2 SIANGPAHRANG 17:11 - Lai (Hakha) Common Language Bible 2006

¹¹ an hmai in Bawipa nih a rak hlohmi miphun hna nih an rak tuah bangkhan khuahrumbo kip ah cun zihmui an khangh. Cun annih nih thil ṭhalo kha an tuah hna i Bawipa kha a thin an phawh,

2 SIANGPAHRANG 17:11 ပူးပေါင်းရင်းမြစ်များ

1 SIANGPAHRANG 13:1

Cun zohhmanh, Judah ram chungin Pathian mi pakhat, Bawipa bia thawngin Bethel ah a ra. Jeroboam kha zihmui khangh awkah biakṭheng pawngah khan a rak dir ko.

1 SIANGPAHRANG 14:15

ti chungah phaikung aa hninh lengmang bantuk khin Bawipa nih Israel cu a tuk lai i annih nih an Asherim an i ser hnanak thawngin Bawipa kha a thin an hunter caah, an pupa hna sinah a pekmi hi ram ṭha chung hin Israel mi cu a phawi hna lai i Zufrates tiva ral ah khin a ṭhek hna lai.

2 SIANGPAHRANG 12:4

Joash nih tlangbawi kha a thawh hna i, “Bawipa inn chungah rak putmi thil thiang man tangka vialte, ahohmanh cu zat cio na thawh awk a si tiin tuahpiakmi — cu zat cu nang na thawh awk a si ti i tuakpiak ciomi tangka — le lungtho tein Bawipa inn chungah ratpimi tangka kha,

2 SIANGPAHRANG 17:10

lungphun hna le Asherim kha tlang sang kip cung le thingkung hring tang kip ah an i ser hna i

2 SIANGPAHRANG 17:12

cun Bawipa nih, “Mah hihi nan tuah lai lo,” ti in a timi hna siasal kha an biak hna.

2 SIANGPAHRANG 21:6

Cun thawinak caah a fapa kha mei in a khangh i camh le litin kha a hman hna i thitlawn thiam le hnam kha a fuhpanh hna. Bawipa mithmuh ah ṭhat lonak tampi a tuah i a thin a hunter.

2 CHANRELNAK 28:25

Judah ram chung khua kip ah khan pathian dang hna sin i zihmui khanghnak caah khuahrum bo a ser hna i Bawipa, a pupa hna Pathian cu a thin a phawh.

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

JEREMIAH 44:17

Judah ram khua hna le Jerusalem khua chung lam hna ah, kanmah le kan pupa hna le kan siangpahrang hna le bawile hna nih kan tuah tawn bantuk khan Vancung Khuazingnu sinah cun raithawinak kha kan khangh ko lai i thlet thawinak kha kan pekchanh ko lai. Zeicahtiah kha caan ah khan rawl tampi kan rak ngei i kan hna a rak ngam; vanchiatnak zeihmanh kan tong lo.

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.

DEUTERONOMI 12:2

Nan va pawnchuah laimi miphun hna nih a sangmi tlang hna cung le mual hna cung le thingkung hring kip toi i an pathian hna an biaknak hmun vialte cu nan hrawh dih hrimhrim hna lai;

DEUTERONOMI 18:9

“Bawipa nan Pathian nih an pekmi hna ram nan phak tikah, cuka miphun hna nih an tuahmi fihnung cu zulh ve awkah nan cawng lai lo.

DEUTERONOMI 32:16

Ram dang pathian hna in a nah an chuahter Fihnung an tuahnak in a thin an hunter.

DEUTERONOMI 32:21

Pathian a si lomi thil in ka nahchuahnak an tuah i An siasal in ka thin an ka phawh, Cu bantukin miphun a si lomi in an nahchuahnak ka tuah ve lai i, A hrutmi miphun in an thin ka phawh ve hna lai.