2 SIANGPAHRANG 15:16 - Lai (Hakha) Common Language Bible 2006

¹⁶ Khi caan ah khan Menahem nih Tappuah khua kha a tei i a chung i a ummi vialte le a ram chung Tirzah khua thawk in a ummi vialte kha a hrawh hna; annih nih khua chung luh kha an onh duh lo caah cun a hrawh; cun a chung i a ummi nu fapawi kha a thler dih hna.

2 SIANGPAHRANG 15:16 ပူးပေါင်းရင်းမြစ်များ

1 SIANGPAHRANG 4:24

Zeitintiah amah nih Zufrates tiva in nitlaklei ram vialte Tifsah in Gaza tiang, Zufrates tiva nitlaklei siangpahrang vialte kha a uk hna i a velchum dihlak in daihnak a um.

2 SIANGPAHRANG 15:15

Shallum tuahsernak a taang rihmi hna le rawinak a tuahnak cu, zohhmanh, Israel Siangpahrang hna Chanrelnak Cauk chungah an i ṭial.

2 SIANGPAHRANG 8:12

Cun Hazael nih a thawh i, “Zeicahdah ka bawipa na ṭah?” tiah a ti. Anih nih, “Zeicahtiah ṭhat lonak Israel mi cungah na tuah ding kha ka hngalh; an ralhau kha mei in na duah hna lai i an tlangval hna cu vainam in na thah hna lai i an ngakchia hna cu na den cikcek hna lai i fa a pawimi an nule hna cu na thler dih hna lai,” tiah a ti.

HOSEA 13:16

Samaria nih a Pathian kha a doh caah a ṭiao dih lai; A mi hna cu ral kut in an thi lai i a ngakchia no tete hna cu vawlei ah tengh an si lai, Fapawi liomi an nule hna cu an paw thler dih an si lai.

AMOS 1:13

Hihi Bawipa bia an si: Ammon mi hna nih ṭhat lonak pakhat hnu pakhat an tuah lengmang caah, An cung i dantatnak ka tlunter ding kha ka let lai lo. An ram kha kauhter an duh caah

BIACEIHTU 9:52

Cun Abimelek cu innsang ah cun a ra i a tuk i innsang innka kha mei in duah awkah a hei naih.