2 SAMUEL 7:14 - Lai (Hakha) Common Language Bible 2006

¹⁴ Keimah cu a pa ka si lai i amah cu ka fapa a si lai. ṭhat lonak a tuah tikah minung fung le minung fapa hna tuknak vual in ka chimhhrin lai;

2 SAMUEL 7:14 ပူးပေါင်းရင်းမြစ်များ

1 SIANGPAHRANG 11:34

Asinain pennak cu a ning piin a kut chungin ka la lai lo; sihmanhsehlaw ka thimmi ka sal David ka nawlbia hna le ka phungbia hna a zultu ruangah khan a chan chung paoh cu uktu ka siter ko lai;

1 SIANGPAHRANG 9:6

Sihmanhsehlaw nangmah siseh, na fale si hna seh, keimah zulhnak khan nan pial i nan hmaiah ka chiahmi ka nawlbia le ka phungbia kha nan zulh hna lo i nan kal i pathian dang kha an rian nan ṭuan hna i nan biak hna ahcun,

1 CHANRELNAK 17:13

Keimah cu a pa ka si lai i amah cu ka fa a si lai; nangmah hlan i a rak ummi sinin a fekmi ka dawtnak ka rak lak bantuk khan a sinin ka la lai lo;

1 CHANRELNAK 22:10

Amah nih cun ka min caah inn pakhat a sak lai. Amah cu ka fapa a si lai i keimah cu a pa ka si lai i a siangpahrang bawiṭhutdan cu Israel chungah zungzal in ka fehter lai,’ a ti.

1 CHANRELNAK 28:6

Amah nih a ka thawh i, ‘Ka inn le ka tual a satu ding cu na fapa Solomon hi a si lai, zeitintiah amah cu ka fapa si awkah ka thim cang i keimah cu a pa ka si lai.

JOB 5:17

“Zohhmanh, Pathian nih a chimhhrinmi cu lunglawmmi a si; Cucaah Lianngan Bik chimhhrinnak cu zeirello in um hlah.

SALM 2:7

“Bawipa nih a chimmi cu ka thanh lai,” tiah siangpahrang nih a ti. Cu a chimmi cu hihi a si: “Bawipa nih a ka thawh i, ‘Nangmah cu ka fapa na si, nihin ni ah hin kan hrin.

JEREMIAH 30:11

Zeicahtiah Bawipa nih, na sinah ka um i kan khamh lai, tiah a ti. Nannih kan ṭhek hnanak miphun vialte cu an donghnak ka phakter hna lai. Sihmanhsehlaw nang cu na donghnak kan phakter lai lo. Dantat awk naa tlakning in dan kan tat nain a hloh cu kan hlo taktak lai lo,” tiah Bawipa nih a ti.

MATTHAI 3:17

Cun vancung in aw pakhat a rung thang i, “Amah hi ka dawtmi ka Fapa a si, Amah cungah hin ka lung a tling,” tiah a ti.

1 KORIN 11:32

Sihmanhsehlaw Bawipa nih bia a kan ceih i dan a kan tat cu vawlei sinah sualphawt chih kan si nakhnga lo caah a si.

2 KORIN 6:18

Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.

DEUTERONOMI 8:5

Cucaah mipa nih a fapa a chimhhrin bantukin Bawipa nan Pathian nih an chimhhrin hna kha nan lung chungin hngal ko u.

HEBRU 1:5

Pathian nih a vancungmi pawl cu ahohmanh, “Nangmah cu ka Fapa na si, nihin ah na Pa ah ka cang,” a ti bal hna lo. Cu hleiah, “Keimah cu a Pa ka si lai i amah cu ka Fapa a si lai,” ti zongah a ti bal fawn hna lo.

BIAPHUAN 21:7

Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.