2 SIANGPAHRANG 10:30 - Lai (Hakha) Common Language Bible 2006

³⁰ Cun Bawipa nih Jehu cu, “Ka mithmuh ah a dikmi kha ṭha tein na tuah i ka lung chungah a umning dihlak in Ahab innchungkhar cungah na tuah caah, na fapa hna cu chan li tiangin Israel bawi ṭhutdan cungah an ṭhu lai,” tiah a ti.

2 SIANGPAHRANG 10:30 ပူးပေါင်းရင်းမြစ်များ

1 SIANGPAHRANG 20:42

Cun anih nih a thawh i, “Hi bangin Bawipa nih, ‘Hrawh awkah kan pekchanh ciami kha nangmah nih na kut chungin na luatter caah, cucaah a nunnak caah na nunnak a kal lai i a mi hna caah na mi an si lai,’ a ti,” tiah a ti.

1 SIANGPAHRANG 21:22

cun ka thin na ka phawh ruang le Israel mi na sualter hna caah hin, na innchungkhar cu Nebat fapa Jeroboam innchungkhar bantuk le Ahijah fapa Baasha innchungkhar bantuk ah ka ser lai.

1 SIANGPAHRANG 21:29

“Zeitindah Ahab nih ka hmaiah lungṭhum ngaiin a um kha na hmu ko lo maw? Ka hmaiah a lung a ṭhumh caah ṭhat lonak kha amah chan ah hin cun ka tlunter lai lo; sihmanhsehlaw a fapa chan ah a innchungkhar cungah hin ṭhat lonak kha ka tlunter lai,” tiah a ti.

2 SIANGPAHRANG 10:35

Cuticun Jehu cu a pupa hna sinah a it i Samaria ah an vui. Cun Jehoahaz fapa cu amah hmun ah khan a hung bawi.

2 SIANGPAHRANG 13:1

Judah siangpahrang Ahaziah fapa Joash a bawi kum kul le kum thumnak ah Jehu fapa Jehoahaz nih Israel ram cu Samaria in pen hram aa thawk i kum hleisarih a pen.

2 SIANGPAHRANG 13:10

Judah siangpahrang Joash a bawi kum sawm thum le kum sarihnak ah Jehoahaz fapa Jehoash cu Israel kha Samaria khua in pen hram aa thawk i kum hleiruk a pen hna.

2 SIANGPAHRANG 14:23

Judah siangpahrang Joash i a fapa Amaziah a bawi kum hleinganak ah, Israel siangpahrang Jehoash i fapa Jeroboam cu Samaria khua ah bawi hram a thawk i kum sawm li le kum khat a pen hna.

2 SIANGPAHRANG 14:29

Cun Jeroboam cu Israel siangpahrang hna, a pupa hna sinah a it i a fapa Zekhariah cu amah hmun ah cun a hung bawi.

HOSEA 1:4

Cun Bawipa nih a thawh i, “A min ah Jezreel va sak tuah; Zeicahtiah Jezreel i thisen an chuahmi ruangah khan Jehu tefa hna cu dan ka tat hna lai i Israel pennak cu ka donghter lai.

LEVITIKAS 26:25

Cun nannih cungah vainam ka tlunter lai i biakamnak caah khan phuhlamnak a tuah lai; nan khua chungah nan i pumh ahcun nan lakah rai ka tlunter lai i nan ral hna kut ah khan nanmah cu pek nan si lai.