2 SIANGPAHRANG 10:23 - Lai (Hakha) Common Language Bible 2006

²³ Cun Jehu cu Rekhab fapa Jehonadab he khan Baal inn chungah cun an lut i Baal a biami hna cu, “Nan lakah hin Bawipa a biami pakhat hmanh an um nakhnga lo kawl hna u, Baal a biami lawnglawng um hna seh,” tiah a ti.

2 SIANGPAHRANG 10:23 ပူးပေါင်းရင်းမြစ်များ

2 SAMUEL 4:2

Saul fapa nih khan ral hranh bu haotu mi pahnih a ngeih hna i pakhat min cu Baanah a si i a dang pakhat min cu Rekhab a si, annih cu Beeroth khuami Benjamin phun Rimmon fapa an si (zeitintiah Beeroth zong khan Benjamin ta ah rel chih a si;

2 SIANGPAHRANG 10:22

Cun hnipuan chiahnak a zohkhenhtu sinah khan, “Thilpuan kha Baal biatu vialte hna caah hin rak chuah hna,” tiah a ti. Cucaah thilpuan cu a chuahpiak hna.

2 SIANGPAHRANG 10:24

Cun raithawinak le khangh thawinak pekchanh awkah khan a vung lut. Cun Jehu nih mi sawm riat cu lengah khan a chiah hna i, “Hi mi nan kut chung i kan pekmi hna lak hin pakhat hmanh a luattertu cu nan nunnak nan sung lai,” tiah a ti hna.

JEREMIAH 35:6

Sihmanhsehlaw annih nih, ‘Kannih cu zu cu kan ding lai lo. Zeicahtiah kan pu Rekhab fapa Jonadab nih nawl a kan pek i,

MATTHAI 13:30

Rawl kung le belh cu hmunkhat ah rawl ṭuan caan tiang ṭhang ṭi ko hna seh. Cun khi tikah rawl ṭuantu pawl cu ka thawh hna lai i: Belh kha bawt hmasa hna u law mei chung i paih awkah tom hna u; cun rawl kha ṭuan hna u law ka buk chungah rawn hna u, ka ti hna lai,’ a ti,” tiah a ti.

MATTHAI 13:41

Mi Fapa nih hin vancungmi kha a thlah hna lai i a Pennak chung i ṭhat lonak a tuahtu vialte hna le mi a sualtertu vialte hna kha an pumh hna lai i