2 SIANGPAHRANG 1:9 - Lai (Hakha) Common Language Bible 2006

⁹ Khi tikah siangpahrang nih ralkap sawm nga haotu kha a mi sawm nga he cun a thlah. Tlangpar i a ṭhu komi Elijah sinah cun a hung kal i, “Maw Pathian mi, siangpahrang nih, ‘Rung ṭum seh,’ an ti,” tiah a ti.

2 SIANGPAHRANG 1:9 ပူးပေါင်းရင်းမြစ်များ

1 SIANGPAHRANG 17:18

Cun anih nih Elijah cu a thawh i, “Maw Pathian mipa, ka cungah lung si lonak zeidah na ngeih? Ka sualnak kha hngalhter ṭhan awk le ka fapa kha thihter awkah pei na rat ko hi!” tiah a ti.

1 SIANGPAHRANG 18:10

Bawipa, na Pathian a nun bangin, ka bawipa nih hin nangmah kawl ah mi a thlah lonak ram le miphun a um ti lo; cun annih nih, ‘Hika ah a um lo,’ tiah an rak ti tikah, cu ram cu siseh, cu miphun cu siseh, kan hmu lo tiin, chiat a serter hna.

1 SIANGPAHRANG 18:4

Jezebel nih Bawipa profet hna a thah hna ah khan, Obadiah nih profet za khat a lak hna i sawm nga sawm nga in lungkua ah a thuh hna i ti le rawl in a cawm hna).

1 SIANGPAHRANG 18:42

Cucaah ei awk le din awkah Ahab cu a hung kal. Cun Elijah cu Karmel Tlang par ah a kal i vawlei ah a kun i a hmai cu a khuk le a khuk karlak ah a chiah.

1 SIANGPAHRANG 19:2

Cun Jezebel nih Elijah sinah cun lamkal pakhat a hei thlah i, “Na nunnak cu annih lak i pakhat nunnak bantuk ah khan thaizing atu tik caan i ka ser lo ahcun, cu bantukin le cu nak tam deuh zongin pathian hna nih cun ka cungah tuah ko hna seh,” tiah a ti.

1 SIANGPAHRANG 22:8

Cun Israel siangpahrang nih Jehoshafat cu, “Bawipa kan hal khawhnak ding mipa a dang pakhat a um rih, amah cu Imlah fapa Mikaiah a si; sihmanhsehlaw ka kong ah thil ṭha chim bal loin thil ṭhalo lawng kha a chim caah ka huat,” tiah a ti. Cun Jehoshafat nih cun, “Cuticun siangpahrang nih chim hlah seh,” tiah a ti.

2 SIANGPAHRANG 2:25

Khika cun Karmel Tlang ah a va kal i cuka cun Samaria ah a kir.

2 SIANGPAHRANG 4:25

Cuticun aa thawh i Karmel Tlang ah Pathian mi sin kha a phan. Pathian mi nih a rat kha a rak hmuh tikah a sinum Gehazi cu a thawh i, “Zohhmanh, khika i Shunam minu khi;

JEREMIAH 35:4

annih cu Bawipa inn ah khan ka ratpi hna i Pathian mi Igdaliah fapa Hanan fapa hna khaan chungah khan ka luhpi hna; cucu innleng a cawngtu Shallum fapa Maaseiah khaan cung i a ummi bawi khaan he khan aa peh.

AMOS 7:12

Cun Amos hrimhrim cu Amaziah nih cun a thawh i, “Hmuh thiampa, kal cang! Judah ram ah cun vung kal ko. Khika ah cun vung kal law na pawcawmnak zong na hmuh khawh deuh lai.

MATTHAI 14:3

Herod nih khan Johan cu a rak tlaihter hna i thong ah an thlak. Cu ti i a tuahnak cu a nau Filip nupi Herodias ruangah khan a si.

MATTHAI 26:68

“Messiah cu pei na si fam cu, ahodah an beng, kan chim tuah ngat?” an ti.

MATTHAI 27:29

Cun hling nge in bawi luchin kha an phiar i a lu ah an chinh. A orhlei kut ah fung an putter. Cun a hmaiah an kun i an cawhdeh i, “Judah Siangpahrang cu saupi nung ko seh,” tiah an au;

MARKA 15:29

Aa chawkmi hna nih khan Jesuh cu an lu an thinhnawh i an nihsawh: “Biakinn cu na ṭheh dih i ni thum chungah na sak dih ṭhan taktak hi ta!

MARKA 15:32

Israel mi siangpahrang Messiah cu, atu hrimhrim ah hin vailam tahnak cung hin rung ṭum seh law pei kan hmuh hnga i kan zumh khawh hnga cu!” an ti. Cun a sin i vailam an tahmi pahnih hna zong nih khan an nihsawh ve.

LUKA 9:54

Cu thil cu a zultu hna Jeim le Johan nih khan an hmuh tikah, “Bawipa, hi mi hna hrawhnak ding caah hin vancung in mei au u tiah na kan duh maw?” an ti.

HEBRU 11:36

A cheu cu nihsawhnak le fung tuknak kha an ing i a cheu cu ṭemnak le thongthlaknak kha an ing.

1 SAMUEL 19:21

Mah cucu Saul kha an chimh tikah, midang kha a thlah ṭhan hna; cun annih zong cu an holh cukmak ve. Cun Saul nih a voi thumnak ah mi a hei thlah ṭhan hna i annih zong cu an holh cukmak ve ṭhiamṭhiam.