2 SIANGPAHRANG 10:10 - Lai (Hakha) Common Language Bible 2006

¹⁰ Cucaah Bawipa nih Ahab innchungkhar kong ah a chimmi, Bawipa bia cu, sawhsawh in pakhat hmanh vawlei ah a tla lai lo, ti kha hngal tuah u; zeitintiah Bawipa nih a sal Elijah in a chimmi kha a tuah cang,” tiah a ti.

2 SIANGPAHRANG 10:10 ပူးပေါင်းရင်းမြစ်များ

1 SIANGPAHRANG 21:19

Cun amah cu na thawh lai i, ‘Hi bangin Bawipa nih, “Na thah cang i a ro zong na co cang maw?” a ti,” na ti lai. Cun nangmah nih amah cu na thawh lai i, ‘Bawipa nih hi bangin: “Uico nih Naboth thi an liahnak hmun ah khan uico nih nangmah na thi an liah lai,” a ti,’ tiah na chimh lai,” tiah a ti.

1 SIANGPAHRANG 21:29

“Zeitindah Ahab nih ka hmaiah lungṭhum ngaiin a um kha na hmu ko lo maw? Ka hmaiah a lung a ṭhumh caah ṭhat lonak kha amah chan ah hin cun ka tlunter lai lo; sihmanhsehlaw a fapa chan ah a innchungkhar cungah hin ṭhat lonak kha ka tlunter lai,” tiah a ti.

2 SIANGPAHRANG 10:17

Cun Samaria a phak tikah Samaria i Ahab ta a tang rihmi paohpaoh kha, Bawipa nih Elijah sinah a chimmi a bia ningin, a thianh hirhiar hna hlantiang a thah hna.

2 SIANGPAHRANG 15:12

(Mah hihi Bawipa nih Jehu sinah biakamnak a pekmi cu a si, “Na fapa hna cu Israel bawi ṭhutdan cungah chan li tiang an ṭhu lai,” tiin. Cu bang cun a si taktak.)

2 SIANGPAHRANG 9:36

Cun an ra kir i amah kha an chimh tikah, “Mah hihi Bawipa nih a sal Elijah, Tishbemi sinin a chimmi a bia kha a si, ‘Jezreel ram chungah uico nih Jezebel cu a sa an ei lai;

ESTHER 6:10

Cun siangpahrang nih Haman cu a thawh i, “Khulrang in na chim bangin thilpuan le rangtum cu va la hna law siangpahrang kutka ah a ṭhumi Judah mi Mordekai cungah khan va tuah tuah. Na chimmi cu pakhatte hmanh tlolh hlah,” tiah a ti.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.

MARKA 13:31

Van le vawlei cu an rawk lai nain ka bia cu a rawk lai lo.

1 SAMUEL 15:29

Cun Israel Sunparnak nih khan lih zong a chim lai lo i a ngaih zong aa ngaichih lai lo; zeitintiah i ngaihchih awkah amah cu minung a si ṭung lo,” tiah a ti.

1 SAMUEL 3:19

Cun Samuel cu a ṭhang i Bawipa cu a sinah a um i a bia kha pakhat hmanh vawlei ah a lohlakter lo.