2 SIANGPAHRANG 1:4 - Lai (Hakha) Common Language Bible 2006

⁴ Cucaah Bawipa nih hi bangin, ‘Na hung kainak ihkhun khan na ṭum ṭhan lai lo, na thi hrimhrim lai,’ a ti,” tiah a ti. Cucaah Elijah cu a kal.

2 SIANGPAHRANG 1:4 ပူးပေါင်းရင်းမြစ်များ

GENESIS 2:17

sihmanhsehlaw a ṭha le a ṭhalo hngalhnak pe khotu thingkung a tlai hi cu na ei lai lo. Cu thingthei cu na ei hrimhrim lai lo. Na ei ahcun, na ei ni hrimhrim ah na thi lai,” a ti.

GENESIS 3:4

Rul nih cun, “Cucu ahmaan lo; nan thi lai lo.

1 SIANGPAHRANG 14:12

Cucaah tho law na inn ah va kal tuah. Na ke nih khua chung a lamh ah khin ngakchia cu a thi lai.

1 SIANGPAHRANG 18:2

Cucaah Ahab sin i vaa langh awkah cun Elijah cu a kal. Atu cu Samaria ram ah cun mangṭam cu a fak ko cang.

2 SIANGPAHRANG 1:16

cun anih nih a thawh i, “Bawipa nih hi bangin, ‘Nangmah nih Ekron khua pathian Baal-zebub cu va hal awkah lamkal na thlah hna caah, — mah cucu Israel ram ah hin hal awk Pathian a um lo caah maw a si? — cucaah na hung kainak ihkhun khan na ṭum ti lai lo, sihmanhsehlaw na thi hrimhrim lai,’ a ti,” tiah a ti.

2 SIANGPAHRANG 1:5

Lamkal hna cu siangpahrang sinah an kir ṭhan i anih nih annih cu, “Zeicahdah nan kir?” tiah a ti hna.

2 SIANGPAHRANG 1:6

Cun annih nih amah cu, “Kannih ton awkah khan mipa pakhat a ra i kannih cu a kan thawh i, ‘An thlahtu hna siangpahrang sinah khan va kir u law amah cu, ‘Hi bangin Bawipa nih a ti, Israel ram chungah Pathian a um lo caah maw Ekron khua pathian Baal-zebub kha va hal awkah mi na thlah hna? Cucaah na hung kainak ihkhun khan na ṭum ti lai lo, sihmanhsehlaw na thi hrimhrim lai,’ a ti tiah va chim u a kan ti,” tiah an ti.

2 SIANGPAHRANG 20:1

Khi caan ah Hezekiah cu a zaw i a thi dengmang. Cun Amoz fapa profet Isaiah kha a sinah a ra i, “Hi bangin Bawipa nih, ‘Na innchungkhar kha a ningcang tein chia tuah; zeicahtiah na thi ko lai, na dam ṭhan lai lo,’ tiah a ti.

2 SIANGPAHRANG 8:10

Cun Elisha nih a thawh i, “Va kal law, amah cu, ‘Na dam ṭhan hrimhrim lai,’ tiah va ti; sihmanhsehlaw Bawipa nih a ka hmuhsak cang i a thi hrimhrim lai,” tiah a ti.

PHUNGTHLÛKBIA 11:19

Dinnak tuah awk aa rialchih pengmi cu a nung lai, sihmanhsehlaw dinlonak tuah aa sehchih pengmi cu a thi lai.

PHUNGTHLÛKBIA 14:32

Miṭhalo cu amah ṭhat lonak nih a thluk, sihmanhsehlaw miding cu a dinnak nih khan a huhphenh.

EZEKIEL 18:4

A nungmi paoh cu keimah ta an si dih, an hringtu nu le pa si hna seh, an fale si hna seh, an dihlak in ka ta an si. A sualmi paoh cu a thi ko lai.

NAMBAR 26:65

Zeitintiah annih cu Bawipa nih, “Ramlak ah an thi lai,” ti ah khan a rak ti. Jefunneh fapa Kaleb le Nun fapa Joshua dah ti lo cu annih lakah pakhat hmanh an taang lo.

1 SAMUEL 28:19

Cu hleiah Bawipa nih Filistin mi hna kut chungah Israel mi hna zong kha nangmah he a chanh hna lai i thaizing ah nangmah le na fapa hna cu keimah sinah nan um lai; Bawipa nih Israel ralkapbu zong kha Filistin mi hna kut chungah a chanh lai,” tiah a ti.