2 SAMUEL 6:17 - Lai (Hakha) Common Language Bible 2006

¹⁷ Cun Bawipa kuang kha an luhpi i a umnak ding hmun caah David nih a rak bunhmi thlam chungah khan an chiah. Cun David nih khangh thawinak le daihnak thawinak kha Bawipa hmaiah a pekchanh.

2 SAMUEL 6:17 ပူးပေါင်းရင်းမြစ်များ

1 SIANGPAHRANG 8:5

Cun Solomon Siangpahrang le Israel mi bu vialte, a hmai i aa pummi hna nih cun amah he kuang hmaiah khan tuu le cawtum tam tuk hringhran an thawi hna caah zeizat an si kha hngalh cawk le rel cawk an si lo.

1 CHANRELNAK 15:1

David nih amah caah David khua chungah khan inn a sak hna i Pathian kuang caah khan hmun pakhat a timh i thlam pakhat a bunhpiak.

1 CHANRELNAK 15:3

Cun Bawipa kuang cu a ca i a timhmi hmun i hun kalpi awkah, David nih Israel mi vialte cu Jerusalem ah a pumh hna.

1 CHANRELNAK 16:1

Cun Pathian kuang cu an luhpi i David nih a bunhpiakmi thlam chungah khan an chiah; cun Pathian hmaiah khangh thawinak le daihnak thawinak kha an pekchanh.

1 CHANRELNAK 6:31

Mah hna hi David nih Bawipa inn chungah, khika i kuang kha chiah a si hnuah, hla saknak rian tlaitu ah a chiahmi hna cu an si.

2 CHANRELNAK 1:4

(Sihmanhsehlaw David nih Pathian kuang kha cu Kiriath-jearim in David nih hmun a serpiakmi, Jerusalem i thlam pakhat a bunhpiakmi ah khan a rak hunpi cang.)

2 CHANRELNAK 5:6

Cun Siangpahrang Solomon le Israel mi bu vialte amah hmai i aa pummi hna cu kuang hmaiah khan an um i annih nih an thawimi tuu le cawtum cu an tam tuk caah rel cawk le chim cawk an si lo.

SALM 132:8

Maw Bawipa, biakamnak kuang he cun naa dinhnak hmun ah khan ra tuah, na ṭhawnnak hmelchunhnak a simi kuang he cun ra law zungzal in um tuah.

LEVITIKAS 3:9

Cun daihnak thawinak pekchanhnak chung cun, Bawipa sin i mei in thawinak caah, a thau kha le, a thaumi a mei cu a thluan in, a kengruh tiangin a hun khoihmi le, a chungril a khuhtu thau le a kiar vialte le,