2 SIANGPAHRANG 17:6 - Lai (Hakha) Common Language Bible 2006

⁶ Hoshea a bawi kum kuanak ah Assiria siangpahrang nih Samaria khua kha a lak i Israel mi kha Assiria ah a kalpi hna, Halah ram le Gozan ram Habor tiva le Media mi hna khua ah a chiah hna.

2 SIANGPAHRANG 17:6 ပူးပေါင်းရင်းမြစ်များ

GENESIS 10:2

Jafeth fapa hna cu Gomer, Magog, Madai, Javan, Tubal Meshek le Tiras an si.

1 SIANGPAHRANG 8:46

“Annih nih na cungah an sual ahcun — zeitintiah a sual lomi minung an um lo — cun an cungah na thin a hun i ral kut chungah annih cu na chanh hna i an ral hna nih an ram ah a hlatpi ah siseh, a naite ah siseh, sal ah an kalpi hna i,

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 SIANGPAHRANG 17:23

Bawipa nih a sal profet vialte hna in a chim bantuk khan Israel cu a mithmuh phak lonak ah a ṭhial hlantiang, annih nih mah cucu an kaltak hna lo. Cucaah Israel mi cu anmah ram in Assiria ram ah nihin tiang sal ah an tang.

2 SIANGPAHRANG 18:34

Hamath le Arpad pathian hna cu khuazei ah dah an um? Sefarvaim, Hena le Ivvah pathian hna cu khuazei ah dah an si? Samaria cu keimah kut chungin an chuahter kho maw?

2 SIANGPAHRANG 19:12

Ka pupa hna nih Gozan khua, Haran khua, Rezef khua an hrawh hna le Telassar ah a ummi Beth-eden mi an thah hna i an pathian vialte hmanh nih an chanh khawh hna lo kha na theih ko.

2 SIANGPAHRANG 21:13

Cun Jerusalem cungah hin Samaria tahnak hri le Ahab innchungkhar suthri thlaimi cu ka zam hna lai i mi nih kheng cu an hnawh i an hnawh dih in a khup in an chiah bang khin Jerusalem cu ka hnawh lai.

1 CHANRELNAK 5:22

Raldohnak cu Pathian ta a si caah tampi an thah hna. Cun saltan caan tiang an umnak ah cun khua an sa.

1 CHANRELNAK 5:26

Cucaah Israel Pathian nih khan Assiria siangpahrang Pul thinlung le Assiria siangpahrang Tilgath-pilne-ser thinlung kha a thawhter i amah nih cun Reuben mi hna le Gad mi hna le Manasseh phun cheu hna cu a kalpi hna i Halah, Habor, Hara, le Gozan tiva ah a phakpi hna, i nihin ni tiang hin an um ko.

EZRA 6:2

Cun Media ram khuapi a simi Ekbatana khua ah khan cazual pakhat an hmuh i cu cazual chungah cun mah hihi aa ṭial: “Ken awk.

NEHEMIAH 9:32

“ ‘Cucaah atu cu kan Pathian, a lian a ngan i a ṭhawng i ṭih a nungmi Pathian, biakamnak a tlinter i a fekmi dawtnak a langhtertu, kan cung le kan siangpahrang hna le kan bawi hna le kan tlangbawi hna le kan profet hna le kan pupa hna le na mi dihlak cungah, Assiria siangpahrang hna chan in nihin tiang a tlungmi harnak vialte hi thil hmetuai ah rel sawh hna hlah.

ISAIAH 10:9

Kalno khua le Karkhemish khua kha ka tei hna. Hamath khua le Arpad khua kha ka tei hna. Samaria le Damaskas kha ka tei hna.

ISAIAH 13:17

Bawipa nih, “Babilon tuk awkah Media mi kha ka cawlcanghter lio hna. Annih cu ngun kha zeihmanh ah an rel lo i sui zongin lem khawh an si lo.

ISAIAH 17:4

Bawipa nih, “Israel lianhngannak a dongh lai ni a phan lai, cun a rumnak vialte cu sifahnak nih a rolh lai.

ISAIAH 21:2

Langhnak ka hmuhmi cu ṭihnung a si ko, i rawinak le i lainak, rawhralnak langhnak a si. Elam ralkap hna, tu tuah u. Media ralkap hna, khuapi kha kulh hna u. Babilon nih a tluntermi temhinnak kha a dong cang lai.

