2 SIANGPAHRANG 13:4 - Lai (Hakha) Common Language Bible 2006

⁴ Khi tikah Jehoahaz nih Bawipa kha a nawl i, Israel mi an temhinnak, zeitindah Siria siangpahrang nih a hrem hna kha a hmuh caah, a bia kha a theihpiak.

2 SIANGPAHRANG 13:4 ပူးပေါင်းရင်းမြစ်များ

GENESIS 21:17

Pathian nih ngakchiapa a ṭah cu a run theih i vancung in Pathian vancungmi nih khan Hagar cu a run chawnh i, “Hagar, zeicahdah na lungre a theih? Na thinphang hlah. Pathian nih ngakchiapa a ṭah kha a theih cang.

GENESIS 31:42

Ka pa Pathian Abraham Pathian, Isak nih a biakmi Pathian nih khan rak ka umpi hlah seh law kut ro in na ka kalter ko hnga. Asinain Pathian nih cun harnak ka inmi le ka rianṭuanmi kha a hmuh i zahan ah bia a kan ceih cang,” a ti.

2 SIANGPAHRANG 13:22

Siria siangpahrang Hazael nih Jehoahaz chan chung vialte cu Israel mi kha a hrem hna.

2 SIANGPAHRANG 13:23

Sihmanhsehlaw Bawipa cu an cungah vel a ngei i a zaangfah hna i Abraham, Isak le Jakob sin i a biakamnak ruangah khan anmah leiah aa mer i a hrawk hna lo; a hmaika zongin atu tiangin a hlonh hna lo.

2 SIANGPAHRANG 14:26

Zeitintiah Israel mi nih hremnak an inmi cu a fak ngaingai ti kha a hmuh, zeitintiah ahohmanh an tang ti lo, sal si hna seh, miluat si hna seh, Israel bawmtu dingah pakhat hmanh an tang ti lo.

2 CHANRELNAK 33:19

A thlacamnak Pathian nih a nawlnak a cohlanpiakning le a lung a ṭhumh hlan i a sualnak vialte le zumhtlaklo a sinak le khuahrum bo a ser i Asherim le milem hna a chiahnak hmun hna kha, zohhmanh, Hmutu hna Chanrelnak chungah an i ṭial.

EZRA 8:23

Cucaah cun rawl kan ul i kan Pathian cu kan hal i kan nawlnak cu a kan ngaihpiak.

JOB 22:27

A sinah thla na cam lai i an theih lai; Cun na biahrennak kha na tlinter hna lai.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 78:34

Sihmanhsehlaw a cheu a thah hna tikah khan, a cheu cu amah leiah an i mer ve; an i ngaichih i amah sinah thla fak piin an cam.

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

EXODUS 3:9

Israel mi an ainak kha ka theih cang i Izipt mi nih zeitluk in dah an hrem hna kha ka hmuh.

ISAIAH 26:16

Bawipa, nangmah nih na mi cu dan na tat hna i harnak an in tikah na sinah thla an cam.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

JEREMIAH 2:27

Thingkung kha, ‘Nangmah cu ka pa na si,’ an ti i Lung kha, ‘Nangmah nih na ka hrin,’ an ti. Annih nih an hnulei an ka chit i an hmai kha an ka hoih lo. Sihmanhsehlaw harnak an ton ni ah cun, ‘Tho law, kan khamh tuah,’ an ti.

JEREMIAH 33:3

“Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.

NAMBAR 21:7

Cun annih nih Moses sinah an ra i, “Bawipa le nangmah kha kan in mawhchiat hna caah kan sual cang; kannih sinin rul kha a lak hna nakhnga, Bawipa sinah thlacam tuah,” tiah an ti. Cucaah Moses nih annih caah thla a cam.

BIACEIHTU 10:10

Cun Israel mi nih Bawipa kha an auh i, “Nangmah cungah kan sual cang, zeitintiah kan Pathian kha kan hlawt i Baal kha kan biak hna,” tiah an ti.