2 SAMUEL 8:6 - Lai (Hakha) Common Language Bible 2006

⁶ Cun David nih Damaskas khua chung i Aram ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang.

2 SAMUEL 8:6 ပူးပေါင်းရင်းမြစ်များ

2 SAMUEL 10:19

Cun Hadadezer sal a simi siangpahrang vialte nih khan Israel mi nih an kan tei ti kha an hmuh tikah, Israel mi he cun remnak an ser i an kut tangmi ah an cang. Cucaah Siria mi nih Ammon mi hna bawmh kha an ngamh ti lo.

2 SAMUEL 23:14

Cu lioah cun David cu ralhruang chungah a um i Filistin ralvengtu ralkapbu cu Bethlehem khua ah an rak um.

2 SAMUEL 3:18

Cucaah atu cu tlinter tuah u; zeitintiah Bawipa nih David cu bia a kam i, ‘Ka sal David kut in ka mi Israel mi hna cu Filistin mi kut chung le an ral vialte hna kut chungin ka chuah hna lai,’ a ti,” tiah a ti.

2 SAMUEL 5:10

Cun David cu Bawipa, ralkapbu Pathian kha a sinah a um caah a ngan chin lengmang.

2 SAMUEL 7:9

cun khuazeika na kalnak hmanh ah nangmah sinah ka um i na hmai in na ral vialte kha ka hloh dih hna; cun vawlei cung i mi lianngan hna min bantukin min ngan kan serpiak lai.

2 SAMUEL 8:14

Cun Edom ram chungah ralvengtu ralkapbu kha a chiah hna; Edom ram chungah a dihlak in ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang.

2 SAMUEL 8:2

Cun Moab kha a tei i tahnak hri in a tah hna i vawlei ah a ihter hna; tlang hnih cu thah awkin a tah i tlang khat cu pum tein zuah awkin a tah. Cun Moab mi cu David sal ah an cang i David sinah khan ngunkhuai an thawh.

2 SAMUEL 8:7

Cun Hadadezer sinum hna nih an i putmi sui phaw hna kha David nih a lak hna i Jerusalem ah a rak phorh hna.

1 SIANGPAHRANG 4:21

Solomon nih Zufrates in Filistin mi hna ram le Izipt ramri tiang ram vialte cu a uk dih hna; a nun chung vialte Solomon sinah cun ngunkhuai an thawh i a rian an ṭuan.

2 SIANGPAHRANG 1:1

Ahab thih hnuah Moab nih Israel kha a doh.

2 SIANGPAHRANG 14:28

Jeroboam tuahsernak a tang rihmi le a tuahmi vialte le a ṭhawnnak, zeitindah ral a doh i Israel caah Judah ta a rak simi Damaskas le Hamath a lak ṭhannak hna kha, Israel Siangpahrang hna Chanrelnak Cauk chungah an i ṭial lo mei?

2 SIANGPAHRANG 18:7

Cun Bawipa cu amah sinah a um i a kalnak paoh ah khua awng a tong. Assiria siangpahrang kha a doh i a rian a ṭuan duh lo.

2 SIANGPAHRANG 3:4

Moab siangpahrang Mesha cu tuu zua a si i Israel siangpahrang cu kum fate in tuufa sing khat le tuukawng sing khat hmul a pek lengmang awk a si.

1 CHANRELNAK 18:13

Cun Edom ram chungah ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang.

2 CHANRELNAK 17:2

Judah ram chung i kulhnak ngei khua vialte ah khan ralkap a chiah hna i Judah ram chung le a pa Asa nih Efraim khua a rak lakmi hna chungah khan ralvengtu ralkapbu a chiah hna.

SALM 140:7

Maw Bawipa ka Pathian, nangmah cu ka khamhtu ṭhawng na si, raltuknak hmun ah na ka huhphenh.

SALM 60:10

Na kan hlawt taktak ko cang maw? Kan ralkap cu na kalpi ti hna lai lo maw?

PHUNGTHLÛKBIA 21:31

Raltuknak ni caah rangtum cu timh a si, Sihmanhsehlaw teinak cu Bawipa sinin a rami a si.

1 SAMUEL 13:3

Jonathan nih Geba i a ummi Filistin ralveng ralkapbu cu a tei hna i mah cucu Filistin mi nih an theih. Cun Saul nih ram chung dihlak ah khan, “Hebru mi nih thei hna seh,” tiin muko a tum.

1 SAMUEL 14:1

Ni khat cu Saul fapa Jonathan nih khan a ralthuam a putu tlangvalpa sinah khan, “Ra law, khatte lei ral i Filistin mi ralvengtu ralkapbu sinah khin va kal tuah u sih,” tiah a ti. Sihmanhsehlaw a pa kha a chim lo.

1 SAMUEL 14:15

Cun riahhmun le lo lak le mi vialte lakah khan launak a um ciammam i ralvengtu ralkapbu le ral hranhtu ralkap hna hmanh cu an ther ko; cun vawlei aa hnin i launak nganpi ah a cang.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.