2 SIANGPAHRANG 11:14 - Lai (Hakha) Common Language Bible 2006

¹⁴ cun a hei zoh tikah, a phung ningin siangpahrang cu tungpi hram i a dir i siangpahrang pawng i ralkapbu haotu hna le muko tumtu hna an um i cu rammi vialte an lung aa lawmh i muko an tum kha a hmuh. Cun Athaliah nih cun a puan kha a thleh hna i, “Rawinak a si! rawinak a si!” tiah a au.

2 SIANGPAHRANG 11:14 ပူးပေါင်းရင်းမြစ်များ

GENESIS 37:29

Reuben nih khan tikhor cu a va zoh ṭhan i Josef kha a rak um ti lo cu a hmuh tikah a ngaihchiatnak langhternak ah a thilpuan kha a thleh hna.

GENESIS 44:13

An ngaihchiat in an puan kha an thleh i an laa cu an thil an chonh hna i khuapi leiah cun an kir.

1 SIANGPAHRANG 1:25

Zeitintiah nihin ni ah hin a vung kal i cawtum hna le cenhmi saṭil thauthau hna le tuu hna kha tam piin a thawi hna i siangpahrang fapa vialte le ralkapbu haotu Joab le tlangbawi Abiathar kha a sawm hna i zohhmanh, a hmaika ah cun an ei an ding i, ‘Siangpahrang Adonijah cu saupi nung ko seh,’ tiah an ti.

2 SIANGPAHRANG 11:15

Cun tlangbawi Jehoiada nih ralkapbu cung i chiahmi ralkapbu haotu hna kha, “Amah kha zapi lak khan hun chuah u, cun amah a zulmi paoh cu vainam in that hna u,” tiah nawl a pek hna. Zeitintiah tlangbawi nih cun, “Bawipa inn chungah cun thah si hlah seh,” tiah a ti.

2 SIANGPAHRANG 23:3

Cun siangpahrang cu tungpi hram ah khan a dir i, Bawipa kha zulh i a nawlbia hna le a hngalhternak bia hna le a phungbia hna kha a lungthin dihlak le a nunnak dihlak in zulh awk le hi cauk chungah aa ṭialmi biakamnak bia hna kha tuah awkah Bawipa hmaiah khan bia aa kam; cun mi vialte nih khan a tuahmi biakamnak cu an tuahpi ve.

2 SIANGPAHRANG 9:13

Khi tikah an dihlak in khulrang in puan kha an i lak cio i hleihlak karao ah cun an phahpiak i muko kha an tum i, “Jehu cu siangpahrang a si,” tiin an thanh.

2 SIANGPAHRANG 9:23

Cun Joram nih a chak a mer i a zam, Ahaziah cu, “Maw Ahaziah, rawinak a um hih,” tiah a ti.

1 CHANRELNAK 12:40

Cun an innpa hna zong nih khan, Issakhar le Zebulun le Naftali ram hna tiang i a ummi hna nih khan, laa in le kalauk in le khacer in le cawtum in rawl le ei awk phun tling, theipi car hlum hna, mitsur car bor hna, mitsur hang, chiti, cawtum hna le tuu hna kha an rak phorh hna, zeicahtiah Israel ram chungah lawmhnak a um.

2 CHANRELNAK 34:31

Cun siangpahrang cu amah hmun ah khan a dir i, Bawipa kha zulh awk le a nawlbia hna le a hngalhternak bia hna le a nawl hna cu a lungthin dihlak le a nunnak dihlak in tuah awk le hi cauk chung i aa ṭialmi biakamnak bia hna cu tuah awkah Bawipa hmaiah cun biakamnak a ser.

PHUNGTHLÛKBIA 29:2

Miding mi hna cu nawl ngeimi an si tikah mi cu an i lawm, Sihmanhsehlaw miṭhalo hna kha uktu an si tikah mi cu an hrum tawn.

LUKA 19:37

Jerusalem khua kha a hei naih i lam cu Oliv Tlang in chuk i a vung zuannak ah khan a zultu mibu nganpi nih cun, an hmuhmi thil lianngan vialte ruangah khan Pathian cu an lawmh i aw fak piin an thangṭhat.