2 SIANGPAHRANG 13:5 - Lai (Hakha) Common Language Bible 2006

⁵ (Cucaah Bawipa nih Israel mi cu khamhtu a pek hna i Siria mi hna kut chung khan an luat i hlanlio bantuk khan Israel mi cu an inn ah khua an sa.

2 SIANGPAHRANG 13:5 ပူးပေါင်းရင်းမြစ်များ

2 SIANGPAHRANG 13:25

Cun Jehoahaz fapa Jehoash nih khan Hazael fapa Benhadad sin khan, a pa Jehoahaz sinin Hazael nih ral lio i a rak lakmi khua kha a lak ṭhan hna. Jehoash nih amah cu voi thum a tei i Israel khua kha a lak ṭhan hna.

2 SIANGPAHRANG 14:25

Amah nih Israel ramri cu Hamath khua luhnak khan Arabah Rili tiang a siter ṭhan; mah cucu Bawipa, Israel Pathian nih a sal profet Jonah sinin a rak chimmi ning khan a si; Jonah cu Gath-hefer khuami Amittai fapa a si.

2 SIANGPAHRANG 14:27

Sihmanhsehlaw Bawipa nih Israel min cu vanrang toi hin ka hloh lai, a ti lo, cucaah Joash fapa Jeroboam kut in a khamh hna.

1 CHANRELNAK 11:2

Kan hnulei caan, Saul siangpahrang a si lio hmanh ah khan, Israel mi a chuahpitu le a luhpitu cu nangmah na si; cun Bawipa na Pathian nih nangmah cu, ‘Ka mi Israel mi hna cungah tuukhal na si lai i ka mi Israel mi hna cungah bawi na si lai,’ an ti,” tiah an ti.

NEHEMIAH 9:27

Cucaah an ral hna kut chungah khan na chanh hna i annih nih an hrem hna. Sifahnak an in tikah nangmah cu an in auh i vancung khin na run theih hna; na zaangfahnak a ngan bantukin an ral hna kut chungin a khamhtu hna khamhtu kha na pek hna.

ESTHER 4:14

Zeicahtiah hi bantuk caan i dai tein na um ko ahcun, Judah mi hna caah hin himnak le luatnak cu hmun dang le ka dang in a chuak ṭhiamṭhiam ko lai, sihmanhsehlaw nangmah le na pa innchungkhar hna tu hi nan thi lai. Hi bantuk caan caah hin dahkaw pennak chung i na phak hi a hei si ko hnga, aho nih dah a hngalh?” tiah a ti.

EXODUS 4:10

Moses nih Bawipa cu, “Bawipa, kei cu ka ngaithiam ko; zapi sin biachim a thiammi ka si bal lo i na ka chawnh hnu zongah hin ka thiam hlei ṭhiamṭhiam lo, Bawipa. Kei cu biachim holhrel a thiam lomi, mikahak, leichum ka-aa ka si,” a ti.

ISAIAH 19:20

Cu biakṭheng le lungphun cu Izipt ram chungah Ralkapbu Bawipa a um ti hngalhnak hmelchunhnak a si lai. Cuka mi hna nih hremnak an in i Bawipa kha, kan bawm tuah tiah an hal tikah annih chuahtu dingah khan mi a thlah lai.

OBADIAH 1:21

Israel mi hna cu Zion Tlang ah an kai lai i Esau Tlang cu an uk lai. Cun Bawipa cu Siangpahrang a si lai.”

LUKA 2:11

Tu zan hrimhrim ah hin David khua chungah nan Khamhtu kha a chuak cang — Khrih Bawipa cu!

DEUTERONOMI 19:4

“Cun mithattu nih cuka ah a zaam i a nunnak khamh a si khawh nakhnga, hi bantuk hin a si lai. Mipa pakhatkhat nih a innpa, hlanah i huatnak um loin, a thah sual, —

1 SAMUEL 12:11

Cun Bawipa nih Jerubbaal le Barak le Jepthah le Samuel kha a run thlah hna i nan pawngkam i a ummi nan ral hna kut chungin an chuah hna i him tein khua nan sa.

1 SAMUEL 19:7

Cun Jonathan nih David cu a kawh i hi thil vialte cu Jonathan nih a hmuhsak. Cun Jonathan nih David cu Saul sinah a ratpi i a hlan bantuk khan a hmaiah a um ṭhan.