2 SIANGPAHRANG 18:5 - Lai (Hakha) Common Language Bible 2006

⁵ Amah nih Bawipa, Israel Pathian aa bochan; cucaah Judah siangpahrang vialte hna lakah amah hnuah amah bantuk an um ti lo i amah hlan zongah amah bantuk an rak um lo.

2 SIANGPAHRANG 18:5 ပူးပေါင်းရင်းမြစ်များ

2 SIANGPAHRANG 18:19

Cun ralbawi ngan bik nih cun a thawh hna i, “Hezekiah sinah cun, ‘Hi bangin a liannganmi siangpahrang, Assiria siangpahrang nih: Zei cungah dah na lung hi a hmunh:

2 SIANGPAHRANG 19:10

“Naa bochanmi pathian, ‘Ka kut chungah na tla lai lo,’ an timi cu i lun hlah.

2 SIANGPAHRANG 23:25

Bawipa sinah a lungthin dihlak le a nunnak dihlak le a thazang dihlak in, Moses nawlbia dihlak ningin, aa mermi siangpahrang amah hlan ah an um lo i amah hnu zongah amah bantuk a hung chuakmi an um lo.

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

2 CHANRELNAK 20:35

Mah hi hnuah hin ṭhat lonak a tuahtu Israel siangpahrang Ahaziah he khan Judah siangpahrang Jehoshafat cu an i kom.

JOB 13:15

Ruahchannak zeihmanh ka ngei ti lo, cucaah Pathian nih a ka thah zong ah zeidah a poi? A hmai hrimhrim ah ka bia cu ka va chim ṭhiamṭhiam ko lai.

SALM 13:5

Sihmanhsehlaw a fekmi na dawtnak kha kaa bochan i na ka khamh lai ti ka zumh caah kaa lawm lai.

SALM 84:12

Maw Lianngan Bik Pathian, nangmah an bochanmi cu lunglawmmi an si.

ISAIAH 36:7

Cun a bia cu a vun peh i, “Asiloah, ‘Bawipa kan Pathian pei kan i bochan,’ nan ti hnga maw? Cu nan Pathian cu, Hezekiah nih a biakṭheng vialte a hrawhpiak dih i Judah ram mi le Jerusalem khuami hna cu, biakṭheng pakhat lawngah Pathian nan bia cang lai, tiah a timi hna kha a si ṭung.

ISAIAH 38:3

“Bawipa, na rian zumhawktlakte le lungthin tak tein ka ṭuan kha philh hlah. Cun tuah seh ti na ka duhmi tuah kaa zuam zungzal zong kha philh hlah,” tiah a ti i lunghno ngaiin a ṭap.

MATTHAI 27:43

Pathian kha aa bochan i Pathian Fapa ka si a ti. Pathian nih a khamh le khamh lo kan zoh fam lai ta!” an ti.

EFESA 1:12

Cucaah Khrih chung i ruahchannak a bunh hmasa bik pawl kannih nih hin Pathian sunparnak cu thangṭhat ko u sih.