2 SIANGPAHRANG 15:5 - Lai (Hakha) Common Language Bible 2006

⁵ Bawipa nih siangpahrang cu a tuk i cucaah cun a thih ni tiangin mithinghmui a si i inn dangte ah a um. Cun siangpahrang fapa Jotham nih khan innchungkhar cu a zohkhenh i rammi kha a uk hna.

2 SIANGPAHRANG 15:5 ပူးပေါင်းရင်းမြစ်များ

2 SAMUEL 3:29

Dantatnak Joab lu cung le a pa innchungkhar vialte cungah tla ko seh; cun Joab chung hna lakah hin thil chuak a ngeimi siseh, thinghmui zawtnak a ngeimi siseh, lathlur a tlaimi siseh, vainam nih a thahmi siseh, rawl a pammi siseh, ṭhing bal hna hlah seh!” tiah a ti.

2 SAMUEL 8:15

Cucaah David nih Israel mi vialte cu a pen hna i David nih a mi vialte cu biading le ruannak in a uk hna.

1 SIANGPAHRANG 3:28

Cun Israel mi vialte nih siangpahrang biachahmi kha an theih i siangpahrang cu an khuaruah a har, zeicahtiah biading in biachah khawh awkah Pathian fimnak kha a chungah a um ti an hngalh.

1 SIANGPAHRANG 3:9

Cucaah na mi hi uk khawhnak caah a ṭha le a chia kha ka thleidan khawh nakhnga, na salpa hi hngalhthiamnak lungthin ka pe tuah; zeicahtiah, aho nih dah hi na miphun ngan hi a uk khawh hna lai?” tiah a ti.

2 SIANGPAHRANG 15:32

Israel siangpahrang Remaliah fapa Pekah a bawi kum hnihnak ah, Judah siangpahrang Uzziah fapa Jotham cu pennak hram aa thawk.

2 SIANGPAHRANG 15:6

Azariah tuahsernak a tang rihmi hna le a tuahmi vialte hna cu, Judah Siangpahrang hna Chanrelnak Cauk chungah an i ṭial lo mei?

2 SIANGPAHRANG 5:27

Cucaah Naaman thinghmui zawtnak nih khan nangmah le na tefa hna cu zungzal in an kaih hna lai,” a ti. Cucaah a sin cun amah cu mithinghmui in a chuak, hawhra bantukin a rang.

2 SIANGPAHRANG 7:3

Cun kutka luhnak ah cun mi pali an um i annih cu mithinghmui an si; cun pakhat le pakhat kha bia an i ruah i, “Zeicah hen mah kah hin kan thih tiangin kan ṭhut ko?

1 CHANRELNAK 3:12

cu fapa ah Amaziah, cu fapa ah Azariah, cu fapa ah Jotham,

1 CHANRELNAK 5:17

Hi hna vialte hi Judah siangpahrang Jotham le Israel siangpahrang Jeroboam chan ah khan an chuahkehnak ning in cazin khumh an si.

JOB 34:19

Bawi kha a duhdanh hna lo i mirum kha misifak hna nakin a upat hlei lomi siangpahrang cu, Nangmah nih sual na phawt ko maw? Zeicahtiah annih cu an dihlak in Pathian sermi an si,

SALM 72:1

Maw Pathian, siangpahrang nih hin bia ka ceih tikah na dinnak kha ka hman nakhnga, ka cawnpiak ko;

HOSEA 1:1

Judah mi hna siangpahrang Uzziah, Jotham, Ahaz le Hezekiah le Israel mi hna siangpahrang Jeroboam, Jehoash fapa, an bawi lio caan i Beeri fapa Hosea sinah Bawipa bia a rami:

LEVITIKAS 13:46

Cu zawtnak a ngeih chung cu thianglo a si lai; amah cu thianglo a si ko; riahhmun lengah amah lawngin a um lai.

MIKAH 1:1

Mah hihi Judah siangpahrang Jotham, Ahaz le Hezekiah bawi lio i Moresheth khuami Mikah sinah Bawipa bia a phanmi cu a si; cu bia cu langhnak in Samaria le Jerusalem kong ah a hmuhmi a si.

NAMBAR 12:10

cun minmei cu thlam cung cun aa ṭhial tikah, zohhmanh, Miriam cu thinghmui zawtnak ngeimi a si ko, hawhra bantukin a rang. Cun Aaron cu Miriam leiah a hei i mer i zohhmanh, mithinghmui a si ko ai.

NAMBAR 12:14

Sihmanhsehlaw Bawipa nih Moses sinah cun, “A pa nih a hmaiah a cil chak seh law, cu hmanh ah cun ni sarih chung cu ningzak in a um lai lo mei? Amah cu riahhmun lengah ni sarih chuah si seh law, cu hnuah cun luhter a si ṭhan te lai,” tiah a ti.

DEUTERONOMI 24:8

“Thinghmui zawtnak kong ah i ralring tuah u, Levi tlangbawi hna nih an in chimhmi hna bangin ṭha tein tuah u; nawl kan pek hna bangin nannih nih ralring tein nan tuah lai.