2 SAMUEL 7:9 - Lai (Hakha) Common Language Bible 2006

⁹ cun khuazeika na kalnak hmanh ah nangmah sinah ka um i na hmai in na ral vialte kha ka hloh dih hna; cun vawlei cung i mi lianngan hna min bantukin min ngan kan serpiak lai.

2 SAMUEL 7:9 ပူးပေါင်းရင်းမြစ်များ

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

2 SAMUEL 22:1

Cun Bawipa nih David a ral vialte hna kut chung le Saul kut chungin a chuahter ni ah, hi hla hin Bawipa cu a hloi.

2 SAMUEL 22:30

Asi, nangmah thawngin ralkapbu bu khat ka tei khawh i Ka Pathian thawngin vampang kha ka per khawh.

2 SAMUEL 22:43

Vawlei i leidip bantuk ah ka rial hna, Ka den hna i lam i nawncek bantukin ka lamh hna.

2 SAMUEL 23:1

Cun mah hihi David bia hmanung bik cu an si: Jesse fapa David bia, sangpi ah cawimipa, Jakob Pathian chiti thuhmi, Israel mi hla dawh phuah thiamtu bia cu:

2 SAMUEL 5:10

Cun David cu Bawipa, ralkapbu Pathian kha a sinah a um caah a ngan chin lengmang.

2 SAMUEL 8:13

Cun David cu a min a thang ngaingai ko. A ra kir tikah Edom mi sang khat le thong riat cu Cite Nelrawn ah a thah hna.

2 SAMUEL 8:14

Cun Edom ram chungah ralvengtu ralkapbu kha a chiah hna; Edom ram chungah a dihlak in ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang.

2 SAMUEL 8:6

Cun David nih Damaskas khua chung i Aram ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang.

1 CHANRELNAK 17:8

cun na kalnak kip ah nangmah sinah ka um i na hmai in na ral vialte kha ka hloh dih hna; cun vawlei cung milianngan hna min bantukin min kan serpiak lai.

SALM 21:6

na thluachuahnak cu a hmuh zungzal hna i nangmah a sin i na um caah lawmhnak in a khat.

SALM 89:23

A ral cu ka rial dih hna lai i amah a huatu cu ka thah hna lai.

LUKA 1:52

Siangpahrang ṭhawngṭhawng kha an bawiṭhutdan cungin a ṭhumh hna i Minauta kha a cawi hna.

JOSHUA 6:27

Cucaah Bawipa cu Joshua sinah a um i cu ram chung vialte ah cun a min a thang.

1 SAMUEL 18:14

Cun Bawipa kha amah sinah a um caah David cu a thil tuahmi vialte ah a hlawhtling.

1 SAMUEL 18:30

Cun Filistin bawi hna kha raltuknak ah an ra chuak tawn i an ra chuah fate David cu Saul sinum vialte hna nakkhan a hlawhtling deuh; cucaah a min cu an thangṭhat ngaingai ko.

1 SAMUEL 2:8

Bawi hna sinah ṭhutter awk le Upatnak ṭhutdan coter awk caah, Sifakmi kha leidip lak in a thawh hna i Retheimi kha vutcam pumhmi lak in a cawi hna. Zeitintiah vawlei tung hna cu Bawipa ta an si i An cungah vawlei cu a chuan.

1 SAMUEL 31:6

Cuticun Saul le a fapa pathum hna le a ralthuam putu le a mi vialte cu ni khat ah hmun khat ah an thi.

1 SAMUEL 5:10

Cucaah Pathian kuang cu Ekron ah an kuat. Sihmanhsehlaw Pathian kuang cu Ekron ah a phak tikah, Ekron khuami hna nih cun, “Kanmah le kan mi hna kha thah awkah Israel Pathian i a kuang cu kan sinah an ratpi,” tiah an au.