2 SAMUEL 8:11 - Lai (Hakha) Common Language Bible 2006

¹¹ Mah hna zong cu Siangpahrang David nih Bawipa sinah a teimi miphun vialte hna sinin a lakmi sui le ngun hna he khan hmunkhat ah, a pekchanh hna;

2 SAMUEL 8:11 ပူးပေါင်းရင်းမြစ်များ

2 SAMUEL 8:10

Hadadezer kha a doh i a tei caah amah cu va biakchawnh awk le va conglawmh awkah David Siangpahrang sinah khan a fapa Joram kha a hei thlah; zeitintiah Hadadezer nih khan Toi kha a rak doh lengmang tawn. Cun Joram nih ngun kheng le sui kheng le dar kheng kha a rak i phorh hna i.

1 SIANGPAHRANG 7:51

Cuticun Siangpahrang Solomon nih Bawipa inn ca i a ṭuanmi rian vialte cu a lim. Cun a pa David nih a rak pekchanhmi thil: ngun, sui le umkheng hna kha a luhpi hna i Bawipa inn rokuang chungah khan a ken hna.

1 CHANRELNAK 18:11

mah thil hna zong cu Siangpahrang David nih a teimi miphun vialte hna, Edom, Moab, Ammon mi hna, Filistin mi hna le Amalek sinin lakmi sui le ngun hna he khan hmunkhat ah Bawipa sinah a pekchanh hna.

1 CHANRELNAK 29:2

Cucaah kan Pathian biakinn ca thilri cu ka ti khawh chungin ka damh hna. Sui thilri ca sui, ngun thilri ca ngun, dar thilri ca dar, thir thilri ca thir, thing thilri ca thing kha ka damh hna. Cuhleiah, ṭamhnak caah oniks lungvar tampi le lung tampi, cun antimoni lungvar, lung a mui a phunphun a simi hna, lung mansung a phunphun le marbal lung kha tampi ka damh hna.

2 CHANRELNAK 5:1

Cuticun Bawipa inn caah Solomon nih a tuahmi rian vialte cu lim a si. Cun Solomon nih a pa David nih a rak pekchanh ciami thil hna kha a luhpi hna i Bawipa inn chung rokuang chungah khan ngun, sui le umkheng vialte kha a chiah hna.

MIKAH 4:13

Na facang cil cu thawk cang tuah, Maw Zion fanu, Zeicahtiah na ki cu thir in ka ser lai i na tin cu dar in ka ser hna lai i Miphun tampi kha na naan hna lai. A ding loin an rak lakmi thil kha Bawipa sinah na pek ṭhan hna lai i, An chawva hna cu vawlei cung dihlak uktu Bawipa sinah na chanh hna lai.