTERONOMI 2:23

Gaza tiangin khuate i a ummi Avvim hna cu, Kaftor in a rami Kaftor mi hna nih an hrawh hna i an umnak kha an rawlh hna.)

JOSHUA 15:47

Ashdod, a khuapi hna le a khuate hna; Gaza, a khuapi hna le a khuate hna; Izipt tiva le rili ngan le a kam tiang.