2 SAMUEL 6:16 - Lai (Hakha) Common Language Bible 2006

¹⁶ Bawipa kuang kha David khua chung i a luh lioah Saul fanu Mikhal nih khan thlalangawng in a hei zoh i Siangpahrang David cu Bawipa hmai i a laam le aa hlawh len ko kha a hei hmuh i a lung chungin a nihsawh.

2 SAMUEL 6:16 ပူးပေါင်းရင်းမြစ်များ

2 SAMUEL 3:14

Cun David nih Saul fapa Ishbosheth sinah khan lamkal a hei thlah hna i, “Filistin mi cuarpar za khat in ka hammi ka nupi Mikhal kha ka pe tuah,” tiah a ti.

2 SAMUEL 5:7

Sihmanhsehlaw David nih Zion ralhruang cu a lak ko ai, cucu David khua ti a si.

2 SAMUEL 6:15

Cucaah David le Israel innchungkhar vialte nih aupah le muko tumpah in Bawipa kuang cu an hunpi.

2 SAMUEL 6:20

Cun David cu a innchungkhar kha thluachuah pek awkah a va kir. Sihmanhsehlaw Saul fanu Mikhal nih khan David cu ton awkah a ra chuak i, “Nihin cu Israel siangpahrang cu a sunglawi ko cu ta, mizeiruaramlo pakhat nih ningzah hngal loin a hnipuan aa phoih bantukin pei, a sal hna i an salnu hna hmaiah, nihin ah aa phoih ve kha!” tiah a ti.

1 CHANRELNAK 15:29

Cun Bawipa biakamnak kuang cu David khua i a rat lioah khan, Saul fanu Mikhal nih khan thlalangawng in a hei zoh i David Siangpahrang a lam len ko le aa nuamh len ko kha a hei hmuh i a lung chungin a nihsawh.

SALM 123:3

Maw Bawipa, kan zaangfah ko sawh, kan zaangfah ko sawh; an kan serhsat tuk hringhran!

SALM 69:7

Nangmah ruangah nihsawhnak ka hmuh hi a si i nangmah ruangah ningzahnak nih a kan khuh hi a si.

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

LAMKALTU 2:13

Sihmanhsehlaw midang nih cun an nihsawh hna i, “Hi hna hi zu an ri,” tiah an ti hna.

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

1 SAMUEL 18:17

Cun Saul nih David cu, “Hika ah hin ka fanu upa deuh Merab a um ko; nupi caah kan pek lai; keimah caah na ral bel ṭha ko law, Bawipa raldohnak cu do ko hna,” tiah a ti. Zeitintiah Saul nih, “Keimah kut cun thi hlah seh, sihmanhsehlaw Filistin mi hna kut tu in thi deuh seh,” tiah a ruah.

1 SAMUEL 18:20

Saul fanu Mikhal nih David kha a duh i cucu Saul kha an chimh i cu nih cun a lung a lawmhter.