2 SIANGPAHRANG 10:5 - Lai (Hakha) Common Language Bible 2006

⁵ Cucaah siangpahrang inn a zohkhenhtu le khua a zohkhenhtu hna nih khan upa hna le ngakchia zohkhenhtu hna he tiah Jehu cu bia an cah i, “Kannih cu na sal kan si ko, na kan fialmi paoh cu kan tuah lai. Ahohmanh siangpahrang ah kan ser hna lai lo; nangmah mit ah a ṭha na timi paoh kan cungah tuah ko,” tiah an ti.

2 SIANGPAHRANG 10:5 ပူးပေါင်းရင်းမြစ်များ

1 SIANGPAHRANG 20:32

Cucaah an tai ah puanchia an i venh i an lu ah hrihrual an i ngerh i Israel siangpahrang sinah cun an va kal i, “Na sal Benhadad nih, ‘Ka nunter ko sawh seh,’ a ti,” tiah an ti. Cun anih nih, “A nung rih maw? Amah cu ka unau pei a si cu,” tiah a ti.

1 SIANGPAHRANG 20:4

Cun Israel siangpahrang nih cun a leh i, “Na chim bangin, ka bawipa, maw siangpahrang, keimah le ka ngeihmi vialte cu nangmah ta kan si ko,” tiah a ti.

2 SIANGPAHRANG 10:6

Cun ca pahnihnak a kuat hna i, “Nannih cu keimah lei ṭang nan si i ka bia ngaih awk nan i timh ahcun, nan bawipa fapa hna lu kha tan hna u law thaizing atu tikah hin ka sinah Jezreel khua ah ra u,” tiah a ti. Siangpahrang fapa cu sawm sarih an si i anmah a cawmtu hna khuachung mingan hna sinah khan an um.

2 SIANGPAHRANG 18:14

Cun Judah siangpahrang Hezekiah nih Lakhish ah Assiria siangpahrang sinah cun mi a hei thlah hna i, “Ka palh cang; ka kirtak ko; ka cung i na ka khinhmi paoh ka in lai,” tiah a ti. Cun Assiria siangpahrang nih Judah siangpahrang Hezekiah cu ngun talen za thum le sui talen sawm thum a cawh.

JEREMIAH 27:17

Annih cu an bia ngai hna hlah u, Babilon siangpahrang cu rian ko u law nan nung deuh lai. Zeicahdah hi khuapi hi a ṭiao lai?

NAMBAR 11:12

Hi mi vialte hi ka rak pawi hna maw? ‘Nau cawnghramtu nih nau hnuktlai lio a cawi bangin na ṭang ah cawi hna law, an pupa hna sinah pek awkin chiat ka sermi ram ah kalpi hna,’ na ti cu keimah nih maw ka hrin hna?

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

JOSHUA 9:11

Cun kan upa hna le kan ram minung vialte hna nih, ‘Lampi caah riahcaw i rawnh u law, va kal u law, va tong hna u, cun annih sinah, “Kannih cu nan sal kan si; ra u law, kanmah he biakamnak ser u,” tiah va ti hna u,’ tiah an kan ti.

JOSHUA 9:8

Annih nih Joshua sinah, “Na sal kan si ko hi ta,” tiah an ti. Cun Joshua nih annih cu, “Ahodah nan si, cun khuazei in dah nan rat?” tiah a ti hna.