2 SIANGPAHRANG 1:3 - Lai (Hakha) Common Language Bible 2006

³ Sihmanhsehlaw Tishbemi Elijah cu Bawipa vancungmi nih a thawh i, “Tho law, Samaria siangpahrang lamkaltu hna ton awkah hung kal tuah, annih cu, ‘Israel ram chungah Pathian a um lo caah maw nannih Ekron khua pathian Baal-zebub cu hal awkah nan kal?’ tiah hung ti hna.

2 SIANGPAHRANG 1:3 ပူးပေါင်းရင်းမြစ်များ

1 SIANGPAHRANG 11:33

amah nih a ka hlawt i Sidon mi khuazingnu Ashtoreth le Moab mi pathian Khemosh le Ammon mi pathian Milkom kha a biak hna i ka lam kha a zul hna lo i a pa David bantukin ka mithmuh ah a dikmi a tuah lo i ka nawlbia le ka phunglam kha a zulh hna lo caah, phun hra hi nangmah kan pek lai.

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

1 SIANGPAHRANG 18:1

Caan saupi hnuah, a kum thumnak ah khin Bawipa bia cu Elijah sinah a ra i, “Va kal law Ahab sinah vaa langh tuah; cun vawlei cungah ruah ka surter lai,” tiah a ti.

1 SIANGPAHRANG 18:36

Cun thlet thawinak caan ah khin profet Elijah cu a pawngah a ra i, “Maw Bawipa, Abraham, Isak le Israel i Pathian, nangmah cu Israel mi chungah hin Pathian na si i keimah cu na sal ka si i hi thil vialte hi nangmah bia in ka tuah ti kha nihin ah hin langhter ko.

1 SIANGPAHRANG 19:5

Cun a it i hmunphiah thingkung pakhat tangah aa hngilh; cun zohhmanh, vancungmi nih a tawngh i, “Tho law ei tuah,” tiah a ti.

1 SIANGPAHRANG 19:7

Cun Bawipa vancungmi cu a voi hnihnak a ra ṭhan i a tawngh i, “Tho law ei tuah, na khual tlawnnak lam cu na celh sual lai lo,” tiah a ti.

1 SIANGPAHRANG 21:17

Cu tikah Bawipa bia cu Tishbemi Elijah sinah khan a ra i,

2 SIANGPAHRANG 1:2

Ahaziah cu Samaria khua i a innkhaan cung nung i thing kharvar thlalangawng khan a tla i a kuah ko; cucaah lamkal kha a thlah hna i, “Va kal u law, Ekron khua pathian Baal-zebub kha, hi zawtnak hin ka dam ṭhan lai maw dam ṭhan lo, va hal tuah u,” tiah a chimh hna.

2 SIANGPAHRANG 1:6

Cun annih nih amah cu, “Kannih ton awkah khan mipa pakhat a ra i kannih cu a kan thawh i, ‘An thlahtu hna siangpahrang sinah khan va kir u law amah cu, ‘Hi bangin Bawipa nih a ti, Israel ram chungah Pathian a um lo caah maw Ekron khua pathian Baal-zebub kha va hal awkah mi na thlah hna? Cucaah na hung kainak ihkhun khan na ṭum ti lai lo, sihmanhsehlaw na thi hrimhrim lai,’ a ti tiah va chim u a kan ti,” tiah an ti.

2 SIANGPAHRANG 1:8

Annih nih an leh i, “Sahmul puan aa aih i a tai ah saphaw taisawm aa sawmh,” tiah an ti. Cun anih nih, “Tishbemi Elijah kha a si cu ta,” tiah a ti.

2 SIANGPAHRANG 5:15

Khi tikah Pathian mi sinah khan, amah he a mi pawl vialte he an va kir i a hmaika ah khan a va dir cun aa thawh i, “Zohhmanh, Israel ram chungah dah ti lo ah cun, vawlei cung vialte ah Pathian a um lo ti kha ka hngalh; cucaah na sal sin hin laksawng cohlang tuah,” tiah a ti.

2 SIANGPAHRANG 5:8

Sihmanhsehlaw Pathian mi Elisha nih Israel siangpahrang nih a puan a thleh hna ti kha a theih tikah, siangpahrang cu bia a hei cah i, “Zeicahdah na puan cu na thleh hna? Israel ram chungah profet a um ti kha a hngalh naklai, keimah sinah ratter tuah,” tiah a ti.

SALM 76:1

Pathian cu Judah ram chungah an hngalh ngaingai i Israel ram ah a min a thang.

ISAIAH 8:19

Kutṭial zoh thiammi hna le thitlawn thiam hna, a awn a aumi kha, hal hna u, tiah mi nih an in ti hna lai. An in thawh hna lai i, “A donghnak in ti ahcun, mi nih hin thlarau kha pei bia an hal awk hna a si i mithi kha pei a nungmi can ah an tlawn awk hna a si cu,” an ti lai.

JONAH 2:8

Santlailo siasal a biami hna nih cun nangmah sin i zumhawktlak in um kha an ngol,

MARKA 3:22

Phungbia cawnpiaktu saya cheu khat Jerusalem in a rami hna nih khan, “A chungah Beelzebul aa hrolh, Khuavang ṭhawl khawhnak a petu hi khuachia bawi cu a si,” an ti.

LAMKALTU 8:26

Bawipa vancungmi pakhat nih Filip cu a thawh i, “I tim law thlanglei ah vung kal law Jerusalem in Gaza ah a kalmi lam ah khan vung kal tuah,” a ti (Cu lam cu an hmang ti lo).

1 SAMUEL 17:46

Nihin ni ah hin Bawipa nih nangmah cu keimah kut chungah a ka pek lai i kan thah lai i na lu kan tan lai; cun Filistin ralkapbu chung i a thimi ruak hna cu nihin ah hin van i a zuangmi va hna le vawlei i a ummi sahrang hna sinah ka pek hna lai; zeitintiah vawlei cung dihlak nih Israel mi lakah Pathian a um ti kha an hngalh nakhnga le