2 SIANGPAHRANG 16:7 - Lai (Hakha) Common Language Bible 2006

⁷ Cucaah Ahaz nih Assiria siangpahrang Tiglath-pileser sinah khan lamkal a hei thlah hna i, “Keimah cu na sal le na fapa ka si. A ka tutu siangpahrang le Israel siangpahrang kut chung hin, hung law ra ka chanh tuah,” tiah a ti.

2 SIANGPAHRANG 16:7 ပူးပေါင်းရင်းမြစ်များ

1 SIANGPAHRANG 20:4

Cun Israel siangpahrang nih cun a leh i, “Na chim bangin, ka bawipa, maw siangpahrang, keimah le ka ngeihmi vialte cu nangmah ta kan si ko,” tiah a ti.

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 SIANGPAHRANG 18:7

Cun Bawipa cu amah sinah a um i a kalnak paoh ah khua awng a tong. Assiria siangpahrang kha a doh i a rian a ṭuan duh lo.

1 CHANRELNAK 5:26

Cucaah Israel Pathian nih khan Assiria siangpahrang Pul thinlung le Assiria siangpahrang Tilgath-pilne-ser thinlung kha a thawhter i amah nih cun Reuben mi hna le Gad mi hna le Manasseh phun cheu hna cu a kalpi hna i Halah, Habor, Hara, le Gozan tiva ah a phakpi hna, i nihin ni tiang hin an um ko.

2 CHANRELNAK 28:16

Khi caan ah cun Siangpahrang Ahaz nih Assiria siangpahrang sinah bawmhhal awkah mi a thlah hna.

2 CHANRELNAK 28:20

Cucaah Assiria siangpahrang Tiglath-pileser nih khan a rathnawh i ṭhawnter lei loin hremnak tu kha a pek.

ISAIAH 2:6

Pathian, na mi Jakob tefa hna cu na hlawt cang hna. Nichuahlei in a rami camhthiam hna le Filistia ram in a rami camhthiam hna cu, hi ram hi an khat dih i hi ram mi hna nih, cu hna phung cu an zulh ve.

JEREMIAH 13:21

Ka hawikom an si tiah na ruahmi hna kha na cung i uktu ah chiah an si tikah zeidah na chim lai? Nau nganfah a ingmi nu bantukin nganfahnak kha na in lai.

JEREMIAH 17:5

Bawipa nih hi bangin a ti: “Minung kha a bochan i minung kha aa hngatchanmi ah aa serh i Bawipa kha a mertakmi cu a cungah chiat tlung ko seh!

ṬAHNAK HLA 4:17

Kan mithram cat in bawmhnak a ra hnga maw tiah kan zoh, Sihmanhsehlaw zeihmanh a um lo. Kannih a kan khamh kho ṭung lomi miphun kha kan hngah filfial ko.

EZEKIEL 16:28

Mah hihi i zat rih loin Assiria mi hna sinah khan na sual ṭhan hoi, nu le pa sualnak chungah khan na luhpi hna, sihmanhsehlaw naa zaa ṭhiamṭhiam hlei lo.

EZEKIEL 23:12

Amah zong nih cun Assiria mi kha a duh hna, uktu bawi hna le bawi nganngan hna le ralbawi hna, rang cung i an thuam tlingte he aa citmi tlangval rangcung ralkap pa dawhdawh hna kha a duh hna.

EZEKIEL 23:5

Oholah cu keimah ta a si ko nain hlawhhlangnu kha aa celh i a duhtu Assiria mi hna,

HOSEA 14:3

Assiria nih a kan khamh kho bal lai lo, raltuknak rang nih a kan huppheng kho lai lo; Kannih nih kanmah kut in kan sermi siasal kha, “Nannih cu kan pathian nan si,” tiah kan ti ṭhan ti hna lai lo. Bawipa, bawmtu dang a ngei lomi cu na zaangfah tawn hna tiin, kan sualnak kha kan i phuang.

HOSEA 7:11

Efraim hi laileng hrutte a si, Atu ah Izipt kha a vun auh, atu lila ah Assiria leiah khan aa mer ṭhan.