2 SIANGPAHRANG 16:3 - Lai (Hakha) Common Language Bible 2006

³ sihmanhsehlaw Israel siangpahrang hna lam kha a zul ve. Israel mi hna hmai in Bawipa nih a rak dawimi hna miphun nih thil fihnung an rak tuah bantuk khan, amah nih cun a fapa hmanh kha raithawi-nak caah a khangh.

2 SIANGPAHRANG 16:3 ပူးပေါင်းရင်းမြစ်များ

1 SIANGPAHRANG 14:24

cu ram chungah biaknak lei pa hlawhhlang zong an um. Israel mi hna hmai in Bawipa nih a ṭhawlmi miphun hna nih an tuahmi fihnung vialte kha an tuah ve.

2 SIANGPAHRANG 17:16

Annih nih Bawipa an Pathian nawlbia vialte kha an hlawt i thletmi siasal cawfa pahnih kha an i ser i, Asherah kha an i ser fawn; van i a ummi thil vialte khi an biak hna i Baal kha a rian an ṭuan.

2 SIANGPAHRANG 17:17

Cun annih nih an fapale le an fanule hna cu thawinak caah an khangh hna i litin mangih le eih kha an hman, Bawipa mithmuh i thil ṭhalo tuah awkah khan an i zuar i a thin kha an phawh.

2 SIANGPAHRANG 17:19

Judah mi hna zong nih Bawipa an Pathian nawlbia kha an zul lo, Israel mi nih an chuahpimi phunglam tu kha an zulh deuh.

2 SIANGPAHRANG 17:8

Bawipa nih Israel mi hna hmai in a dawimi hna miphun hna phunglam le Israel siangpahrang hna nih an lakchommi phunglam hna kha an zulh hna.

2 SIANGPAHRANG 21:11

“Judah siangpahrang Manasseh nih hi thil fihnung hi a tuah hna i amah hlan ah a rak ummi Amor mi nih an tuahmi vialte nakin a ṭhalo deuhmi thil a tuah hna i a siasal hna in Judah mi kha a sualter hna caah,

2 SIANGPAHRANG 21:2

Bawipa nih Israel mi hna hmai in a ṭhawlmi hna miphun hna nih an tuahmi fihnung phunglam ning khan, amah nih Bawipa mithmuh ah ṭhat lonak kha a tuah.

2 SIANGPAHRANG 21:6

Cun thawinak caah a fapa kha mei in a khangh i camh le litin kha a hman hna i thitlawn thiam le hnam kha a fuhpanh hna. Bawipa mithmuh ah ṭhat lonak tampi a tuah i a thin a hunter.

2 SIANGPAHRANG 21:9

Sihmanhsehlaw annih nih an ngai duh lo i Israel mi hna hmai in Bawipa nih a hrawhmi miphun hna nih an rak tuahmi nakkhan ṭhat lonak tam deuh Manasseh nih cun a tuahter hna.

2 SIANGPAHRANG 23:10

Cun Hinnom fapa hna horkuang i a ummi Tofeth kha, khika ah ahohmanh nih an fapa si hna seh an fanu si hna seh, Molek sin i thawinak ah an pekchanh hna nakhnga lo, a thurhnawmhter.

2 SIANGPAHRANG 8:18

Ahab innchungkhar nih an tuah bantuk khan, Israel siangpahrang hna lam kha a zul ve, zeitintiah a nupi cu Ahab fanu kha a si. Cun Bawipa mithmuh i thil ṭhalo kha a tuah.

2 CHANRELNAK 22:3

Amah zong cu Ahab innchungkhar lam kha a zul ve, zeicahtiah ṭhat lonak tuah i amah fim a chimtu cu a nu kha a si.

2 CHANRELNAK 33:2

Bawipa nih Israel mi hna hmai in a dawimi hna miphun hna phunglam fihnungmi ning khan Bawipa mithmuh ah ṭhat lonak a tuah.

2 CHANRELNAK 33:6

Cun Hinnom fapa nelrawn ah khan a fapa hna cu raithawinak ah a khangh hna i khuavang kawh le litin le eih kha a lenh i thitlawnthiam le khuavang kha aa ruaih tawn hna. Bawipa mithmuh i thil ṭhalo tampi kha a tuah i a thin kha a phawh.

SALM 106:35

an ṭhit an vat lehlam hna i an ziaza kha an i cawn.

ISAIAH 57:5

Hrinsor ṭhatnak pathian kha nan biak hna i cu biaknak ah cun nu le pa sualnak tuah kha a si nan ti i thingkung thiang nan timi hna toiah khan nan sual. Tiva kam lungkua ah khan nan fale cu rai ah nan thawi hna.

JEREMIAH 32:35

Benhinnom Nelrawn ah Baal caah hmunthiang an ser hna i khika ah Molek sinah an fanu hna le an fapa hna kha an pek hna. Hi thil fihnung tuah awk hi le sualnak chungah Judah luhpi hi keimah sinin a chuakmi nawlbia a si lo i ka lunglai ah a chuak balmi zong a si lo.

EZEKIEL 16:21

Sihlah! Nangmah nih ka fale cu na thah hna i mei in na khangh hna i na siasal hna sinah cun na pek hna.

EZEKIEL 16:47

Anmah umtuning in um ve in thil fihnung kha na tuah ve lo maw? Anmah nak hmanh in ṭhalo deuh in na um dengmang.

EZEKIEL 20:26

Anmah le anmah kha siasal sin i laksawng an pekchanhnak thawngin ka thurhhnawmhter hna; an tuksa a purh khawh hna nakhnga, an siasal hna sinah khan an fapa upa bik hna kha ka pekter ko hna. Mah hihi ka tuahnak chan cu Bawipa ka si kha an hngalh nakhnga caah a si.

EZEKIEL 20:31

Nannih nih nan laksawng nan pekchanh hna le nan fapale hna cu raithawinak caah mei in nan khangh lengmang hna caah hin nan siasal hna sinah hin nihin ni tiangin nan i thurhhnawmh lengmang ko. Zeitindah nannih nih cun ka ruahnak cu nan ka hal khawh lai, maw Israel mi hna? Nan ka hal kho lai lo, tiah ka nun bangin ka chim,’ tiah Bawipa Pathian nih a ti.

LEVITIKAS 18:21

Molek sin i mei in chanh awkah na fale chungin ahohmanh na pe lai lo; cu bantuk tuahnak in na Pathian min thurter hlah; keimah hi Bawipa cu ka si.

LEVITIKAS 20:2

“Israel mi lak in siseh, an sinah a pemmi khual hna lak in siseh, ahohmanh nih a fa zeihmanh kha Molek a pek ahcun amah cu thah a si lai; ram mi nih lung in an cheh lai.

MIKAH 6:7

Bawipa cu tuukawng a thongthong le chiti a tiva in a luangmi kha pe ning law, cucu maw a duhmi cu a si hnga? Ka tuah sualmi tlanhnak caah ka fapa upa bik cu maw ka pekchanh lai? Ka sualnak caah khan ka fale cu maw amah cu ka pekchanh hna lai?

DEUTERONOMI 12:31

Cu bantuk cun Bawipa nan Pathian cungah nan tuah lai lo; zeitintiah Bawipa nih a huatmi thil fihnung vialte cu an pathian hna cungah khan an tuah; zeitintiah an fapale hna le an fanule hna hmanh kha an pathian hna biaknak caah mei chungah an khangh hna.

DEUTERONOMI 18:10

Nannih lakah ahohmanh pekchanhnak caah a fapa siseh a fanu siseh a khaangmi nan um lai lo, litinthiam, bong zummi, mang ihthiam, eihthiam,