2 SIANGPAHRANG 10:14 - Lai (Hakha) Common Language Bible 2006

¹⁴ Anih nih, “A nung in tlai hna u,” tiah a ti i a nung in an tlaih hna i Beth-eked khor ah khan an thah hna, minung sawm li le pahnih, pakhat hmanh a zuah hna lo

2 SIANGPAHRANG 10:14 ပူးပေါင်းရင်းမြစ်များ

1 SIANGPAHRANG 20:18

Annih nih, “Daihnak ca an ra chuah a si ahcun, a nung in tlai hna u i tuk awk i an ra chuah a si zongah, a nung in tlai hna u,” tiah a ti.

2 SIANGPAHRANG 10:12

Cun aa thawh i Samaria ah a kal. Lampi ah tuukhal hna hmun Beth-eked kha a va phak tikah,

2 SIANGPAHRANG 10:13

Judah siangpahrang Ahaziah rualchan kha Jehu nih a ton hna i, “Ahodah nan si?” tiah a ti. Annih nih, “Kannih cu Ahaziah rualchan kan si i siangpahrang fapa hna kha le siangpahrang bawinu a nu fapa hna kha va tlawn awkah kan rung,” tiah a ti.

2 SIANGPAHRANG 10:15

Cun khika in a kal tikah, Rekhab fapa Jehonadab kha amah ton awkah a ra; daihnak a pek i, “Na cung i ka lung zumhawktlak a si bantuk hin nang tah ka cungah na si ve maw?” tiah a ti. Cun Jehonadab nih, “Asi,” tiah a leh. Jehu nih, “A si ahcun, na kut ka chan tuah,” tiah a ti. Cucaah a kut kha a chanh. Cun Jehu nih amah sinah rangleng chungah khan a vun hnuh.

2 SIANGPAHRANG 10:6

Cun ca pahnihnak a kuat hna i, “Nannih cu keimah lei ṭang nan si i ka bia ngaih awk nan i timh ahcun, nan bawipa fapa hna lu kha tan hna u law thaizing atu tikah hin ka sinah Jezreel khua ah ra u,” tiah a ti. Siangpahrang fapa cu sawm sarih an si i anmah a cawmtu hna khuachung mingan hna sinah khan an um.

2 SIANGPAHRANG 11:1

Ahaziah nu Athaliah nih a fapa a thih kha a hngalh tikah, a tho i siangpahrang innchungkhar vialte kha a thah hna.

2 SIANGPAHRANG 8:18

Ahab innchungkhar nih an tuah bantuk khan, Israel siangpahrang hna lam kha a zul ve, zeitintiah a nupi cu Ahab fanu kha a si. Cun Bawipa mithmuh i thil ṭhalo kha a tuah.

2 CHANRELNAK 22:10

Ahaziah nu Athaliah nih khan a fapa a thih kha a hngalh tikah, a tho i Judah innchungkhar siangpahrang chungle vialte kha a thah dih hna.

2 CHANRELNAK 22:8

Cun Jehu nih Ahab innchungkhar cungah biakhiahnak kha a tlunter tikah khan, Judah ram bawi hna le Ahaziah unau hna fapa hna, Ahaziah a bultawltu kha a ton hna i a thah hna.

JEREMIAH 41:5

Shekhem le Shiloh le Samaria in pa sawm riat an ra. An khahmul kha an i meh i an puan kha an thleh hna i an pum cu an i at, annih nih Bawipa biakinn i pekchanh awkah changvut thawinak le zihmui kha an rak i put.