2 SAMUEL 9:3 - Lai (Hakha) Common Language Bible 2006

³ Cun siangpahrang nih, “Pathian zaangfahnak cu a cungah ka langhter khawh nakhnga, Saul innchungkhar chungin a um rihmi pakhat tal an um ti hnga lo maw?” tiah a ti. Ziba nih siangpahrang sinah cun, “Jonathan fapa pakhat a um rih; amah cu a ke a bei,” tiah a ti.

2 SAMUEL 9:3 ပူးပေါင်းရင်းမြစ်များ

2 SAMUEL 19:26

Cun anih nih a leh i, “Maw siangpahrang ka bawipa, ka sinum nih a rak ka hlen; zeitintiah na sal nih amah cu, ‘Laa pakhat in ka danhpiak tuah, kaa cit i siangpahrang sinah ka kal nakhnga,’ tiah ka ti. Zeitintiah na sal cu kebei ka si.

2 SAMUEL 19:27

Cun na sal cu siangpahrang sinah a ka thangchiat cang. Sihmanhsehlaw siangpahrang ka bawipa cu Pathian vancungmi bantuk a si ko; cucaah nangmah nih a ṭha na timi paoh tuah ko.

2 SAMUEL 4:4

Saul fapa Jonathan nih khan fapa pakhat a ngeih i amah cu a ke a bei. Saul le Jonathan kong kha Jezreel in a hung than tikah amah cu kum nga a si; cun a cawngtunu nih khan aa pom duak i a zampi; cun khulrang i a zam lioah khan a thlak sual i a ke kha a bei. Cun a min cu Mefibosheth a si.

2 SAMUEL 9:13

Cuticun Mefibosheth cu Jerusalem ah a um; zeitintiah siangpahrang cabuai ah khan rawl a ei zungzal. Amah cu a ke a pahnih in a bei.

2 SAMUEL 9:7

Cun David nih amah cu, “Na thinphang hlah; na pa Jonathan ruangah na cungah zaangfahnak kan hmuhsak lai i na pu Saul ram vialte kha kan khirh ṭhan lai; cun ka cabuai ah rawl na ei zungzal lai,” tiah a ti.

LUKA 6:36

Nan Pa cu mi zaangfah thiam a si bantukin nannih zong mi zaangfah thiammi si ve u,” tiah a ti.

DEUTERONOMI 10:15

sihmanhsehlaw Bawipa nih dawtnak in na pupa hna cungah a lung a chiah i annih hnu i an tefa, nannih cu, midang vialte hlan in an thim hna, nihin ah nan si bang hin.

DEUTERONOMI 4:37

Cun amah nih nan pupa kha a dawt hna i anmah hnu i an tefa hna cu a thim hna i nannih cu amah hmai hrimhrim in le a liannganmi a ṭhawnnak in Izipt ram in an chuahpi hna i,