2 SIANGPAHRANG 10:6 - Lai (Hakha) Common Language Bible 2006

⁶ Cun ca pahnihnak a kuat hna i, “Nannih cu keimah lei ṭang nan si i ka bia ngaih awk nan i timh ahcun, nan bawipa fapa hna lu kha tan hna u law thaizing atu tikah hin ka sinah Jezreel khua ah ra u,” tiah a ti. Siangpahrang fapa cu sawm sarih an si i anmah a cawmtu hna khuachung mingan hna sinah khan an um.

2 SIANGPAHRANG 10:6 ပူးပေါင်းရင်းမြစ်များ

2 SIANGPAHRANG 10:5

Cucaah siangpahrang inn a zohkhenhtu le khua a zohkhenhtu hna nih khan upa hna le ngakchia zohkhenhtu hna he tiah Jehu cu bia an cah i, “Kannih cu na sal kan si ko, na kan fialmi paoh cu kan tuah lai. Ahohmanh siangpahrang ah kan ser hna lai lo; nangmah mit ah a ṭha na timi paoh kan cungah tuah ko,” tiah an ti.

2 SIANGPAHRANG 10:7

Cun ca cu an sin a phak tikah, siangpahrang fapa cu an lak hna i an thah hna, mi sawm sarih hna cu; cun an lu cu bawm ah an khumh hna i Jezreel ah cun amah sinah cun an hun kuat hna.

2 SIANGPAHRANG 10:9

Cun a thaizing i a va chuah i a dir tikah, mi vialte sinah cun, “Nannih cu sualnak nan ngei lo. Ka bawipa a rawi i a thattu cu keimah ka si sihmanhsehlaw mah vialte hi aho nih dah an thah hna?

2 SIANGPAHRANG 9:32

Cun thlalangawng lei cu a hun zoh i, “Ahodah keimah leiah a ṭang, ahodah?” tiah a ti. Tilditmi pahnih pathum nih khin an vun zoh.

JOB 21:19

Nannih nih cun, ‘An pale ṭhat lo ruangah Pathian nih an fale cu dan a tat hna,’ nan ti, Sihmanhsehlaw kei nih cun, ‘A sualmi cu Pathian nih anmahte kha dantat ko hna seh law, cucu an sual caah a si, ti kha langhter ko seh,’ ka ti.

NAMBAR 25:4

Bawipa nih Moses cu a chawnh i, “An haotu vialte kha la hna law, Bawipa hmaiah ni tlang ah thlai hna, Bawipa thinhunnak ṭihnung a simi cu Israel sinin aa mer nakhnga,” tiah a ti.

MATTHAI 12:30

“Keimah a ka ṭanh lomi cu a ka ralmi an si; pumhkhawmh a ka bawm lomi cu ṭhektu an si.

LUKA 9:50

Jesuh nih a thawh i, “Thlauh hna hlah u, zeicahtiah an dotu hna a si lomi paoh cu an bawmtu hna an si,” tiah a ti.

DEUTERONOMI 5:9

an hmaiah na kun in na bia hna lai lo; zeitintiah kei Bawipa na Pathian cu nahchuakmi Pathian, a ka huami pale sualnak ruang i fale chan thum chan li tiang dan a tat tawntu,