2 SAMUEL 9:1 - Lai (Hakha) Common Language Bible 2006

¹ Cun David nih, “Jonathan ruangah an cung i zaangfahnak ka langhter khawh nakhnga, Saul innchungkhar lakah khan a tangmi aho tal an um maw?” tiah a ti.

2 SAMUEL 9:1 ပူးပေါင်းရင်းမြစ်များ

2 SAMUEL 1:26

Ka nau Jonathan, Nangmah cu kan ngai, Zeitluk in dah ka caah na sun Na ka dawtnak cu khuaruahhar a si, nu dawtnak kha a hluan.

2 SAMUEL 21:7

Sihmanhsehlaw Saul fapa Jonathan i fapa Mefibosheth kha cu a zuah, zeicahtiah annih karlak ah, David le Saul fapa Jonathan karlak ah khan Bawipa chiatserhnak a rak um.

2 SAMUEL 9:7

Cun David nih amah cu, “Na thinphang hlah; na pa Jonathan ruangah na cungah zaangfahnak kan hmuhsak lai i na pu Saul ram vialte kha kan khirh ṭhan lai; cun ka cabuai ah rawl na ei zungzal lai,” tiah a ti.

1 SIANGPAHRANG 2:7

Sihmanhsehlaw Gilead mi Barzillai fapa hna kha cu zumhawktlak tein na ti hna lai i na cabuai i rawl a eimi lakah na umter hna lai; zeitintiah na unau Absalom sinin ka rak zam lioah khan annih nih cu bantuk zumhawktlak sinak he an rak ka don.

PHUNGTHLÛKBIA 27:10

Na hawikom siseh, na pa hawikom siseh, hlaw hna hlah; na vanchiat ni ah na unaupa kha bawmh hal hlah, lam hlat i a ummi unau nakin lamnai i a ummi innpa nih an bawmh khawh deuh lai.

MATTHAI 10:42

Cun hihi philh hlah u! A ka zultu hna hi a ka zultu an si ruangah anmah lak i a nauta bik hmanh kha tikik hrai khat a pemi cu, laksawng kha a hmu hrimhrim lai,” tiah a ti.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MARKA 9:41

Nannih cu Messiah zultu nan si ruangah mi nih ti hrai khat zong an in pek hna ahcun, cu hna cu laksawng hmu loin an um hrimhrim lai lo, ti kha va philh hlah u,” tiah a ti hna.

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

1 SAMUEL 20:42

Cun Jonathan nih David cu, “Dai tein va kal ko, zeicahtiah, ‘Keimah le nangmah karah le ka tefa hna le na tefa hna karlak ah, zungzal in, Bawipa cu um ko seh,’ tiin pei Bawipa min in kan pahnih in chiat kan ser ṭi cang kha,” tiah a ti. Cun a tho i a kal; Jonathan cu khua chungah a lut.