ISAIAH 36:17

Nanmah ram bantuk a simi ram, mitsur zu a chuahnak lo a umnak ram le changreu ser awk rawl a umnak ram i siangpahrang nih an umter hna hlan cu, nanmahle nan mitsur ruang nih a tlaimi thei le nan theipi nih a tlaimi thei kha an eiter ko hna lai i nanmahle nan tikhor ti te kha an dinter ko hna lai.

ISAIAH 36:19

Hamath khua le Arpad khua hna pathian cu tah, khuazei ah dah an si kun? Sefarvaim khua pathian hna kha tah, khuazei ah dah an um? Ahohmanh nih Samaria kha an khamh kho lo, a si lo mei?

ISAIAH 37:18

Bawipa, kannih nih kan dihlak in, Assiria siangpahrang nih miphun tampi cu a hrawh hna i an ram kha an rawk dih cikcek i

ISAIAH 8:4

Ngakchiapa nih, ka nu, ka pa, ti a thiam hlanah Damaskas chawva vialte le Samaria hranchaw vialte cu Assiria siangpahrang nih a kalpi dih hna lai,” a ka ti.

JEREMIAH 50:17

Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

HOSEA 1:4

Cun Bawipa nih a thawh i, “A min ah Jezreel va sak tuah; Zeicahtiah Jezreel i thisen an chuahmi ruangah khan Jehu tefa hna cu dan ka tat hna lai i Israel pennak cu ka donghter lai.

HOSEA 1:6

Fa a pawi ṭhan i fanu a hrin i Bawipa nih a thawh i, “A min ah Lo-ruhamah tiah sak tuah, Zeicahtiah Israel cu ka hram bal ti lai lo i ka ngaihthiam bal ti lai lo,” tiah a ti.

HOSEA 13:16

Samaria nih a Pathian kha a doh caah a ṭiao dih lai; A mi hna cu ral kut in an thi lai i a ngakchia no tete hna cu vawlei ah tengh an si lai, Fapawi liomi an nule hna cu an paw thler dih an si lai.

HOSEA 8:8

Atu cu Israel hi dolh a si cang, miphun hna lakah a lo cang, man ngei lo a si cang.

HOSEA 9:3

Bawipa ram chungah hin Israel mi hi khua nan sa kho lai lo i Izipt ram ah khan nan kir ṭhan lai, asilole Assiria ram ah rawl thiang lo kha nan ei lai.

LEVITIKAS 26:38

Cun miphun hna lakah nan loral lai i nan ral hna ram nih khan an ei dih hna lai.

AMOS 5:27

Damaskas pinah sal i va taan awkah kan ṭhawl hna lai. Cuticun Bawipa nih a ti; a min cu Ralkapbu Pathian a si.

AMOS 7:17

Cucaah Bawipa bia cu hihi a si: Na nupi cu khuapi chung hlawhhlangnu ah a cang lai i Na fapale hna le na fanule hna cu vainam in an thi lai. Na vawlei cu tahnak hri in an tah hna lai i mi an phawt hna lai; Nangmah cu lawkihmi ram ah na thi lai; Cun Israel cu anmah an ram khan lamhlapi ah an kalpi hna lai i sal ah an tang lai,” tiah a ti.

DEUTERONOMI 28:36

“Nanmah nih siseh nan pupa hna nih siseh nan hngalh bal lomi miphun sinah, nanmah le nan cungah nan chiahmi nan siangpahrang cu Bawipa nih ah kalpi hna lai i, khika ah thing le lung in sermi khuazing dang kha nan biak hna lai.

DEUTERONOMI 28:64

Cun khattelei vanhramdeng in khattelei vanhramdeng tiang Bawipa nih miphun kip sinah an ṭhek hna lai i, nanmah nih siseh nan pupa hna nih siseh nan hngalh lomi pathian, thing le lung in an sermi hna kha, khika ah nan biak hna lai.

DEUTERONOMI 30:18

nannih cu nan rawk lai; luhhnawh awk le co awk caah Jordan tiva nan tanhnawhmi ram chungah sau nan nung lai lo, tiah nihin ah kan thanh hna.