2 SIANGPAHRANG 13:7 - Lai (Hakha) Common Language Bible 2006

⁷ Zeitintiah Jehoahaz ralkap hna cu rangcung ralkap sawm nga le rangleng pahra le ke ralkap sang khat nak tam an tang ti lo; zeicahtiah Siria siangpahrang nih a hrawh hna i rawl cil tik i leidip bantuk ah khin a ser hna.

2 SIANGPAHRANG 13:7 ပူးပေါင်းရင်းမြစ်များ

2 SAMUEL 22:43

Vawlei i leidip bantuk ah ka rial hna, Ka den hna i lam i nawncek bantukin ka lamh hna.

1 SIANGPAHRANG 20:15

Cun peng cheumi uktu bawi hna sinum kha a pumh hna i annih cu za hnih sawm thum pahnih an si; cun annih hnulei ah cun Israel mi vialte cu a pumh hna i thong sarih an si.

1 SIANGPAHRANG 20:27

Cun Israel mi cu an pumh hna i rawl an pek hna i annih doh awkah khan an kal; Israel mi cu meheh run hmete pahnih bantukin an hmaiah khan an riak, Siria mi vial cu ram kha an khat dih.

2 SIANGPAHRANG 10:32

Khi caan ah khan Bawipa nih Israel ram a cheu kha thianh hram a thawk. Hazael nih Israel ram chungah a tei thluahmah hna:

2 SIANGPAHRANG 13:8

Jehoahaz tuahsernak a tang rihmi le a tuahmi vialte le a ṭhawnnak hna cu Israel Siangpahrang hna Chanrelnak Cauk chungah an i ṭial lo mei?

2 SIANGPAHRANG 8:12

Cun Hazael nih a thawh i, “Zeicahdah ka bawipa na ṭah?” tiah a ti. Anih nih, “Zeicahtiah ṭhat lonak Israel mi cungah na tuah ding kha ka hngalh; an ralhau kha mei in na duah hna lai i an tlangval hna cu vainam in na thah hna lai i an ngakchia hna cu na den cikcek hna lai i fa a pawimi an nule hna cu na thler dih hna lai,” tiah a ti.

SALM 18:42

Dip cikcek in ka rial hna i thli nih a choihmi leidip bantuk ah an cang, lam i leicet bantukin ka lamh hna.

ISAIAH 36:8

Chawdet bantukin ka siangpahrang min in kan i det tuah lai. Rang thong hnih kan pek hna lai, cun nannih nih aa cit khotu ding cu zat cu nan i kawl lai!

ISAIAH 41:2

“Aho nih dah teitu kha Nichuahlei in a ratpi i a kalnak kip ah teitu a siter lengmang? Aho nih dah siangpahrang hna le miphun hna kha a teiter hna? Annih cu leidip khi va si hna seh law cu bang, a vainam nih cun a sam duahmah ko hna; thlitu nih capawl a choih bantuk khin a thal nih a ṭhek hna.

JOEL 3:14

Biaceihnak Nelrawn ah mi cu a thongthong in an um. Bawipa Ni tuan ah a rat lainak cu khika ah a si lai.

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

AMOS 1:3

Hihi Bawipa bia an si. Damaskas nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih Gilead kha thir ha bunhmi facang cilnak thingtum in an cil.

AMOS 4:10

Izipt cung i ka tluntermi rai bantuk kha kan thlahhnawh hna, Nan tlangval hna le nan rangtum run hna cu vainam in ka thah hna. Nan riahhmun hna cu a thut in ka thutter hna, Sihmanhsehlaw ka sinah nan kir hlei lo. Hihi Bawipa bia hrimhrim a si.

1 SAMUEL 13:15

Cun Samuel cu a tho i Gilgal in Benjamin khua Gibeah ah khan a hung kal. Cun Saul nih amah sinah a ummi kha a rel hna i za ruk tluk an si.