2 SIANGPAHRANG 1:16 - Lai (Hakha) Common Language Bible 2006

¹⁶ cun anih nih a thawh i, “Bawipa nih hi bangin, ‘Nangmah nih Ekron khua pathian Baal-zebub cu va hal awkah lamkal na thlah hna caah, — mah cucu Israel ram ah hin hal awk Pathian a um lo caah maw a si? — cucaah na hung kainak ihkhun khan na ṭum ti lai lo, sihmanhsehlaw na thi hrimhrim lai,’ a ti,” tiah a ti.

2 SIANGPAHRANG 1:16 ပူးပေါင်းရင်းမြစ်များ

1 SIANGPAHRANG 22:28

Cun Mikaiah nih a thawh i, “Daihnak in na kir ṭhan a si ahcun, Bawipa nih ka sinah bia kha a chim lo a si lai,” tiah a ti. Cun amah nih cun, “Nannih mi vialte hna, kan chimmi cu thei tuah u,” tiah a ti.

2 SIANGPAHRANG 1:6

Cun annih nih amah cu, “Kannih ton awkah khan mipa pakhat a ra i kannih cu a kan thawh i, ‘An thlahtu hna siangpahrang sinah khan va kir u law amah cu, ‘Hi bangin Bawipa nih a ti, Israel ram chungah Pathian a um lo caah maw Ekron khua pathian Baal-zebub kha va hal awkah mi na thlah hna? Cucaah na hung kainak ihkhun khan na ṭum ti lai lo, sihmanhsehlaw na thi hrimhrim lai,’ a ti tiah va chim u a kan ti,” tiah an ti.

2 SIANGPAHRANG 20:1

Khi caan ah Hezekiah cu a zaw i a thi dengmang. Cun Amoz fapa profet Isaiah kha a sinah a ra i, “Hi bangin Bawipa nih, ‘Na innchungkhar kha a ningcang tein chia tuah; zeicahtiah na thi ko lai, na dam ṭhan lai lo,’ tiah a ti.

2 SIANGPAHRANG 5:21

Cucaah Gehazi nih Naaman cu a zulh. Cun Naaman nih, mi zeimaw nih a ka dawi ti kha a hmuh tikah, amah ton awkah cun a rangleng in a ṭum i, “Zeizong a ṭha dih maw?” tiah a ti.

2 SIANGPAHRANG 8:10

Cun Elisha nih a thawh i, “Va kal law, amah cu, ‘Na dam ṭhan hrimhrim lai,’ tiah va ti; sihmanhsehlaw Bawipa nih a ka hmuhsak cang i a thi hrimhrim lai,” tiah a ti.

2 SIANGPAHRANG 8:8

siangpahrang nih cun Hazael kha, “Laksawng i put law Pathian mi don awkah khan va kal tuah, cun, ‘Hi zawtnak hin, ka dam ṭhan lai maw?’ tiin Pathian rak ka halpiak tuah seh,” tiah a ti.

SALM 132:3

Cu a biakamnak cu hitihin a si: “Bawipa caah hmun pakhat ka ser khawh hlan lo, Israel Pathian Lianngan Bik caah umnak inn pakhat ka tuah khawh hlan lo, inn chung zongah ka lut lai lo i a ih zong ka it lai lo, a dinh zong kaa din lai lo i a hngilh zong kaa hngilh lai lo,” a ti.

PHUNGTHLÛKBIA 11:19

Dinnak tuah awk aa rialchih pengmi cu a nung lai, sihmanhsehlaw dinlonak tuah aa sehchih pengmi cu a thi lai.

EZEKIEL 14:4

Annih cu chawn hna law hihi Bawipa Pathian bia a si tiah chim hna: Israel mi ahohmanh, a lung chungin a siasal aa khihchih peng i a tluktertu thil sual aa zohchih pengtu paoh nih profet sinah a rat ahcun, a siasal kha tam ko hna hmanh seh law keimah Bawipa nih ka pum in ka leh hrimhrim lai.