2 SIANGPAHRANG 11:12 - Lai (Hakha) Common Language Bible 2006

¹² Cun siangpahrang fapa kha a hun chuahpi i bawi luchin a chinh i hngalhternak bia kha a pek; cun annih nih siangpahrang ah an ser i chiti an thuh; an kut kha an bengh i, “Siangpahrang cu saupi nung ko seh!” an ti.

2 SIANGPAHRANG 11:12 ပူးပေါင်းရင်းမြစ်များ

2 SAMUEL 1:10

Cucaah a pawngah cun ka dir i ka thah, zeicahtiah a tluk cang hnuah khan cun a nung kho bal ti lai lo ti kha ka hngalh; cun a lu i a ummi bawi luchin le a baan i aa khihmi ban hrolh cu ka lak hna i hika ah ka bawipa sinah ka rak put hna,” tiah a ti.

2 SAMUEL 12:30

Cun an siangpahrang bawi luchin cu a lu cung khan a lak; a rih lei cu sui talen pakhat a si i a chungah lungvar man sung a um; cun cucu David kha an chinh. Cun cu khua hranchaw kha a lak, a tam ngaingai ko.

2 SAMUEL 16:16

Cun Arki mi Hushai, David hawi kha Absalom sinah a rat tikah, Hushai nih Absalom cu, “Siangpahrang cu saupi nung ko seh! Siangpahrang cu saupi nung ko seh,” tiah a ti.

2 SAMUEL 2:4

Cun Judah mi kha an ra i khika ah David cu Judah hrin siangpahrang caah chiti an thuh. David kha, “Saul a vuitu cu Jabesh-gilead mi an si,” tiah an chimh tikah,

2 SAMUEL 2:7

Cucaah nan kut kha ṭhawng hna seh law nan ralṭha ko u; zeitintiah nan bawipa Saul cu a thi cang i Judah hrin hna nih annih cung i siangpahrang ah keimah cu chiti an ka thuh cang,” tiah a ti hna.

2 SAMUEL 5:3

Cucaah Israel upa vialte cu siangpahrang sinah cun Hebron ah khan an ra i Siangpahrang David nih Bawipa hmaiah Hebron ah khan anmah he biakamnak a ser i annih nih David cu Israel mi cung i siangpahrang ah chiti an thuh.

1 SIANGPAHRANG 1:25

Zeitintiah nihin ni ah hin a vung kal i cawtum hna le cenhmi saṭil thauthau hna le tuu hna kha tam piin a thawi hna i siangpahrang fapa vialte le ralkapbu haotu Joab le tlangbawi Abiathar kha a sawm hna i zohhmanh, a hmaika ah cun an ei an ding i, ‘Siangpahrang Adonijah cu saupi nung ko seh,’ tiah an ti.

1 SIANGPAHRANG 1:34

cun tlangbawi Zadok le profet Nathan nih khan khika ah Israel mi vialte cung i siangpahrang ah chiti thuh hna seh; cun muko kha tum u law, ‘Solomon Siangpahrang cu saupi nung ko seh!’ ti in au u.

1 SIANGPAHRANG 1:39

Khika ah tlangbawi Zadok nih thlam chung khan chiti chiahnak ki cu a lak i Solomon kha a thuh. Cun muko kha an tum i, mi vialte nih khan, “Solomon Siangpahrang cu saupi nung ko seh!” an ti.

1 SIANGPAHRANG 2:44

Cun siangpahrang nih cun Shimei cu, “Nangmah nih ka pa David cungah ṭhat lonak na tuahmi vialte kha na lung chungin na hngalh ko; cucaah na ṭhat lonak cu Bawipa nih nangmah lu cung lila ah a kirter lai.

2 SIANGPAHRANG 11:11

cun ralvengtu hna cu an hriamnam kha i put cio ah, inn thlanglei kam thawk in chaklei kam tiang, biakṭheng le inn cu a velchum in, an dir.

2 SIANGPAHRANG 11:2

Sihmanhsehlaw siangpahrang Joram fanu Jehosheba, Ahaziah far nih khan Ahaziah fapa Joash cu a lak i thah awk i ruahmi siangpahrang fapa hna lak khan a thli tein a kalpi i amah le a cawngtunu cu ihnak dal chungah a chiah hna. Cuticun Athaliah sin khan a thuh i cucaah anih cu an that lo;

2 SIANGPAHRANG 11:4

Sihmanhsehlaw a kum sarihnak ah tlangbawi Jehoiada nih khan Karet mi haotu le ralvengtu hna haotu hna kha a cah hna i amah sinah Bawipa inn ah khan a ratter hna; cun annih he biakamnak a ser i Bawipa inn chungah cun chiat a serter hna i annih cu siangpahrang fapa kha a hmuhsak hna.

2 SIANGPAHRANG 9:13

Khi tikah an dihlak in khulrang in puan kha an i lak cio i hleihlak karao ah cun an phahpiak i muko kha an tum i, “Jehu cu siangpahrang a si,” tiin an thanh.

2 SIANGPAHRANG 9:3

Khi tikah chiti thawl kha i lak law a lu ah toih law, ‘Hi bangin Bawipa nih, Nangmah cu Israel mi siangpahrang ah chiti kan thuh, a ti,’ tiah va ti. Cun innka kha hung law, zam; bualcam hlah,” tiah a ti.

