2 SAMUEL 7:21 - Lai (Hakha) Common Language Bible 2006

²¹ Nangmah na biakamnak ruangah le nangmah na lung ning tein, hi lianngannak cu na sal kha hngalhter awkah nangmah nih na tuah cang.

2 SAMUEL 7:21 ပူးပေါင်းရင်းမြစ်များ

1 CHANRELNAK 17:19

Maw Bawipa, na sal ruangah le nangmah na lungthin ning tein, hi thil lianngan vialte hngalhternak ah hin hi thil liannganpi hi na tuah.

SALM 115:1

Kanmah si loin, na min lawnglawng hi sunparnak pek awk cu na si, Bawipa, zeicahtiah na dawtnak cu a fek i zumhawktlak na si.

SALM 138:2

Na biakinn thiang hmaiah ka kun i na min kha ka thangṭhat, zeicahtiah na dawtnak cu a fek i zumhawktlak na si, nangmah le na nawlbia cu a sang bik nan si kha na langhter.

MATTHAI 11:26

Asi, ka Pa, cucu nangmah nih siseh ti na duhningte a si.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

LUKA 1:72

Kan pupa hna cu, nan cungah zaangfahnak ka ngei lai, a ti hna i a thiangmi a biakamnak kha ka philh lo,’ tiah a ti hna.

LUKA 10:21

Khi tikah khan Jesuh cu Thiang Thlarau nih lawmhnak in a khahter i, “Maw ka Pa, van Bawi le vawlei Bawi a simi, mifim le mithiam hna sinin na rak thuhmi kha fimnak le thiamnak a ngei lomi hna sinah na langhter caah hin nangmah cu kan lawmh. Asi, ka Pa, hi thil na tuahnak cu nangmah duh tein le nangmah nih naa thimning tein a si ko.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

1 KORIN 1:1

Pathian duhnak in Khrih Jesuh lamkaltu si dingah kawhmi keimah Paul le kan unau Sosthenes nih, Korin khua i a ummi Pathian khrihfabu kha ca kan in kuat hna.

EFESA 1:9

Pathian nih a fimnak le a thil hmuh khawhnak in a rak i timhmi cu a hun tuah i Khrih thawngin tlinter a timhmi a khuakhannak a rak i thupmi kha kannih cu a kan hngalhter cang.

EFESA 3:11

Pathian nih a tuahmi hi, zungzal a rak i tinhmi ning khan a si i cucu kan Bawipa Jesuh Khrih thawngin a tlinter.

EFESA 4:32

Pakhat le pakhat cungah zaangfahnak lungthin le nemnak lungthin ngei u law Pathian nih Khrih thawngin an ngaihthiam hna bantukin pakhat le pakhat i ngaithiam u.

DEUTERONOMI 9:5

Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.