2 SIANGPAHRANG 17:16 - Lai (Hakha) Common Language Bible 2006

¹⁶ Annih nih Bawipa an Pathian nawlbia vialte kha an hlawt i thletmi siasal cawfa pahnih kha an i ser i, Asherah kha an i ser fawn; van i a ummi thil vialte khi an biak hna i Baal kha a rian an ṭuan.

2 SIANGPAHRANG 17:16 ပူးပေါင်းရင်းမြစ်များ

1 SIANGPAHRANG 12:28

Cucaah siangpahrang nih ruahnak a hal hna i sui cawfa pahnih a ser. Cun mizapi kha a thawh hna i, “Jerusalem i nan hung kal lengmang hi a za cang. Maw Israel mi hna, Izipt ram in a hun in chuahpitu hna nan pathian hi zoh tuah hna u,” tiah a ti.

1 SIANGPAHRANG 14:15

ti chungah phaikung aa hninh lengmang bantuk khin Bawipa nih Israel cu a tuk lai i annih nih an Asherim an i ser hnanak thawngin Bawipa kha a thin an hunter caah, an pupa hna sinah a pekmi hi ram ṭha chung hin Israel mi cu a phawi hna lai i Zufrates tiva ral ah khin a ṭhek hna lai.

1 SIANGPAHRANG 14:23

Zeitintiah annih zong nih khuahrum bo tehna, lungphun tehna, Asherim tehna kha tlang sang kip cung le thinghring tang kip ah an i ser i

1 SIANGPAHRANG 15:13

A nu Maakah zong kha, Asherah caah fihnung siasal a ser caah siangpahrang bawinu a sinak kha a ngolter; cun Asa nih a nu milem cu a hau i Kidron tivate ah khan a khangh.

1 SIANGPAHRANG 16:31

Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa ṭhit i a kal i Baal kha a rian a ṭuan i a biak.

1 SIANGPAHRANG 16:33

Cun Ahab nih Asherah pakhat a ser. Ahab nih amah hlan i a rak ummi Israel siangpahrang vialte hna nakkhan, Bawipa, Israel Pathian cu a thin a phawh deuh.

1 SIANGPAHRANG 22:53

Baal kha a rian a ṭuan i a biak i a pa nih a rak tuahmi vialte kha tuah in, Bawipa, Israel Pathian cu a thin a phawh.

2 SIANGPAHRANG 1:2

Ahaziah cu Samaria khua i a innkhaan cung nung i thing kharvar thlalangawng khan a tla i a kuah ko; cucaah lamkal kha a thlah hna i, “Va kal u law, Ekron khua pathian Baal-zebub kha, hi zawtnak hin ka dam ṭhan lai maw dam ṭhan lo, va hal tuah u,” tiah a chimh hna.

2 SIANGPAHRANG 11:18

Cun rammi vialte cu Baal inn ah khan an va kal i an ṭheh i a biakṭheng hna le a siasal hna cu an den cikcek hna i biakṭheng hna hmaiah cun Baal tlangbawi Mattan kha an thah. Cun tlangbawi nih khan Bawipa inn vengtu kha a chiah hna.

2 SIANGPAHRANG 16:3

sihmanhsehlaw Israel siangpahrang hna lam kha a zul ve. Israel mi hna hmai in Bawipa nih a rak dawimi hna miphun nih thil fihnung an rak tuah bantuk khan, amah nih cun a fapa hmanh kha raithawi-nak caah a khangh.

2 SIANGPAHRANG 17:10

lungphun hna le Asherim kha tlang sang kip cung le thingkung hring tang kip ah an i ser hna i

2 SIANGPAHRANG 18:6

Zeicahtiah amah nih Bawipa kha fek tein aa tlaih i amah hnu zulhnak kha a kaltak lo i Bawipa nih Moses nawl a pekmi nawlbia kha a zulh hna.

2 SIANGPAHRANG 21:3

Zeitintiah a pa Hezekiah nih a rak hrawhmi khuahrum bo kha a remh ṭhan hna i Israel siangpahrang Ahab nih a tuah bantuk khan Baal le Asherah caah biakṭheng a ser hna i van i a ummi thil vialte khi a biak hna i an rian a ṭuan hna.

EXODUS 32:4

Tumbul cu a lak hna i a tit hna i a thlet i cawfa pakhat ah a ser. “Maw Israel mi hna hihi nan pathian cu a si, Izipt ram in an chuahtertu hna nan pathian cu a si,” a ti.

EXODUS 32:8

Nan zulh lai tiah ka timi hna lam cu khulrang in an kaltak i sui cawfa kha an i ser i cucu an biak i raithawinak kha an pek. Annih nih, ‘Israel, Izipt ram in a chuahtertu na pathian cu hihi a si,’ an ti,” tiah a ti.

ISAIAH 2:8

An ram cu siasal in a khat i anmah nih an kut in an ser chommi thil kha an biak hna.

JEREMIAH 19:13

An thur ruangah Jerusalem khua inn hna le Judah siangpahrang inn hna cu Tofeth bantuk an si lai — vancung thil bu sin i raithawinak a cung i an khanghnak inn vialte le pathian dang hna sin i thlet thawinak an thletnak inn vialte hna cu, Tofeth bantukin an thur lai,’ a ti, tiah na chimh hna lai,” tiah a ti.

JEREMIAH 44:17

Judah ram khua hna le Jerusalem khua chung lam hna ah, kanmah le kan pupa hna le kan siangpahrang hna le bawile hna nih kan tuah tawn bantuk khan Vancung Khuazingnu sinah cun raithawinak kha kan khangh ko lai i thlet thawinak kha kan pekchanh ko lai. Zeicahtiah kha caan ah khan rawl tampi kan rak ngei i kan hna a rak ngam; vanchiatnak zeihmanh kan tong lo.

JEREMIAH 8:2

Cun annih nih an rak duh hna i an rian an rak ṭuan hna i an rak dawi hna i an rak kawl hna i an rak biakmi hna, ni le thlapa le van ralkapbu vialte hna hmaiah khin an pho hna lai. Cu ruh hna cu pumh an si lai lo, vui zong an si lai lo, vawlei ah non ah an cang lai.

EZEKIEL 23:8

Izipt ram i a vung i thiammi hornak lam kha ngol a duh lo, khika ah a no lioah khan pa nih an rak ihpi i a thiangmi a hnuk kha an rak hmehpiak i an rak sual.

LEVITIKAS 26:1

“Nannih nih an hmai i kun awkah, siasal nan i ser lai lo i ṭialmi milem siseh, tung siseh, nan bunh lai lo, cun nan ram chungah suaimi lung nan phun lai lo; zeicahtiah keimah cu Bawipa nan Pathian ka si.

DEUTERONOMI 16:21

“Bawipa nan Pathian biakṭheng nan ser laimi pawngah cun zei thing hmanh Asherah si awkah nan phun lai lo,

DEUTERONOMI 4:19

Cun van khi nan hun zoh i nika le thlapa le arfi hna, van i a ummi thil vialte cu, nan hmuh tik hna ah, annih biak awk le an hmai i kun awkah hnuh nan si sual nakhnga lo i ralring tuah u. Mah hna hi cu Bawipa nan Pathian nih vanrang toi miphun dang vialte tu kha a pek hna,