2 SAMUEL 7:11 - Lai (Hakha) Common Language Bible 2006

¹¹ hlan lio i ka mi hna cungah biaceihtu ka rak chiah hna caan bantuk khan, zaang en hmangmi hna nih an hrem ti hna lai lo; cun nangmah cu na ral vialte hna sinin dinhnak kan pek lai. Cu hleiah Bawipa nih nangmah cu Bawipa nih inn pakhat an serpiak lai, tiin an thanh.

2 SAMUEL 7:11 ပူးပေါင်းရင်းမြစ်များ

2 SAMUEL 7:1

Cun siangpahrang cu amah inn ah a um i Bawipa nih a velchum i ral a ummi vialte hna lakin dinhnak a pek tikah,

2 SAMUEL 7:19

Asinain mah hi cu nangmah mit ah cun maw Bawipa Pathian, a hmemi thil a si ko; caan saupi lio in na sal innchungkhar kong zong hi na rak chim chung cang i hmailei ciruang ding hna zong kha na ka hmuhsak cang, maw Bawipa Pathian!

2 SAMUEL 7:27

Zeitintiah maw ralkapbu Bawipa, Israel Pathian, nangmah nih hi phuannak cu na sal sinah, ‘Nangmah cu innchungkhar pakhat kan serpiak lai,’ tiin na rak ser cang; cucaah na sal nih nangmah sinah hi thlacamnak hi a cam ngam.

1 SIANGPAHRANG 11:38

Cun nangmah nih nawl kan pekmi vialte kha na ngaih i ka lam kha na zulh hna i ka sal David nih a rak tuah bantukin ka nawlbia le ka phungbia zulhnak thawngin ka mit na tlin ahcun, na sinah ka um lai i David ca i ka sak bantuk khan, a fekmi innchungkhar kan sakpiak lai i Israel cu nangmah kan pek lai.

1 SIANGPAHRANG 2:24

Cucaah keimah kha a ka fehter i, ka pa David bawi ṭhutdan cungah a ka chia i bia a ka kam bangin innchungkhar a ka serpiaktu Bawipa nih a nun bangin, Adonijah cu nihin ah thah a si lai,” tiah a ti.

1 CHANRELNAK 17:10

hlan lio i ka mi Israel mi hna cungah biaceihtu ka rak chiah hna caan bantuk khan, zaang-en hmangmi hna nih an hrawkhral ti hna lai lo; cun na ral vialte cu kan teipiak lai. Cuhleiah Bawipa nih nangmah cu inn pakhat an serpiak lai tiah kan thanh.

1 CHANRELNAK 22:10

Amah nih cun ka min caah inn pakhat a sak lai. Amah cu ka fapa a si lai i keimah cu a pa ka si lai i a siangpahrang bawiṭhutdan cu Israel chungah zungzal in ka fehter lai,’ a ti.

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

SALM 106:42

An ral nih cun an rial hna i cawlcang kho loin an kut tangah cun an chiah hna.

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

SALM 46:9

Hi vawleicung pumpi ah ral cu a daihter dih ko hna, likuk cu a khiah hna i fei cu a hrawh dih hna, phaw hna cu mei in a khangh dih hna.

EXODUS 1:21

Sayamah hna nih khan Pathian kha an ṭih caah Pathian nih annih cu tefa a pek hna.

PHUNGTHLÛKBIA 14:1

Nu fim nih an inn kha an sak, sihmanhsehlaw nu hrut nih anmah kut lila in an ṭheh dih hna.

HEBRU 11:33

Zumhnak in ram ngan pipi kha an tuk hna i an tei hna. A dingmi thil kha an tuah i Pathian nih bia a kamhmi hna kha an hmuh. Chiandeih kha an ka an phih hna,

1 SAMUEL 2:35

Cun keimah hrimhrim nih zumhawktlak tlangbawi pakhat, ka lung chung le ka ruahnak chungah a ummi ningin a tuahtu ding cu ka chuahter lai; cun amah cu a fekmi innchungkhar ka sakpiak lai i ka chiti thuhmi hmaiah a zungzal in a lut a chuak lai.

1 SAMUEL 25:28

Na salnu ka sualnak cu ka ngaithiam ko sawh; zeitintiah ka bawipa nih Bawipa raltuknak kha a tuk caah Bawipa nih ka bawipa cu a fekmi inn a serpiak ṭheo lai i na nun chung paohpaoh nangmah chungah ṭhat lonak hmuh awk a um lai lo.