2 SIANGPAHRANG 18:7 - Lai (Hakha) Common Language Bible 2006

⁷ Cun Bawipa cu amah sinah a um i a kalnak paoh ah khua awng a tong. Assiria siangpahrang kha a doh i a rian a ṭuan duh lo.

2 SIANGPAHRANG 18:7 ပူးပေါင်းရင်းမြစ်များ

GENESIS 21:22

Cu caan ah cun Abimelek cu a ralbawi ngan bik Fikol he khan Abraham sinah cun an va kal i, “Na tuahmi thil kip ah Pathian nih an umpi.

2 SAMUEL 8:14

Cun Edom ram chungah ralvengtu ralkapbu kha a chiah hna; Edom ram chungah a dihlak in ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang.

2 SAMUEL 8:6

Cun David nih Damaskas khua chung i Aram ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang.

2 SIANGPAHRANG 16:7

Cucaah Ahaz nih Assiria siangpahrang Tiglath-pileser sinah khan lamkal a hei thlah hna i, “Keimah cu na sal le na fapa ka si. A ka tutu siangpahrang le Israel siangpahrang kut chung hin, hung law ra ka chanh tuah,” tiah a ti.

2 SIANGPAHRANG 17:3

Amah cu Assiria siangpahrang Shalmaneser nih a doh; cun Hoshea kha a tangum ah a cang i ngunkhuai a pek.

2 SIANGPAHRANG 18:14

Cun Judah siangpahrang Hezekiah nih Lakhish ah Assiria siangpahrang sinah cun mi a hei thlah hna i, “Ka palh cang; ka kirtak ko; ka cung i na ka khinhmi paoh ka in lai,” tiah a ti. Cun Assiria siangpahrang nih Judah siangpahrang Hezekiah cu ngun talen za thum le sui talen sawm thum a cawh.

2 SIANGPAHRANG 18:20

Bia menmen hi raldohnak ca i fimnak le thazang an si tiah na ruah! Ahodah na vaa hngatchan i na hei ka doh?

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

2 CHANRELNAK 31:21

Cun Pathian inn rian le phungbia le nawlbia he aa tlak in a tuahmi rian vialte ah, Pathian a kawlnak ah, a lungthin dihlak in a ṭuan i khua awng a tong.

2 CHANRELNAK 32:30

Hi Hezekiah ṭhiamṭhiam nih hin Gihon ti cunglei i a chuahnak kha a phih hna i David khua nitlaklei kamah khan a vun luanter hna. Cun Hezekiah cu a rian paoh ah khua awng a tong.

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

SALM 60:12

Pathian kan sinah a ṭan caah kan tei hna lai; kan ral cu amah nih a kan teipiak hna lai.

ISAIAH 33:6

hi miphun cu a fehter lai. A mi kha a huhphenh zungzal hna i fimnak le hngalhnak kha a pek hna. Annih chawva a sung bik cu Bawipa an ṭihnak kha a si.

ISAIAH 36:5

A thawh hna i, “Bia nih hin ralkap lei ṭhawnnak le thiamnak hi a tei khawh tiah dahra nan zumh? Keimah doh hi aho nih khin dah a kan bawmh ngam hnga tiah nan ruah?

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

BIACEIHTU 1:19

Cun Bawipa cu Judah sinah a um i tlangram i a ummi hna cu a dawi hna, sihmanhsehlaw rawn i a ummi hna cu, thir rangleng hna kha an ngeih caah an dawi kho hna lo.

1 SAMUEL 18:14

Cun Bawipa kha amah sinah a um caah David cu a thil tuahmi vialte ah a hlawhtling.

1 SAMUEL 18:5

Cun David cu Saul nih a kuatnak paoh ah khan a hlawhtling; cucaah Saul nih ralkap hna haotu ah khan a ser. Cun mah hihi mi vialte mithmuh le Saul sinum hna mithmuh zongah khan thil ṭha a si.