2 CHANRELNAK 23:11

Cun siangpahrang fapa cu a rak chuahpi i bawi luchin cu a chinh i hngalhternak bia kha a pek; cun siangpahrang a si tiah an thanh i Jehoiada le a fapa hna nih khan chiti an thuh i, “Siangpahrang cu saupi nung ko seh!” tiah an ti.

ESTHER 2:17

siangpahrang nih cun Esther cu nu dang vialte nakkhan a duh deuh i ngaknu dang vialte nakkhan velngeihnak le mithmai ṭha a hmu deuh; cucaah a lu ah siangpahrang luchin kha a chinh i Vashti hmun ah khan siangpahrangnu ah a ser.

ESTHER 6:8

siangpahrang nih aa aih tawnmi thilpuan le siangpahrang nih aa cit tawnmi rangtum le siangpahrang nih aa chinh tawnmi bawi luchin kha rak chuahpi hna seh law,

SALM 132:18

A ral pawl cu ningzahnak in ka khuh hna lai, asinain anih cu a cer in a cermi suiluchin kha ka chinh l ai.

SALM 21:3

Thluachuahnak tampi he na len i a lu ah suiluchin na chinh.

SALM 21:4

Nunnak an hal i na pek, nun sau le chan sau na pek.

SALM 47:1

Mi vialte hna, lunglawm in nan zapei beng tuah u, hla dawhdawh in Pathian cu thangṭhat u!

SALM 78:5

Israel mi kha nawlbia a pek hna, Jakob tefa kha nawlbia a pek hna. Ka nawlbia cu nan fale kha nan cawnpiak hna lai, tiin kan pupa kha a fial hna.

SALM 89:39

Na sal sin i bia na kammi cu na hrawh i a bawiluchin cu leidip lakah na hlonh.

SALM 98:8

Maw rilipi hna, nan kut beng tuah u; maw tlang hna, Bawipa hmaiah cun lunglawm in hlasa tuah u,

EXODUS 25:16

Kuang chungah cun kan pek laimi lungtlap pahnih, biakamnak hngalhter ṭhantu, kha na chiah hna lai.

EXODUS 31:18

Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a ṭialnak lungtlap kha Moses cu a pek.

ISAIAH 55:12

“Babilon in lunglawm in nan chuak lai; khuapi chungin daihnak he nan chuak lai. Fing le tlang kha lunglawm in hla an sa lai i thingkung kha lunglawm in an au lai.

ISAIAH 8:16

Pathian nih a ka pekmi bia kha ka zultu hna nih ṭha tein an zohkhenh awk le an i ken awk a si.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

ṬAHNAK HLA 4:20

Bawipa chiti thuhmi, kan nunnak thaw a simi kha, Amah cu miphun hna lakah a thlazung in a ka hupphengtu a si lai, tiah kan rak i ruahchan.

DANIEL 3:9

Nebukhadnezzar Siangpahrang cu an chimh i, “Siangpahrang cu saupi nung ko seh!

DANIEL 6:21

Cun Daniel nih cun a hun leh i, “Siangpahrang cu saupi nung ko seh!

MATTHAI 21:9

A hmai i a kalmi hna le a hnu in a zulmi hna cu an bu ning piin an au i, “David Fapa cu thangṭhat ko u! Bawipa min in a rami cu Pathian nih thluachuah pe ko seh, Pathian cu thangṭhat ko u,” tiah an ti.

MATTHAI 27:29

Cun hling nge in bawi luchin kha an phiar i a lu ah an chinh. A orhlei kut ah fung an putter. Cun a hmaiah an kun i an cawhdeh i, “Judah Siangpahrang cu saupi nung ko seh,” tiah an au;

LAMKALTU 4:27

Cuticun Herod le Pontius Pilat cu hi khua chungah hin Jentail mi hna le Israel mi hna he khan, a thiangmi na sal Jesuh, Messiah i na sermi cu doh awkah an i pum taktak.

2 KORIN 1:21

Nanmah he kanmah he Khrih ta kan si ti fiang tein a kan hngalhtertu cu Pathian hrimhrim kha a si; amah ca i a kan thleidangtu cu Pathian ṭhiamṭhiam kha a si,

HEBRU 1:9

Ahmaanmi thil cu na duh i ahmaan lomi thil cu na huat; Cucaah cun Pathian, na Pathian nih cun an thim i, Na hawile hna nih an hmuhmi nakin a ngan deuh suaumaumi upatnak lunglawmhnak kha aan pek,” tiah a ti.

HEBRU 2:9

A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.

BIAPHUAN 19:12

A mit cu meizik bantuk an si i a lu ah bawiluchin tampi aa chinh. A cungah min pakhat aa ṭial, asinain amah dah ti lo nih cun zei a si ti kha ahohmanh nih an hngal lo.

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.

1 SAMUEL 10:24

Cun Samuel nih mizapi sinah cun, “Bawipa nih a thimmi hi nan hmu maw? Mi vialte lakah amah bantuk ahohmanh an um lo,” tiah a ti. Cun mi vialte nih khan, “Siangpahrang cu saupi nung ko seh,” tiin an au.

1 SAMUEL 16:13

Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal.