2 SIANGPAHRANG 16:4 - Lai (Hakha) Common Language Bible 2006

⁴ Khuahrumbo ah khan le tlang le a hringmi thingkung kip toiah khan raithawinak a tuah hna i zihmui kha a khangh hna.

2 SIANGPAHRANG 16:4 ပူးပေါင်းရင်းမြစ်များ

1 SIANGPAHRANG 14:23

Zeitintiah annih zong nih khuahrum bo tehna, lungphun tehna, Asherim tehna kha tlang sang kip cung le thinghring tang kip ah an i ser i

2 SIANGPAHRANG 12:4

Joash nih tlangbawi kha a thawh hna i, “Bawipa inn chungah rak putmi thil thiang man tangka vialte, ahohmanh cu zat cio na thawh awk a si tiin tuahpiakmi — cu zat cu nang na thawh awk a si ti i tuakpiak ciomi tangka — le lungtho tein Bawipa inn chungah ratpimi tangka kha,

2 SIANGPAHRANG 14:4

Sihmanhsehlaw khuahrum bo kha a hrawk hna lo i khua hrum bo ah cun mi nih rai an thawi i zihmui kha an khangh ṭheo ko rih.

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

ISAIAH 65:4

Zan ah thi tlawn ah lungkua kip le thlan kip ah khan an kal. Hi hna nih hin voksa kha an ei i lawkih raithawinak ah an hmanmi sa tihang kha an din.

ISAIAH 66:17

Bawipa nih aa thawh i, “Lawkih biaknak i kal awkah le dum thiang timi ah a run in kal awk caah aa thianh i voksa le zusa le rawl fihnung a dangdang a eimi hna an donghnak ding cu a nai cang.

JEREMIAH 17:2

An biakṭheng le an tung thiang hna cu thingkung hring kip toiah tlang ram fing le tlang kip cungah cun an dir.

EZEKIEL 43:7

A ka thawh i, “Mipa, ka bawiṭhutdan umnak hmun, ka ke chiahnak hmun, Israel mi sinah zungzal in ka umnak ding hmun khi na hmu maw? Annih nih siseh, an siangpahrang nih si hna seh, ka sinah zumhawktlak loin an umnak le an thih tikah an siangpahrang hna ruak in ka min thiang cu an thurhhnawmh ti lai lo.

EZEKIEL 6:13

Ral kut in a thimi an mi hna cu an biakṭheng pawng i an siasal hna lakah siseh, fing kip le tlang kip cungah siseh, a hnah borh a ṭhami thingkung toi kip le kuhthing toi kip ah siseh, an siasal hna cu rimthaw an pekchanh hna nak hmun paoh ah, an rilh liangluang tikah, keimah cu Bawipa ka si kha nan hngalh lai.

DEUTERONOMI 12:2

Nan va pawnchuah laimi miphun hna nih a sangmi tlang hna cung le mual hna cung le thingkung hring kip toi i an pathian hna an biaknak hmun vialte cu nan hrawh dih hrimhrim hna lai;