2 SIANGPAHRANG 1:2 - Lai (Hakha) Common Language Bible 2006

² Ahaziah cu Samaria khua i a innkhaan cung nung i thing kharvar thlalangawng khan a tla i a kuah ko; cucaah lamkal kha a thlah hna i, “Va kal u law, Ekron khua pathian Baal-zebub kha, hi zawtnak hin ka dam ṭhan lai maw dam ṭhan lo, va hal tuah u,” tiah a chimh hna.

2 SIANGPAHRANG 1:2 ပူးပေါင်းရင်းမြစ်များ

1 SIANGPAHRANG 11:33

amah nih a ka hlawt i Sidon mi khuazingnu Ashtoreth le Moab mi pathian Khemosh le Ammon mi pathian Milkom kha a biak hna i ka lam kha a zul hna lo i a pa David bantukin ka mithmuh ah a dikmi a tuah lo i ka nawlbia le ka phunglam kha a zulh hna lo caah, phun hra hi nangmah kan pek lai.

1 SIANGPAHRANG 14:3

Cun changreu tlang hra, changreu thlum tlawmpal le khuaihliti thawl khat in i phorh law amah sinah cun va kal tuah; amah nih ngakchia hi zeitindah a um lai kha a rak in chimh lai,” tiah a ti.

1 SIANGPAHRANG 22:34

Sihmanhsehlaw pakhatpa nih tinh setsaimi ngei loin a li cu a kuaih sawhsawh i Israel siangpahrang cu a thir ngaphaw angki le a ṭangphaw karlak ah a khen; cucaah a rangleng mawngtu cu, “I mer law hi i tuknak chung hin ka chuahpi tuah, zeicahtiah an ka hliam ai,” tiah a ti.

1 SIANGPAHRANG 22:40

Cu bangin Ahab cu a pupa hna sinah a it i a fapa Ahaziah cu amah hmun ah khan a hung bawi.

2 SIANGPAHRANG 1:16

cun anih nih a thawh i, “Bawipa nih hi bangin, ‘Nangmah nih Ekron khua pathian Baal-zebub cu va hal awkah lamkal na thlah hna caah, — mah cucu Israel ram ah hin hal awk Pathian a um lo caah maw a si? — cucaah na hung kainak ihkhun khan na ṭum ti lai lo, sihmanhsehlaw na thi hrimhrim lai,’ a ti,” tiah a ti.

2 SIANGPAHRANG 1:3

Sihmanhsehlaw Tishbemi Elijah cu Bawipa vancungmi nih a thawh i, “Tho law, Samaria siangpahrang lamkaltu hna ton awkah hung kal tuah, annih cu, ‘Israel ram chungah Pathian a um lo caah maw nannih Ekron khua pathian Baal-zebub cu hal awkah nan kal?’ tiah hung ti hna.

2 SIANGPAHRANG 1:6

Cun annih nih amah cu, “Kannih ton awkah khan mipa pakhat a ra i kannih cu a kan thawh i, ‘An thlahtu hna siangpahrang sinah khan va kir u law amah cu, ‘Hi bangin Bawipa nih a ti, Israel ram chungah Pathian a um lo caah maw Ekron khua pathian Baal-zebub kha va hal awkah mi na thlah hna? Cucaah na hung kainak ihkhun khan na ṭum ti lai lo, sihmanhsehlaw na thi hrimhrim lai,’ a ti tiah va chim u a kan ti,” tiah an ti.

2 SIANGPAHRANG 17:16

Annih nih Bawipa an Pathian nawlbia vialte kha an hlawt i thletmi siasal cawfa pahnih kha an i ser i, Asherah kha an i ser fawn; van i a ummi thil vialte khi an biak hna i Baal kha a rian an ṭuan.

JOB 31:3

Vanchiatnak nih hin miding lomi a tlunhnawh hna lo maw? Chiatnak nih hin ṭhat lonak a tuahtu a tlunhnawh hna lo maw?

SOLOMON HLA 2:9

Ka tum lung duhte nih saza le neng note ko khi lo ai, Cuan cio u law pang leng dir hrat in, Thlalang awng le thing kharvar lakin Inn chung run bih ai.

ISAIAH 19:3

Izipt mi an khuakhannak kha ka tuai lai i an lung ṭhawnnak kha ka zorter lai. An siasal kha, kan bawm u, tiah an ti hna lai; khuavang kha zeitindah kan um lai tiah an hal hna lai i mithi thlarau kha ruahnak kan cheu u tiah an ti hna lai.

ISAIAH 2:6

Pathian, na mi Jakob tefa hna cu na hlawt cang hna. Nichuahlei in a rami camhthiam hna le Filistia ram in a rami camhthiam hna cu, hi ram hi an khat dih i hi ram mi hna nih, cu hna phung cu an zulh ve.

ISAIAH 37:12

Ka pupa hna nih khan Gozan le Haran le Rezef khua kha an hrawh hna i Telassar khua i a ummi Beth-eden mi kha an thah hna, kha hna kha an pathian nih ahohmanh an khamh khawhmi hna an um lo.

ISAIAH 37:19

an pathian kha an khangh dih hna, ti cu kan theih — sihmanhsehlaw annih cu pathian an si lo, minung nih an kut in an ser chommi thing le lung siasal menmen an si.

MATTHAI 10:25

Cucaah siangngakchia caah a saya tluk si cu a za ko i sal caah a bawi tluk si kha a za ko. Innchungkhar i an lu cu Beelzebul ti a si ahcun, innchungkhar mi chinchin cu cu nak min chia deuh in pei auh an si lai cu,” tiah a si.

MARKA 3:22

Phungbia cawnpiaktu saya cheu khat Jerusalem in a rami hna nih khan, “A chungah Beelzebul aa hrolh, Khuavang ṭhawl khawhnak a petu hi khuachia bawi cu a si,” an ti.

LUKA 11:15

sihmanhsehlaw a cheu nih an i thawh i, “Khuachia ṭhawl khawhnak ṭhawnnak a petu cu khuachia hna lak i an bawi bik Beelzebul kha a si,” an ti.

LAMKALTU 20:9

Tlangval pakhat a min Zutikhas an timi kha thlalangawng ah khan a ṭhu i Paul nih ngol loin a chim lengmang caah cun a ngu chin lengmang ve i a donghnak ah cun hngilh taktak tein aa hngilh i inncung dot thumnak cun vawlei ah a tla. An vung char i a thi ko.

JOSHUA 15:11

ramri cu Ekron fing tiang chaklei ah a kal, cun Shikkeron leiah aa kuai i Baalah Tlang leiah a kal i Jabneel ah a chuak; cun ramri cu rili ah a dong.

BIACEIHTU 11:24

Na pathian Khemosh nih co awkah an pekmi kha na co awk cu a si hnga lo maw? Bawipa kan Pathian nih kan hmai in a pawnchuahmi vialte cu kannih nih kan co hna lai.

BIACEIHTU 5:28

“Thlalang awng in a hei zoh, Sisera nu nih cun khuaikhar awng khan a hei cuanh: ‘Zeicahdah a rangleng hi a rat bal hnga lo? Zeicahdah a rangleng hna ke thawng hi an rauh ko hnga? a ti.

1 SAMUEL 5:10

Cucaah Pathian kuang cu Ekron ah an kuat. Sihmanhsehlaw Pathian kuang cu Ekron ah a phak tikah, Ekron khuami hna nih cun, “Kanmah le kan mi hna kha thah awkah Israel Pathian i a kuang cu kan sinah an ratpi,” tiah an au.