2 SAMUEL 9:7 - Lai (Hakha) Common Language Bible 2006

⁷ Cun David nih amah cu, “Na thinphang hlah; na pa Jonathan ruangah na cungah zaangfahnak kan hmuhsak lai i na pu Saul ram vialte kha kan khirh ṭhan lai; cun ka cabuai ah rawl na ei zungzal lai,” tiah a ti.

2 SAMUEL 9:7 ပူးပေါင်းရင်းမြစ်များ

GENESIS 43:18

A inn i an kalpi hna caah cun an thin a phang i, “Kan hnulei tan i kan phaisa kan sawngkhoi chung i an kan khirhmi ruangah khan a si ko lai. An kan zuanhnawh lai i sal ah an kan tlaih lai i kan laa hi an i lak hna lai,” tiah an ruah.

GENESIS 43:23

Cun inn zohtu nih cun, “Nan thin phang hlah u. Nan lungre thei hlah u. Nan Pathian, nan pa Pathian nih hi tangka cu nan sawngkhoi chungah khan an chiahpiak hna. Hmasa i nan ka cawknak phaisa cu ka hmuh ko,” a ti. Cun Simeon kha an sinah a ratpi.

2 SAMUEL 12:8

cun na bawipa inn cu kan pek i na bawipa nupi hna cu nangmah ṭang chungah kan pek hna, cun Israel mi chungkhar hna le Judah mi chungkhar hna cu kan pek hna; cun mah hihi a tlawm tuk ahcun, cu zat cu kan chap rih lai.

2 SAMUEL 19:28

Zeitintiah ka innchungkhar vialte cu siangpahrang ka bawipa hmaiah cun thah awk i khilmi men pei an hei si ko cu; asinain nangmah nih na salpa cu na cabuai i rawl a eimi hna lakah na ka chiah. Cucaah siangpahrang sinin thil dang a hal ngam ding ka si ti hnga maw?” tiah a ti.

2 SAMUEL 19:29

Cun siangpahrang nih amah cu a thawh i, “Na konglam cu zeicahdah na chim ṭheo rih? Bia ka khiah cang; nangmah le Ziba nih ram cu nan i cheu lai,” tiah a ti.

2 SAMUEL 19:33

Cun siangpahrang nih Barzillai cu a thawh i, “Keimah sinah ra law, Jerusalem khua ah kan cawm lai,” tiah a ti.

2 SAMUEL 21:7

Sihmanhsehlaw Saul fapa Jonathan i fapa Mefibosheth kha cu a zuah, zeicahtiah annih karlak ah, David le Saul fapa Jonathan karlak ah khan Bawipa chiatserhnak a rak um.

2 SAMUEL 9:1

Cun David nih, “Jonathan ruangah an cung i zaangfahnak ka langhter khawh nakhnga, Saul innchungkhar lakah khan a tangmi aho tal an um maw?” tiah a ti.

2 SAMUEL 9:10

Cun nangmah le na fapa hna le na sinum hna nih amah vawlei cu nan thlawhpiak lai i na bawipa fapa hi cu ka cabuai ah rawl a ei zungzal lai,” tiah a ti. Ziba cu fapa hleinga le sinum pakul a ngei.

2 SAMUEL 9:11

Cun Ziba nih siangpahrang cu, “Siangpahrang ka bawipa nih a salpa a ka fial ningin, cu bantukin na salpa nih ka tuah dih lai,” tiah a ti. Cucaah Mefibosheth cu, siangpahrang fapa pakhat ve bantukin David cabuai ah khan rawl a ei.

2 SAMUEL 9:13

Cuticun Mefibosheth cu Jerusalem ah a um; zeitintiah siangpahrang cabuai ah khan rawl a ei zungzal. Amah cu a ke a pahnih in a bei.

2 SAMUEL 9:3

Cun siangpahrang nih, “Pathian zaangfahnak cu a cungah ka langhter khawh nakhnga, Saul innchungkhar chungin a um rihmi pakhat tal an um ti hnga lo maw?” tiah a ti. Ziba nih siangpahrang sinah cun, “Jonathan fapa pakhat a um rih; amah cu a ke a bei,” tiah a ti.

1 SIANGPAHRANG 2:7

Sihmanhsehlaw Gilead mi Barzillai fapa hna kha cu zumhawktlak tein na ti hna lai i na cabuai i rawl a eimi lakah na umter hna lai; zeitintiah na unau Absalom sinin ka rak zam lioah khan annih nih cu bantuk zumhawktlak sinak he an rak ka don.

2 SIANGPAHRANG 25:29

Cucaah Jehoiachin nih khan a thongtla puan cu aa phoih. Cun a chan chung vialte siangpahrang cabuai ah cun rawl a ei lengmang ve;

SALM 41:9

Ka hawi ṭha bik, ka zumh bikmi, rawl a ka hrawng lengmangmi hmanh kha ka ral ah a cang.

JEREMIAH 52:33

Cucaah Jehoiachin nih a thongtla puan kha aa phoih i a chan chung vialte siangpahrang cabuai ah cun ni fate rawl a ei lengmang.

ZEKHARIAH 7:9

Ralkapbu Bawipa bia cu hihi a si: Dinnak taktak kha biaceihnak ah hmang u, pakhat le pakhat zumhawktlak tein um u law i zaangfah u,

MATTHAI 6:11

Ni fate kan herhmi rawl cu nihin zongah hin kan pe tuah.

LUKA 22:30

Ka Pennak ah ka cabuai ah nan ding nan ei lai i Israel mi phun hleihnih kha biaceihpiak awkah bawi ṭhutdan cungah nan ṭhu lai,” tiah a ti.

BIAPHUAN 3:20

Ngaihmanh! innka ah ka dir i ka kingh. Ahohmanh an si ah, ka aw a thei i innka a ka hunhmi cu, a inn chungah cun ka lut lai i a sinah rawl ka dum lai i amah zong ka sinah a dum ve lai.

1 SAMUEL 12:24

Bawipa cu a ṭih bel ṭih ko u law, nan lungthin dihlak in a rian kha zumhawktlak tein ṭuan ko u; zeitintiah nan ca i thil lianngan a tuahmi kha ruat tuah hna u.

1 SAMUEL 20:15

cun ka innchungkhar hna sinin a zungzal in zumh awk tlak na sinak kha chat hlah. Bawipa nih David ral vialte kha vawlei cungin a hloh dih hna tikah,

1 SAMUEL 22:23

Ka sinah um ko, ṭih hlah; zeicahtiah ka nunnak a ka kawlmi cu nangmah nunnak an kawlmi a si ve ko; keimah sinah cun na him ko lai,” tiah a ti.